Jashua 17:11 - La Bible en Otetela (Bible K'Ekila) 1991

¹¹ Asi Manase waki la esumba ene lʼatei wa kete ya Isakara la ya Ashere: Bete-Sheana la ngelu ya lʼokongo awo, Ibileame la ngelu ya lʼokongo awo, asi Dora la ngelu ya lʼokongo awo, asi Ene-Dora la ngelu ya lʼokongo awo, asi Tanaka la ngelu ya lʼokongo awo, lʼasi Mengido la ngelu ya lʼokongo awo; Nafata keli wa satu.

Jashua 17:11 Iomraidhean Croise

2 Samuele 21:12

Davidi akatshu, akatosa weka wa Saulu la wʼonʼandi Jonatana uma la le asi Jabeshe-Ngiliyade, wakawatosa lu usheshe uma lʼosese wa Bete-Shana, lene akahane asi Filistiya lu lushi lakawadiaki Saulu la Ngiliboa.

1 Khumi ya Dikanga 9:15

Onʼeli okondo wʼulimu wakakambisha khumʼekanga antu la khudu dia mpika luudu la Latuyalaka, luudu landi, Milo, lʼeheli ka lukumbu la Jerusalema, Hazora, Mengido, la Ngezere.

2 Khumi ya Dikanga 9:27

Lamʼakenyi Ahaziya, khumʼekanga ka Juda, dikambu so, ndi akalawo lu mbuka kʼuma lu luudu lʼekambo. Jehu akayelana la ndi, akati ati: Nyudiaki ndu ndi lu pusupusu! Vo wakuhumuya lamʼakandatambelaka lu dikuna dia Ngura, lasuki la Ibileama. Ku ndi akalawo utsha la Mingido, akatuvo leko.

1 Ekondo 6:70

uma lʼetenyi ka hendi ka diuhu dia Manase; Anera la utshimba awo, la Bileame la utshimba awo, ne dia atshikadi wʼasika Kohata.

1 Ekondo 7:29

Ndu lʼumamu wʼulelu wʼasi Manase, Bete-Sheana la ngelu ya lʼokongo awo, Tanaka la ngelu ya lʼokongo awo, Mengido la ngelu ya lʼokongo awo, la Dora la ngelu ya lʼokongo awo. Lu ahuli aso mbakadjashi asika Josefu, onʼa Isariyele.

2 Ekondo 35:22

Keli Josiya kumbetawo mumo uma le ndi, akayafanya lʼuntu ukina dia ndo la ndi. Ndi kumbetawo aui wa Neko waki uma lʼunyo wa Unyashungu. Ndi akatshu dia ntolo la ndi lʼukidi wa Mengido.

Esambu 83:10

Vo wakalanyema la Ene-Dora, Wakayala eteto ka ntemia kete.

Jeremiya 49:2

Nyuki, nshi yayuyala, Yayumutsha Raba kʼasi Amona lundju la ta. To kayuyala tuta diʼelanyelu, La ngelu ya lʼokongo awo yayutshumbama. Ku Isariyele wayulela waku wakawaulelaka, Mbata Latuyalaka.

Zekariya 12:11

Lushi loso, utanda a wuki ayuyala la Jerusalema, uku utanda wa Hadadarimona lʼukidi wa Mengido.

Jashua 11:2

le khumi ya dikanga yaki lu leke la ngelʼa kushi lʼakuna, lu Araba, lu leke la diku dia kushi la Kinerote, lʼukidi, lu Nafota-Dora lu leke lʼedjelu ka unya,

Jashua 12:21

khumʼekanga ka Tanaka, otoi; khumʼekanga ka Mengido, otoi;

Jashua 12:23

khumʼekanga ka Dora, lu Nafata-Dora, otoi; khumʼekanga ka Ngayima, lu Ngalili, otoi;

Jashua 16:9

Asi Efarayima waki la esumba ekina wakawose uma lʼetenyi kʼukito kʼasi Manase. Esumba ako tshe waki kame la ngelu yawo.

Jashua 17:10

Kete ya Efarayima yaki la diku dia kushi, la kete ya Manase la ngelʼa kushi. Ku kete yawo yakatukume lu Ashi a Mediteraneya. Kete yako yakatudja la Ashere ulelu lu leke la ngelʼa kushi, la Isakana lu leke lʼehutwelu.

Jashua 17:16

Ku diuhu dia Josefu wakûkaluya diui vati: Leke lʼakuna halukuka le su. Ndu pusupusu ya ta ya mbulu yeko le asi Kanana tshe wudjashi lʼukidi. Yo yeko ndu le wane wudjashi la Bete-Sheana, ndu wa lu ngelu ya lʼokongo awo, ndu le wane wudjashi lʼUkidi a Jezerele.

Embadi 1:27

Asi Manase kumbitshanya asi Bete-Shana, la wane waki lu esumba wa lʼokongo awo, asi Tanaka, la wane waki lʼokongo awo, asi Dora la wane waki lu esumba wa lʼokongo awo, asi Jebelame, la wane waki lu esumba wa lʼokongo awo, ndu asi Mengido, la wane waki lu esumba wa lʼokongo awo. Asi Kanana wakashikikala lu kete yako.

Embadi 5:19

Khumi ya dikanga wakayi dia ndjolo ta, Khumi ya dikanga ya Kanana wakayolo Lasuki la Tanaka, lʼumamu wʼashi wa Mengido; Keli vo kombosa diango dia dimbu dia fesa.

1 Samuele 28:7

Saulu akatela ekambi andi ati: Nyutunyangeli umuntu latoteketshaka djimu, keli dimi ndjutshu le ndi ntuwumbuli. Ku akambi andi wakawutela vati: Ulungi, la Ene-Dora keli umuntu omotshi latoteketshaka djimu.

1 Samuele 31:10

Vo wakakitsha dihumo dia ta diaki Saulu lu luudu la WaAshitarota. Ku wakamami udu andi lu eheli ka Bete-Shana.

1 Samuele 31:12

apami wa dihunga tshe wakunela, wakatshu utshu utu. Vo wakatunya udu wa Saulu la edu wa anʼandi lu peli dia la Bete-Shana. Ku vo wakakalula la Jabeshe, wakatutshumba edu awo leko.