Jashua 15:11 - La Bible en Otetela (Bible K'Ekila) 1991

¹¹ Ku vo mbeta lu leke la ngelʼa kushi la Ekerona, ku vo nsimbo utsha la Shikerona, ku mbeta lʼUkungu a Bala. Ku vo ntukuma pulu la Jabinele, ku ntukume lʼuduwa.

Jashua 15:11 Iomraidhean Croise

2 Khumi ya Dikanga 1:16

Ndi akatutela khumʼekanga ati: Latuyalaka kata ati: We akatumi akendji dia ntumbula Bala-Zebube, etemolatemola ka lʼEke rona, ne dia we akakani wati: Unyashungu kema lu Isariyele dia mbumbula diui diandi? Diako mbahayukita uma lu tangi ketamiye. Mete, we ayuvo.

2 Khumi ya Dikanga 1:6

Vo wakûkaluya diui vati: Untu omotshi akahumanyi la su, akatutedi ati: Nyukaluli, nyutshu le khumʼekanga lakanyutumi, nyutuwuteli nyati: Latuyalaka kambula ati: Undi, ne dia Unyashungu kema lu Isariyele, mbutumiye akendji la ntumbula Bala-Zebube, etemolatemola ka lʼEkerona? Uma lu dikambu ne, mbahayukita uma lu tangi ketamiye. Mete, we ayuvo.

2 Ekondo 26:6

Ndi akatshu la ntolosha asi Filistiya, akatuhandjula peli dia lukumbu la Ngata, peli dia lukumbu la Jabine, ndu peli dia lukumbu lʼAshidode. Ndi akahiki esumba lu leke lʼAshidode, ndu lu ahuli akina lʼatei wʼasi Filistiya.

Walelu 34:6

Ulelu anyu wa lu leke lʼedjelu wayuyala lʼumamu wʼAshi a Wuki. Oso ayuyala ulelu anyu wa lu leke lʼedjelu.

Jashua 15:10

Uma la Bala ku ulelu ako nkadimo utsha lʼedjelu, lʼUkungu a Seire, ku vo ntenanya leke la ngelʼa kushi lʼUkungu a Jerima (wetawo vati: Kesalona). Ku vo mpulo la Bete-Shemeshe, ku mbeta lu Timina.

Jashua 15:12

Ashi a Mediteraneya nbaki ulelu awo lu leke lʼedjelu. Oso aki ulelu wa lʼutshimba wa kete yʼasi Juda, uku khumbu yawo.

Jashua 15:45

Ekerona, la esumba waki lʼokongo awo, kame la ngelu yawo.

Jashua 15:9

Uma la diku diʼukungu, ku vo mbeta edja ndu la kyoko yʼAshi a Nefetoa. Ku vo mbelela utsha lʼesumba wa lʼUkungu a Eferona, ku mbeta lu Bala (ketawo vati: Kiriyate-Jerima).

Embadi 1:18

Juda akalembia ndu Ngaza, la leke lawo, Ashikalona la leke lawo, la Ekerona la leke lawo.

1 Samuele 17:52

Asi Isariyele la asi Juda wakunela watahangohango, wakayelana lʼasi Filistiya edja ndu la Ngata, ndu lʼasuku wa Ekerona. Asi Filistiya wakahumo, wakatakokaka edu lu mbuka kʼutsha la Sharayima, pulu la Ngata, ndu la Ekerona.

1 Samuele 5:10

Ku vo wakatumi oshete wa Unyashungu utsha la Ekerona. Lamʼakakumi oshete ako la Ekerona, asi Ekerona wakadi tukuku vati: Vo wambutola oshete one wa Unyashungu wa Isariyele dia ndjutumana kai.

1 Samuele 5:8

Vo wakatumi diui dia nteta ewandji tshe wʼasi Filistiya, wakasangana la wo. Ku wakawambula vati: Kayututsha la oshete one wa Unyashungu wa Isariyele? Vo wakakaluya diui vati: Watole oshete wa Unyashungu wa Isariyele utsha la Ngata. Ku vo wakotole utsha leko.

1 Samuele 7:14

Asi Filistiya wakakaluya asi Isariyele esumba awo wakawahotola, uma la Ekerona pulu ndu la Ngata. Vo wakose Kete yawo yaki lʼanya wʼasi Filistiya. Ki kakayala ndu lʼasa isariyele la asi Amora.