Jashua 14:12 - La Bible en Otetela (Bible K'Ekila) 1991

¹² Okone umbisha kete nye ya lu leke lʼakuna, yakati Latuyalaka lushi lako. Ne dia lʼetena keku we akuki wati: Akunguti mbuiadi leko, la esumba awo weko waki ndu wudingami kumbu. Undu Latuyalaka ayutsho la mi, ku dimi layuwatshanya, uku akandati.

Jashua 14:12 Iomraidhean Croise

2 Khumi ya Dikanga 19:4

Undu, Latuyalaka, Unyashungu aye, akuki aui wa Rabishake lakatumi khumʼekanga kʼAsuriya dia monyola Unyashungu a lumu. Latuyalaka, Lʼnyashungu aye, ayuhangwela ne dia aui wakanduki undu. Osoku olombele atshikadi ane Unyashungu.

2 Ekondo 14:11

Asa akaleli le Latuyalaka, Unyashungu andi, ati: Latuyalaka, we weme kukuki nkimanyia one leli wodu uku ukukiye nkimanyia kanga wulu. We Latuyalaka, Unyashungu asu, utukimanyia, ne dia le ye kekamisu. Lu lukumbu laye mbambututumba dia ndjolo la ului one a wuki, Latuyalaka li, we keli Unyashungu asu, tetawoki untu nkolembia.

Esambu 44:3

Washesu konembia kete la wulu wa yombo yawo, Ndu vo kunshimbamela la wulu awo vame. Keli uma lu lunya laye la pami la usasi wʼelundji kaye, Ne dia we akawaukaka ngandji.

Esambu 60:12

Uma le Unyashungu mbayutuyala andeki wʼutamanya, Ne dia ndi ayukamela atunyi asu la tshina diʼakaka andi.

Walelu 13:28

Keli antu wudjashi lu kete yako weko akanga a wulu. Esumba awo weko waki, kumbu yʼave tshu. Dikambu dikina, shu takatena tukanula ta Anaka leko.

Walelu 13:33

Antu tshe wakatatena, waki akunguti atu (ana wa Anaka, wakayi uma lu wudja wʼakunguti). Shu takenama lu ashu asu ndu lu ashu awo uku tukatakata.

Walelu 21:34

Keli Latuyalaka akatela Mose ati: Tuwukaki woma, ne dia dimi lambukimo, ndi la antu andi tshe la kete yandi, lʼanya aye. Kutsheli uku akayatshela Sihona, khumʼekanga kʼasi Amora, lakadjashi la Heshibona.

Romo 8:31

Kayututa lu akambu ane? Naka Unyashungu eko la su wedi ayeya ntahamela na?

Euhwelu kʼElembe 1:28

Lendi ayututsho na? Anengesu wakayutete etema ashi atu vati: Antu aso tuleka waki efula ndu etali. Esumba awo waki etu, la kumbu yawo ya wulu pulu ndu lʼulungu. Dikambu dikina, takatena ndu asika Anaka leko.

Euhwelu kʼElembe 9:1

Isariyele li, nyuki! Elo, nyuteho Jorodana dia ntohotola wedja wunyuleki waki ndu wulu kete, esumba a waki la wudingami kumbu pulu ndu lʼulungu,

Euhwelu kʼElembe 9:3

Okone nyeyi elo nyati: Latuyalaka, Unyashungu anyu, ayokendakenda la ntundu kanyu uku dja ya dikita. Ndi kayalanya, kayakitshakitsha la ntundu kanyu. Ku nyu nyayuwatshanya, nyayadiaka esadi, uku akanyulaki Latuyalaka.

Filipi 4:13

Dimi mbeyaka ntsha akambu tshe la wulu wa one latunkikitshaka.

Heberu 11:33

Dia mbetawo kawo, mbakawalembia waulelu, wakatshaka akambu wʼololo, wakalungula alaka, wakadihi enyo wa tambwe,

Jashua 15:14

Kaleba akatshanya ana apami asatu wa Anaka, Sheshai, Ahimana la Talamai, tukanula tʼAnaka, uraa leko.

Embadi 1:20

Vo wakasha Kaleba Heberona uku akati Mose. Ndi akatshanya ana asatu wʼAnaka uma leko.

1 Samuele 14:6

Jonatana akatela olongo a pami wakatembaka dihumo diandi ati: Yeti tuteho utsha lu pangu ka wane wahatahemaka uhekeli aku. Undu Latuyalaka ayutukimanyia, ne dia nduku lukuki mbushimba dia ntushimbela la ului one wa tshitshe uku ului a wuki.