Jashua 16:8 - La Bible en Otetela (Bible K'Ekila) 1991

⁸ Uma la Tapua, ulelu waketi utsha lʼedjelu lu okedi wa Kana. Vo waketi loko edja ndu lʼAshi a Mediteraneya. Oso aki etinyi kʼukito kʼasi Efarayima uku khumbu yawo.

Jashua 16:8 Iomraidhean Croise

2 Samuele 2:9

Ndi akawudji khumʼekanga ka Ngiliyade, kʼasi Ngeshure, ka Jezerele, ka Efarayima, ka Bendjamina, ndu ka Isariyele tshe.

1 Ekondo 7:28

Etenyi kawo kʼukito la edjaselu kawo kaki Betele la ngelu ya lʼokongo awo, Narana lu leke lʼehutwelu, la Ngezere lu leke lʼedjelu la ngelu yaki lʼokongo awo, ndu Shekeme la ngelu ya lʼokongo awo pulu, ndu Aya la ngelu ya lʼokongo awo.

Ezekiyele 48:5

Uma lʼulelu wa Manase, Efarayima kakundja etenyi otoi: uma lu leke lʼehutwelu pulu ndu lu leke lʼedjelu.

Walelu 34:6

Ulelu anyu wa lu leke lʼedjelu wayuyala lʼumamu wʼAshi a Wuki. Oso ayuyala ulelu anyu wa lu leke lʼedjelu.

Jashua 12:17

khumʼekanga ka Tapua, otoi; khumʼekanga ka Hefere, otoi;

Jashua 16:9

Asi Efarayima waki la esumba ekina wakawose uma lʼetenyi kʼukito kʼasi Manase. Esumba ako tshe waki kame la ngelu yawo.

Jashua 17:7

Kete ya Manase yaki uma la Ashere utsha la Mikimetate, keli lasuki la Shekeme. Ku ulelu ayo wakakadimo utsha lu lunya la pami utsha le asi Ene-Tapua.

Jashua 19:28

Eberona, Rehobe, Hamona, la Kana, edja ndu la Sidona ka Wuki.