Jashua 15:47 - La Bible en Otetela (Bible K'Ekila) 1991

⁴⁷ Ashidode, la esumba waki lʼokongo awo, kame la ngelu yawo; Ngaza, la esumba waki lʼokongo awo, kame la ngelu yawo. Ulelu awo aketi lʼokedi wa Edjibitu, edja ndu lʼAshi a Mediteraneya.

Jashua 15:47 Iomraidhean Croise

1 Khumi ya Dikanga 5:4

Keli kakiane Latuyalaka, Unyashungu ami, ambumbisha mumuya lu beke tshe. Atunyi kema, ndu ohenyohenyo kema!

2 Khumi ya Dikanga 18:8

Ndi akalo la asi Lilistiya pulu ndu la Ngaza, akalanya kete yawo, tusamba la esumba awo a wulu.

2 Ekondo 26:6

Ndi akatshu la ntolosha asi Filistiya, akatuhandjula peli dia lukumbu la Ngata, peli dia lukumbu la Jabine, ndu peli dia lukumbu lʼAshidode. Ndi akahiki esumba lu leke lʼAshidode, ndu lu ahuli akina lʼatei wʼasi Filistiya.

Etumbelu 23:31

Layushikike elelu anyu uma lʼUduwa a Tilili pulu ndu lʼuduwa wʼasi Filistiya, ndu uma lʼusui wa shenga edja ndu lu ndjali kʼEyufarate. Dimi layukimo akanga a kete lʼanya anyu, ku nyu nyayuwatshanya uma la ntundu kanyu.

Jeremiya 47:1

Diui dia Latuyalaka diakayi le umvutshi Jeremiya lu dikambu diʼasi Filistiya ntundu Farayo atalembia Ngaza.

Jeremiya 47:5

Ngaza kambuyala shenga, Ashikelona ambulanyema. Nyu atshikadi wa lʼukidi awo, Edja ndu kaandi ayunyukimo ndjakota puta?

Zefaniya 2:4

Ngaza ayutshikala hwe, Ashikelona ayuyala tongo tu, Ashidode wayutshanyema unya lʼatei wʼote, Ekerona ayuhikwama.

Etsha wa Atumami 8:26

Keli ondjelo wa Khumadiondjo akatela Filipo ati: Unela, utshu utsha lu leke la diku dia kushi, lu mbuka kuyi uma la Jerusalema utsha la Ngaza. Dihuli diako dieko shenga.

Euhwelu kʼElembe 2:23

Asi Ave wakadjaseka lu ngelu motshi edja ndu la Ngaza, wakadiakema le asi Kafetore, wakayi uma la Kafetore, ku wakayudjase lu dihuli diawo.)

Jashua 11:22

Nduku usika Anaka akatshikala lu kete ya asi Isariyele. Tshikima la Ngaza, la Ngata la la Ashidode, kakawatshikala atoi.

Jashua 13:3

(uma lʼokedi wa Shihore, weli lu leke lʼehutwelu la Ejibitu edja ndu lʼulelu wa Ekerona, lu leke la diku dia kushi, kete yeyama uku yʼasi Kanana; embuledi etanu wʼasi Filistiya, waki leko, wa la Ngaza, Ashidode, Ashikelona, Ngata la Ekerona), ndu diʼasi Avima,

Jashua 15:4

Lʼokongo diku, ulelu ako waketi lu Azemona, wakatukuma pulu ndu lʼokedi wa Edjibitu, edja ndu lʼuduwa. Osoku mbayuyala ulelu anyu lu leke la diku dia kushi.

Jashua 15:46

Uma lʼEkerona edja ndu lʼAshi a Mediteraneya, esumba ako tshe waki lasuki lʼAshidode, kame la ngelu yawo.

Jashua 15:48

Lu leke lʼakuna: Shamira, Jatira, Soko,