Jashua 12:6 - La Bible en Otetela (Bible K'Ekila) 1991

⁶ Mose, ukambi a Latuyalaka, la asi Isariyele wakalembia. Ku Mose, ukambi a Latuyalaka, akasha asi Rubena, asi Ngada la etenyi ka hendi ka diuhu dia Manase, kete sho ukito.

Jashua 12:6 Iomraidhean Croise

1 Khumi ya Dikanga 4:19

Ngebere, onʼa Uri, lu kete ya Ngiliyade, wudja wa Sihona, khumʼekanga kʼasi Amora, la wa Onga, khu mʼekanga ka Bashana. Olohe otoi mbaki lu kete ya Juda.

Walelu 32:29

Mose akawatela ati: Naka asika Ngada la asika Rubena, apami tshe wukimedi dihumo dia ntolo ta la ntundu ka Latuyalaka, wayuteho Jorodana kame la nyu, ndu naka kete yayolembiama la ntundu kanyu, kanyuwasha kete ya Ngiliyade sangu.

Walelu 32:32

Shu tayuteho tukimedi dihumo dia ta la ntundu ka Latuyalaka utsha lu kete ya Kanana, ku etenyi ka sangu diasu kayutshikala kame la su lu wedi one wa Jorodana.

Walelu 32:33

Ku Mose akawasha, vo asika Ngada, asika Rubena, la etenyi ka hendi ka diuhu dia Manase, onʼa Josefu, diulelu dia Sihona, khumʼekanga kʼasi Amora, la diulelu dia Onga, khumʼekanga ka Bashana, kete la esumba ayo kame la beke diawo, la esumba tshe wa kete yadingi.

Jashua 14:3

Mose akatakahanyisha wauhu ahendi la etenyi ka hendi kete yʼukito la wedi wa Jorodana. Keli ndi kumbisha asi Lewi kete ukito lʼatei awo.

Jashua 18:7

Keli asi Lewi hawuyala la etenyi kʼukito lʼatei anyu, ne dia ulimu wʼolombedi wa Latuyalaka mbeli etenyi kawo kʼukito. Asi Ngada, la asi Rubena la etenyi ka hendi kʼasi Manase, wakatalungudi etenyi kawo kʼukito la wedi wa Jorodana, lu leke lʼehutwelu, kakatawasha Mose, ukambi wa Latuyalaka.

Jashua 22:4

Ku kakiane, Latuyalaka, Unyashungu anyu, ambusha anengenyu mumuya uku akandawatela. Nyukaluli, nyutshu utsha lu ngelu yanyu lu kete yanyu, yakanyusha Mose, ukambi wa Latuyalaka, la wedi wa Jorodana.