Jashua 10:19 - La Bible en Otetela (Bible K'Ekila) 1991

¹⁹ Tanyemalaki, keli nyuyelani lʼatunyi anyu, nyutolo la wo uma lʼokongo. Tanyakimoki dia vo nkalula lʼusumba awo, ne dia Latuyalaka, Unyashungu anyu, akakimo lʼanya anyu.

Jashua 10:19 Iomraidhean Croise

2 Samuele 17:13

Ntu, naka ndi ayutoto lʼusumba omotshi, asi Isariyele tshe wayotola ekodi utsha lʼusumba ako. Ku shu tayukutula usumba lʼatei a ashi, edja ndu nduku yet shi ya dive yayutanema laawo.

2 Samuele 20:6

Davidi akatela Abishai ati: Kakiane Sheba, onʼa Bikiri, uyanga ntutshela kolo kuleki ka Abisaloma. Ose ekambi wa khumeye, uyelani la ndi, ndi atukutukuma lʼesumba a wulu, ku ndi ntushisho.

Jeremiya 48:10

Mananu kayali le one latutshaka ulimu wa Latuyalaka utshatsha. Mananu kayali le one latushimbaka yombo yandi ntundja dikila.

Jeremiya 8:14

Okoko wana wadjasesu udjasedjase? Nyusangani tutshu utsha lʼesumba wudingami kumbu, Tutuvu leko; ne dia Latuyalali, Unyashungu asu, kambutukimo dia shu mvo. Ndi akatonosha ashi wa lolengo, Ne dia shu takutshela kolo.

Jashua 10:18

Jashua akati ati: Nyutungituli ave a waki lʼunyo a wuku, ndu nyutukitsha apami leko dia mbalama.

Jashua 10:20

Lamʼakashili Jashua la asi Isariyele mbadiaka efula, efula, edja ndu lamʼakawawaomombia, ndu lamʼakatoto atshikadi wakatshikala lʼesumba wakadingami kumbu ya wulu,