Jashua 11:6 - La Bible en Otetela (Bible K'Ekila) 1991

⁶ Latuyalaka akatela Jashua ati: Tuwaukaki woma, ne dia lui lʼetena kene, layakimo, vo tshe, edu etu le asi Isariyele. Kuhimbuli eshisha wa falasa yawo, kutshumbi pusupusu yawo ya ta.

Jashua 11:6 Iomraidhean Croise

2 Samuele 8:4

Davidi akohotola ambahemi wa falasa kinunu la kama esambeli, alimbi wakakendakendaka lʼekulu nunu akumi ahendi. Ndi akahimbula falasa tshe yakakutulaka pusupusu eshisha ayo wa lʼekulu. Ndi akatshiki paka falasa yukuki nkutula pusupusu lukama.

2 Khumi ya Dikanga 6:16

Ku ndi akûkaluya diui ati: Tukaki woma, ne dia wane weli la su, ndeka waku weli la wo efula.

2 Ekondo 20:16

Kanyuhulo lui dia ntalosha. Enda vo wayambela lu embelu ka Zize, nyu nyayutatana la kuma kʼukidi welanedi lʼusui wa shenga wa Jeruele.

Esambu 46:10

Nyuyali ki, nyeyi nyati: Dimi keli Unyashungu. Dimi layahamela wedja, layahamela kete tshe.

Esambu 46:11

Latuyalaka, Kanga lulimbilimbi, eko la su, Unyashungu a Jakoba, eli lungeli lasu la wuki.

Esambu 46:9

Ndi atukumiyaka ata pulu ndu lu kuma ya kete, Atowelaka uta, atokolaka dikonga, Atutshumbaka pusupusu ya ta lu dja.

Tukedi 20:7

Untu ololo atokendakendaka lʼuluwanyi wʼutema andi. Anʼandi watongenangenaka lʼokongo andi!

Isaya 30:16

Keli nyakati nyati: Kema, shu tayusamanya esadi lu falasa yasu. Uma lu dikambu diku, mbayunyutukalula la luwangu. Ku nyu nyati: Shu tayahema lu diango diatsho luwangu. Uma lu dikambu diako, mbayudja ndu wane wayunyutshanya luwangu.

Isaya 31:1

Mananu kayali le waku watutshokaka Utsha lʼEdjibitu dia ntuyanga ekimanyelu, Watekamaka falasa ndu wayuyasemaka Ne dia efula ka pusupusu la wulu wʼambahemi wa falasa. Keli vo hawutendaka utsha le lʼEkila lʼIsariyele, Kuyanga nyanga Latuyalaka.

Ezekiyele 39:9

Wane wudjashi lʼesumba wa Isariyele wayutumba, wayete dihumo kunyi, dingawu dia tshitshe ndu dia waki, eta la pitu, ndu esongo la akonga, wayuditshumba. Vo wayudidjaka lu dja deku esambeli.

Hosea 14:3

Asuriya naweyi ntushimbela, Shu hatahema ladiku dia falasa. Shu hatuyeta diango diakatasek Lʼanya asu ntu shati: Unyashungu asu. Ne dia le ye katutanaka ana wa ditshiki ketshi.

Nahuma 2:13

Ulungi, dimi layendana la ye, mbata Latuyalaka Kanga lulimbilimbi, layutshumba pusupusu yaye lu dja. Yombo yayudiaka esongo aye wa tambwe. Dimi layunya nyama yatuyundaka uma la kete. Ndu aui wʼakenaji aye hawukema ntu.

Euhwelu kʼElembe 7:16

Kanyulanya wedja tshe wutsha nyukimwela Latuyalaka, Unyashungu anyu. Tanyuwaukaki ketshi, ndu tanyotemolaki ditemolatemola diawo, ne dia dikambu so diatukuyala djunga le nyu.

Jashua 10:8

Latuyalaka akatela Jashua ati: Tuwaukaki woma, dimi lambakimo la anya aye, nduku otoi ayeya memala la ntundu kaye.

Jashua 11:5

Khumi ya dikanga nye tshe yakasangana kame, yakatuhanga lu ashi wa Merome dia ndo la Isariyele.

Jashua 11:7

Ku Jashua akayi, ndi lʼandoshi andi wa ta tshe, lʼumamu wʼashi wa Merome. Vo wakatumbela shashimuya, wakakhunguso utsha le wo.

Jashua 11:9

Jashua akatshela uku akawudjangela Latuyalaka. Ndi akahimbula eshisha wa falasa yawo, akatshumbi pusupusu yawo ya ta.

Jashua 3:5

Jashua akatela antu ati: Nyuyakidia, ne dia lui, Latuyalaka ayutsha akambu wa mamba lʼatei anyu.

Embadi 20:28

la Finehasi, onʼa Eleazara, onʼa Arona, akemalaka la ntundu kʼoshete ako lu nshi yako) vati: Kawo shu ntsho dia ntolo la anengesu asi Bendjamina ntu, kana ntutshiki dikambu? Latuyalaka akakaluya diui ati: Kanyutshu, ne dia lui dimi layakimo lu anya nyu.

Embadi 7:9

Lʼutshu ako Latuyalaka akatela Ngidiyona ati: Uneli, uhulo utsha lu pangu kawo, ne dia dimi lambakimo lu anya aye.

1 Samuele 11:9

Vo wakatela akendji wakayi vati: Kanyututeli asi Jabeshe ya la Ngiliyade okone nyati: Lui, lamʼayuyala yanyi kandji, nyayutshungwama. Akendji wakatutela asi Jabeshe aui aso, ku vo wakangenangena.