Jashua 15:13 - La Bible en Otetela (Bible K'Ekila) 1991

¹³ Jashua akasha Kaleba, onʼa Jefune, etenyi kʼukito lʼatei wʼasi Juda, uku akawudjangela Latuyalaka. Ndi akawusha Kiriyate-Areba, ketawo vati: Heberona. (Areba ako kaki shi Anaka).

Jashua 15:13 Iomraidhean Croise

Etatelu 13:18

Abarama akaseko la luudu landi la dipema, akatudjase lʼatshina wʼetamba wʼelungu wa la Mamare weli lasuki la Heberona. Ku ndi akatuhikela Latuyalaka ediakelu leko.

Etatelu 23:2

Sara akavu lu Kiriyate-Areba (ketawo vati: Heberona) lu kete ya Kanana. Abarahama akatshi utanda dia ndela Sara.

2 Samuele 2:1

Lʼokongo a dikambu so, Davidi akambula Latuyalaka ati: Ntshu lʼusumba omotshi wa Juda? Latuyalaka akûkaluya diui ati: Tshoka. Davidi akawumbula ntu ati: Lʼusumba akona wayumutsho? Ku Latuyalaka akûkaluya diui ati: La Heberona.

1 Ekondo 6:56

Keli dikambo dia lʼusumba la ngelu yawo mbakawasha Kaleba, onʼa Jefune.

2 Ekondo 11:10

Sora, Aidjalona, la Heberona, esumba a wulu waki la Juda la la Bendjamina.

Walelu 13:30

Keli Kaleba akalembohaya antu la ntundu ka Mose; akawatela ati: Tuneli kakiane, tutohotole kete, ne dia shu mbeyaka ndjilembia.

Walelu 13:6

Kaleba, onʼa Jefune, uma lu diuhu dia Juda;

Jashua 11:21

Lʼetena kako, Jashua akatshu, akatudiaka asi Anaka wʼuma lu leke lʼakuna wa Heberona, wa Debire, wa Anaba, wa lu leke lʼakuna tshe wa Juda, ndu leke lʼakuna wa Isariyele. Jashua akalanya esumba awo, ndu akashili ushiki.

Jashua 20:7

Vo wdkakidia Kedeshe ka la Ngalili, lu leke lʼakuna wa la Nafetali, Shekeme lu leke lʼakuna wa Efarayima, la Kiriyate-Areba (ketawo vati: Heberona) lu leke lʼakuna wa la Juda.

Jashua 21:11

Vo wakawasha Kiriyate-Areba (ketawo vati: Heberona) lʼakuna wa Juda kame la utshimba ato. Areba ako kaki shi Anaka.

Embadi 1:10

Ku Juda akatshu la ntolo lʼasi Kanana wakadjashi la Heberona (kakawetaka ntundu vati: Kiriyate-Areba). Ndi akalembia Sheshai, Ahimana la Talamai.

Embadi 1:20

Vo wakasha Kaleba Heberona uku akati Mose. Ndi akatshanya ana asatu wʼAnaka uma leko.

1 Samuele 25:3

Lukumbu la untu ako laki Nabala, lukumbu la wadendi Abingayili. Umuntu ako aki la yimba efula ndu dimena diahangone. Keli pami kako aki engeno ndu aki la ditshelu dia kolo. Ndi aki uma lu diuhu dia Kaleba.

1 Samuele 30:14

Shu takatumba antu wa la Nengebe kʼasi Kerete, ndu ka Juda, ndu wa la Nengebe ka Kaleba. Ku takatshumbi Zikilange.

1 Samuele 30:31

wa la Heberona, ndu wa lʼahuli tshe wakatakindulaka Davidi la alimbi andi.