Jashua 11:12 - La Bible en Otetela (Bible K'Ekila) 1991

¹² Ku Jashua akalembia khumi ya dikanga ku tshe la esumba awo. Ndi akadiaki la yombo; akashili ushiki, uku akadjanga Mose, ukambi wa Latuyalaka.

Jashua 11:12 Iomraidhean Croise

Euhwelu kʼElembe 7:2

ndu lamʼayunyukimwela Latuyalaka, Unyashungu anyu, wo, nyu nyayuwale-mbia. Dieli la nyu dia mbashila ushiki; tanyudjaki la wo sheki, tanyuwaukaki ketshi.

Euhwelu kʼElembe 9:3

Okone nyeyi elo nyati: Latuyalaka, Unyashungu anyu, ayokendakenda la ntundu kanyu uku dja ya dikita. Ndi kayalanya, kayakitshakitsha la ntundu kanyu. Ku nyu nyayuwatshanya, nyayadiaka esadi, uku akanyulaki Latuyalaka.

Jashua 10:20

Lamʼakashili Jashua la asi Isariyele mbadiaka efula, efula, edja ndu lamʼakawawaomombia, ndu lamʼakatoto atshikadi wakatshikala lʼesumba wakadingami kumbu ya wulu,

Jashua 10:28

Jashua akalembia asi Makeda lushi lako, akadiaki la yombo. Ndi akalanya usumba, akadiaki khumʼekanga la wane tshe waki loko. Ndi kumpandja nduku untu, akatshela khumʼekanga ka Makeda uku akandatshela khumʼekanga ka Jeriko.

Jashua 10:30

Latuyalaka akakimo ndu vo la khumʼekanga kawo lu anya wa Isariyele, akadiaki la yombo, vo la wane tshe waki leko. Ndi kumpandja nduku otoi, akatshela khumʼekanga kawo uku akandatshela khumʼekanga ka Jeriko.

Jashua 10:32

Latuyalaka akakimo Lakishi lʼanya wa Isariyele. Ku vo wakalembia lushi la hendi, wakalanya, wakadiaki wane tshe waki loko la yombo, uku akawatshela Libina.

Jashua 10:35

Vo wakalembia lushi lako, wakalanya, wakadiaki wane waki loko tshe la tombo. Jashua akashili ushiki, uku akandatshela asi Lakishi.

Jashua 10:37

Vo wakalembia usumba ako, wakulanya kame la ngelu tshe ya lʼokongo awo. Vo wakadiaki khumʼekanga kawo la wane waki loko tshe la yombo. Jashua kumpandja nduku untu uku akindi kumpandja asi Engelona. Ndi akalanya usumba, akashili wane waki loko tshe ushiki.

Jashua 11:13

Asi Isariyele kuntshumba esumba wakahikama lu akuna, tshikima usumba wa Hazora utu mbakatshumbi Jashua.

Jashua 11:15

Uku akadjangela Latuyalaka ukambi andi Mose, mbakadjangela Mose Jashua. Ku Jashua akatshi akambu ako tshe. Ndi kuntshika nduku dikambu diakadjangela Latuyalaka Mose.

Jashua 13:6

wane tshe watudjaseka lʼakuna, uma la Lebanona edja ndu la Misrifote-Mayima, asi Sidona tshe. Waso mbayumutshanya dime uma la ntundu kʼasi Isariyele. Dikambu otoi, ukahanya asi Isariyele kete nye ukito, uku akamakundjangela.

Jashua 21:44

Latuyalaka akawasha mumuya lʼutshimba tshe, uku akandatshibela washewo. Nduku utunyi awo otoi akeyi memala la ntundu kawo, ne dia Latuyalaka akakimo, vo tshe lʼanya awo.

Jashua 8:31

Ediakelu kako kakatshama la ave wʼetundu waki konkolongama la luwulu, uku akadjangela Mose, ukambi wa Latuyalaka asi Isariyele, ndu uku akafundama lu buku diʼElembe dia Mose. Vo wakalambula Latuyalaka elambu wa lutshumba ndu elambu wa ki loko.

Jashua 8:8

Lamʼayunyunda usumba, kanyutshumbi, kanyutshi uku akati Latuyalaka. Nyulungi, osoku mbamumunyudjangela.

Jashua 9:24

Ku vo wakakaluya Jashua diui vati: Wakatutela uku akadjangela Latuyalaka, Unyashungu aye, ukambi andi Mose dia nyusha kete tshe, la dia ndjaka akanga a kete tshe uma la ntundu kanyu. Ne dia shu takanyuki woma shad: Tutukudiakema, diako mbakatatshi dikambu diku.