Jashua 10:6 - La Bible en Otetela (Bible K'Ekila) 1991

⁶ Asi Ngibiyona wakatumela Jashua diui lu pangu kandi ka la Ngilingala vati: Tuhukamaki ekambi aye. Yaka esadi, uyutukimanyia, uyutushimbeli, ne dia khumi ya dikanga tshe yʼasi Amora, yudjashi lu leke lʼakuna, yambomota dia ndo la su.

Jashua 10:6 Iomraidhean Croise

2 Khumi ya Dikanga 4:24

Ndi akakitsha edie ladiku dia punda kandi, akatela ukambi andi ati: Ukilombole, utshu; temalaki lu mbuka, tshikima lambukutela.

Esambu 125:2

Uku udingi ekungu Jerusalema, Osoku mbatudingaka Latuyalaka wudja andi, Umaka kakiane edja ndu pundju.

Isaya 33:22

Latuyalaka keli umbadi asu, keli umbidji asu wʼelembe. Ndi keli khumʼekanga kasu, ndi kayutushimbela.

Walelu 13:29

Asi Amaleka mbuladi la Nengebe. Asi Hiti, asi Jebuse, lʼasi Amora mbuladi lu leke la lu akuna. Ku asi Kanana mbuladi lʼumamu wʼashi a waki ndu lʼemamu wa Jorodana.

Luka 1:39

Lu nshi sho, Mariya akunela, akatshu esadi lu leke lʼakuna, lʼusumba omotshi wa la Juda.

Euhwelu kʼElembe 1:15

Ku dimi lakose ete a wauhu anyu, apami a yimba ndu weyama. Ku lakakitsha uku ete, elombodi wa nunu, elombodi wa kama, elombodi wʼakumi atanu, elombodi wʼakumi, ndu embuledi lʼatei a wauhu anyu.

Jashua 10:5

Khumi ya dikanga tshanu yʼasi Amora: ka Jerusalema, ka Heberona, ka Jaramuta, ka Lakishi, la ka Engelona, wakamote kame. Vo wa-kunela, vo la elui awo tshe wʼalimbi, wakatuhanga lasuki la Ngibiyona, wakalo la wo.

Jashua 10:7

Okone Jashua akunela uma la Ngilingala, ndi la andoshi wa ta, ndu la apami a wulu tshe,

Jashua 21:11

Vo wakawasha Kiriyate-Areba (ketawo vati: Heberona) lʼakuna wa Juda kame la utshimba ato. Areba ako kaki shi Anaka.

Jashua 5:10

Asi Isariyele wakahangi la Ngilingala. Vo wakadama elekanelu la dikolo dia lushi la dikumi lʼanei la ngondo kako, lu mandja ya la Jenko.

Jashua 9:15

Jashua akayala la wo ki, akakote la wo lusalu, akalakana la wo dia mbatshika la lumu. Ewandji wʼului wakatshibela.

Jashua 9:6

Vo wakatshu le Jashua la pangu ka la Ngilingala, ku wakawutela, ndi la asi Isariyele vati: Shu tambuya uma lu kete yʼetali. Kakiane, nyokote la su lusalu.

Jashua 9:8

Ku vo wakatela Jashua vati: Shu teko ekambi aye. Ku Jashua akawambula ati: Nyu wa na? Ndu uma lendi uyenyu?