Jashua 13:11 - La Bible en Otetela (Bible K'Ekila) 1991

¹¹ Ngiliyade, la kete yʼasi Ngeshure la asi Makata; ndu Ukungu a Heremona tshe, ndu Bashama tshe edja ndu la Saleka;

Jashua 13:11 Iomraidhean Croise

Etatelu 37:25

Lʼokongo diku wakayudjase lu nde ma. Wakedia ashu, wenyi ku ului wʼasi Ishamele one wayayi uma la Ngiliyade. Kamelo yawo yakayembaka diango diʼupumu, uku biso diʼushinga a wulu la mura, wateti la dio utsha lʼEdjibitu.

1 Ekondo 2:23

Ngeshure la Arama wakahotola ngelu ya Jayire, kame la Kenate la esumba wa lʼokongo awo, esumba akumi asamalu. Aso tshe waki tukanula ta Makira, shi Ngiliyade.

1 Ekondo 5:11

Asika Ngada wakadjase lu welelo awo, lu kete ya Bashana, pulu ndu la Saleka.

Walelu 32:29

Mose akawatela ati: Naka asika Ngada la asika Rubena, apami tshe wukimedi dihumo dia ntolo ta la ntundu ka Latuyalaka, wayuteho Jorodana kame la nyu, ndu naka kete yayolembiama la ntundu kanyu, kanyuwasha kete ya Ngiliyade sangu.

Euhwelu kʼElembe 3:10

Shu takahotola ndu esumba tshe wa lu kete ya bamubamu, Ngiliyade tshe, ndu Bashana tshe, edja ndu la Saleka la Ederei, esumba wa lu diulelu dia Onga ka la Bashana.

Jashua 11:3

le asi Kanana wa lu leke lʼehutwelu ndu lʼedjelu ka unya, le asi Amora, le asi Hiti le asi Perizi, le asi Jebuse wa lu leke lʼakuna ndu le asi Hiwi wuladi la tshina dia Heremona, lu kete ya Mizipa.

Jashua 13:10

la esumba tshe wa Sihona, khumʼekanga kʼasi Amora, lakuledi la Heshibona, pulu ndu lʼulelu wʼasi Amona;

Jashua 13:2

Kete yako yambutshikala nye: leke tshe lʼasi Filistiya, ndu diʼasi Ngeshure,

Jashua 13:25

Kete yawo yaki uma la Jazera, esumba tshe wa Ngiliyade, etenyi ka hendi ka ete yʼasi Amona, edja ndu lʼAroera, lu leke lʼehutwelu la lu Raba.

Jashua 17:5

Tenyi dikumi diakandama lʼuwali le Manase ladiku dia kete ya Ngiliyade la Bashana yeli la wedi wa Jorodana,

1 Samuele 13:7

Asi Heberu amotshi wakateho Jerodana utsha lu kete ya Ngada ya la Ngiliyade, laso ku Saulu eki la Ngilingala. Antu tshe waki la ndi wakadidima.