Jashua 15:7 - La Bible en Otetela (Bible K'Ekila) 1991

⁷ Ku ulelu ako wakambela utsha la Debire, tshalula uma lʼukidi wa Akora, ku wakelela utsha la ngelʼa kushi, lu leke la Ngilingala kelanedi la edelu ka Adumima, utsha la diku dia kushi diʼokedi. Vo waketi lu ashi wa Ene-Shemeshe, wakasimbo edia ndu la Ena-Rungele.

Jashua 15:7 Iomraidhean Croise

2 Samuele 17:17

Jonatana la Ahimaze wakakungaka la Ene-Rongele. Ku ukambi a umuntu omotshi akatshokaka dia ntuwatela kumu, ne dia vo kumbeya mboto lʼusumba. Vo wakatshu la ntutela khumʼekanga Davidi.

1 Khumi ya Dikanga 1:9

Adonidja akalambula ekoko, ngombe, la ana wa ngombe lʼumamu a Dive dia Ului, dieli lasuki la Ene-Rongele. Ndi aketi anangu tshe, ana wa khumʼekanga, la apami tshe wa Juda ndu ekambi wa khumʼekanga.

Isaya 65:10

Sharona ayuyala dihuli dia dungalunga ndekaka adiyu, La ukidi wʼAkora dihuli dia dio mbetamaka, Ne dia wudja ami watunyangaka.

Hosea 2:5

Nyengewo akunanaka, one lakawauti akayasuwula. Ndi akati ati: Dimi layuyela eseka ami, Watumbishaka ma diami la ashi ami, Ahondo ami wa diosa diʼekoko, ndu wa linene, iso la dinono.

Jashua 10:43

Jashua akakalula ndi lʼasi Isariyele tshe utsha lu pangu ka la Ngilingala.

Jashua 15:15

Ndi akunela uma leko la ntolo lʼasi Debire, Debire diako mbakawetaka nshi kina vati: Kiriyate-Sefere.

Jashua 15:6

Vo wakambela utsha la Bete-Hongela, waketi lu ngelʼa kushi ka Bete-Araba. Ku wakambela edja ndu la dive dia Bohana, onʼa Rubena.

Jashua 18:17

Vo wakelela la ngelʼa kushi utsha la Ene-Shemeshe, ku la Ngehʼlote, kelanedi la edelu ka Adumima, ku vo ntuhulo la dive dia Bohana, onʼa Rubena.

Jashua 4:19

Antu wakatumbi uma lu Jorodana lu lushi la dikumi la ngondo ka ntundu, wakahangi la Ngilingala, la kuma ka Jeriko, lu leke lʼehutwelu ka unya.

Jashua 7:24

Jashua la asi Isariyele tshe wakose Akana onʼa Zera la fesa, koti, etenyi ka paunyi, ndu anʼandi wʼapami la wʼamantu, ngombe yandi, punda ya-ndi, ekoko andi, luudu landi la dipema, ndu tshe kaki la ndi, wakatole lʼukidi wʼAkora.

Jashua 7:26

Vo wakakitsha ului a wuki wʼave ladiku dia udu wa Akana. Vo weko edja ndu elo. Ku Latuyalaka akumo kele kandi ka wulu. Uma lu dikambu diako, mbatuwetaka dihuli diako edja ndu elo vati: Ukidi wʼAkora (kitshimudi ati: Ohenyohenyo).