Jashua 11:16 - La Bible en Otetela (Bible K'Ekila) 1991

¹⁶ Jashua akalembia kete tshe: leke lʼakuna Nengebe tshe, kete tshe ya Ngoshena, leke la lʼukidi la Araba, lu leke lʼakuna wa Isariyele la ekidi awo;

Jashua 11:16 Iomraidhean Croise

Esambu 105:44

Ndi akawasha kete ya wedja. Ku vo wakayala akanga wʼelua wʼelimu wa wedja ako,

Esambu 78:55

Ndi akatshanya wedja la ntundu kawo, Akawasha kete sangu, Akadjasha waunu wa Isariyele lu ahuli awo hita.

Ezekiyele 17:23

Ladiku diʼukungu wʼutali wa Isariyele kayumulune. Lo layongona, layutumba tahi, layoto elua, layuyala utamba wʼusasi wa dimena. Ku wehu tshe wa fudu wayudjase lu dedi dia tahi yawo.

Ezekiyele 36:8

Keli nyu, ekungu wa Isariyele, nyayutundja tahi yanyu, nyayotwela wudja ami wa Isariyele elua anyu, ne dia vo waya ka ndja.

Euhwelu kʼElembe 1:7

Nyuneli, nyukimeli mbuka, nyutshu lu leke lʼakuna wʼasi Amora ndu lʼahuli tshe wa lasuki la wo lu Araba lu leke lʼakuna ndu lʼekndi, lu Nengebe, lʼumamu wʼashi a wuki (wetawo: Mediteraneya), lu kete yʼasi Kanana, la Lebanona, pulu ndu lu ndjali ka wuki, ketawo vati: Eyufarate.

Jashua 10:40

Jashua akalo la kete tshe, lu leke lʼakuna, lu Nengebe, lʼukidi ndu lʼuhulula, akadiaki khumi ya dikanga yawo tshe, kumpandja nduku untu. Ndi akadiaki dikendakenda tshe diaki la lumu, uku akawudjangela Latuyalaka, Unyashungu wa Isariyele.

Jashua 10:41

Jashua akatalokaka la wo uma la Kadeshe-Baranea pulu ndu la Ngaza. Ndi akalo la kete tshe ya Ngoshena edja ndu la Ngibiyona.

Jashua 11:15

Uku akadjangela Latuyalaka ukambi andi Mose, mbakadjangela Mose Jashua. Ku Jashua akatshi akambu ako tshe. Ndi kuntshika nduku dikambu diakadjangela Latuyalaka Mose.

Jashua 11:2

le khumi ya dikanga yaki lu leke la ngelʼa kushi lʼakuna, lu Araba, lu leke la diku dia kushi la Kinerote, lʼukidi, lu Nafota-Dora lu leke lʼedjelu ka unya,

Jashua 11:21

Lʼetena kako, Jashua akatshu, akatudiaka asi Anaka wʼuma lu leke lʼakuna wa Heberona, wa Debire, wa Anaba, wa lu leke lʼakuna tshe wa Juda, ndu leke lʼakuna wa Isariyele. Jashua akalanya esumba awo, ndu akashili ushiki.

Jashua 12:8

lu leke lʼakuna, lʼukidi, lu Araba, lu ehulula, lʼusui wa shenga, ndu lu Nengebe, kete yʼasi Hiti, asi Amora, asi Kanana, asi Perizi, asi Hiwi la asi Jebuse).

Jashua 9:1

Lamʼakakumi lukumu lako le khumi ya dikanga yʼasi Hiti, yʼasi Amora, yʼasi Kanana, yʼasi Perizi, yʼasi Hiwi ndu yʼasi Jebuse yaki la wedi wa Jorodana lu leke lʼakuna ndu lʼukidi wa lʼumamu tshe wʼAshi a Mediteraneya pulu ndu la Lebanona,