Jashua 17:4 - La Bible en Otetela (Bible K'Ekila) 1991

⁴ Vo wakayutela olombedi Eleazara, Jashua, onʼa Nuna, la ewandji, vati: Latuyalaka akatela Mose dia ndi ntusha etenyi kʼukito lʼatei wʼanengesu. Ku ndi akawasha etenyi kʼukito lʼatei wʼanangu shewo, uku akati Latuyalaka.

Jashua 17:4 Iomraidhean Croise

Walelu 27:1

Ku ana amantu wa Zelofehade, onʼa Hefere, onʼa Ngiliyade, onʼa Makira, onʼa Manase, wakasukana. Vo waki uma lu khumbu ya Manase, onʼa Josefu. Kumbu ya anʼandi wʼamantu nye: Mala, Noa, Hongela, Milika, la Tiriza.

Walelu 27:4

Ukundi ukuki lukumbu la shesu nshisho uma lʼatei a khumbu kandi, ne dia ndi kumbuta ona pami? Utusha kete ya sangu lʼatei wʼanangu shesu.

Walelu 36:10

Okone ana amantu wa Zelofehade wakatshi uku akadjangela Latuyalaka Mose.

Ngalatiya 3:28

Aha usi Juda kuyanga usi Ngirika, aha fumbi kuyanga luyadjasedi, aha pami kuyanga umuntu; ne dia nyu tshe nyeko untu otoi le Kristu Jesu.

Jashua 14:1

Okone mbakakahanya olombedi Eleazara, Jashua, onʼa Nuna, la ete wa khumbu wʼasi Isariyele kete ya Kanana ukito le asi Isariyele.

Jashua 17:5

Tenyi dikumi diakandama lʼuwali le Manase ladiku dia kete ya Ngiliyade la Bashana yeli la wedi wa Jorodana,

Jashua 21:1

Ete wa khumbu yʼasi Lewi wakasukana le olombedi Eleazara, Jashua, onʼa Nuna, la ete a wauhu wʼasi Isariyele