Jashua 1:8 - La Bible en Otetela (Bible K'Ekila) 1991

⁸ Aui wʼuma lu buku ne diʼelembe, tawumoki uma lʼunyo aye. Ukanaki la wo yimba ndu la yanyi ndu lʼutshu, dia we nkitanyia aui tshe wufundami loko. Osoku mbayuyuluwanya elimu aye ndu mbayuyuhumo lukulu lʼolo lu akambu tshe wayuyutshaka.

Jashua 1:8 Iomraidhean Croise

Etatelu 24:63

Dikolo dimotshi, lamʼakatshu Isaka lʼekambo la ntotemola Unyashungu, ndi akedia ashu, enyi ku kamelo nye yayayi.

2 Ekondo 26:5

Ndi akadji utema dia nyanga Unyashungu lu nshi ya lumu ya Zekariya laki la ewu ka waenelo wa Unyashungu. Tena tshe diakandayangaka Latuyalaka, Unyashungu akongonyaka.

Esambu 119:11

Dimi lakumbi diui diaye lʼutema ami, Ne dia dimi latukukutshela kolo.

Esambu 119:15

Dimi layudjaka yimba lu adjangu aye, Layudjaka ashu lu mbuka yaye.

Esambu 119:97

Ndi ngandji katumukaka elembe aye li! Vo mbatumukanaka yanyi tshe.

Esambu 119:99

Dimi lambuleka embetsha ami tshe yimba, Ne dia adjangu aye weko yimba yami.

Esambu 19:14

Aui wa unyo ami la tukanyi tʼutema ami Wayali ololo lu ashu aye, We Latuyalaka, Dive diami la Utshungudi ami.

Esambu 40:10

Dimi kumbishe sambu kaye kʼololo lʼutema ami. Dimi lakadianganyaka kolamelu yaye la panda kaye. Dimi kumbisheka ngandji kaye ka shikaa la mete kaye Lʼului a wuki wʼantu.

Tukedi 3:1

Onʼami, tuhelaki wetshelu ami, Utema aye alamaki elembe ami,

Isaya 59:21

Daka diakamalakana la wo ne nti: Nyuma kami keli la ye, la aui ami wakamadji lʼunyo aye hawumoki uma lʼunyo aye kana uma lʼenyo wa anʼaye, kuyanga uma lʼenyo wʼekana aye, umaka kakiane edja ndu pundju, mbata Latuyalaka.

Mateu 12:35

Untu ololo atutundjaka akambu wʼololo uma lu eumbelu kandi kʼololo. Keli untu a kolo atutundjaka akambu wa kolo uma lu eumbelu kandi ka kolo.

Mateu 28:20

Nyuwaetshaki dia ntsha akambu tshe wamumunyutela. Nyulungi, dimi leko la nyu nshi tshe, edja ndu ekumelu kʼandja.

Mateu 7:21

Aha untu tshe latumbetaka ati: Khumadiondjo, Khumadiondjo, kayoto lu diulelu dia lʼulungu. Keli paka one latutshaka lulangu la Papa leli lʼulungu.

Mateu 7:24

Okone untu tshe latukaka aui ami ane, ndu latatshaka, ayufana la kanga yimba, lakahiki luudu landi ladiku dia dive.

Luka 11:28

Keli ndi akati ati: Mete, wane watuhukamaka diui dia Unyashungu, la watudikitanyiaka, mbeli la otshoko!

Joani 13:17

Naka nyu mbeyaka akambu ane, nyu nyayuyala la otshoko lamʼayunyuwatsha.

Joani 14:21

One leli la elembe ami, ndu latekitanyiyaka, ndi kananga. Untu lananga, ayulangema le Papa. Dimi layulanga, layuyaenya le ndi.

Efeso 4:29

Diui dia kolo tadiutumbaki uma lʼenyo anyu, keli paka aui wʼololo, weya mbudia antu uku ahumbawo, ne dia nfudiya wane wuka ngandji ka mamba.

Euhwelu kʼElembe 29:8

Shu takahotola kete yawo, takayisha asi Rubena, asi Ngada la etenyi ka hendi kʼasi Manase ukito.

Euhwelu kʼElembe 29:9

Okone nyukitanyia aui wa sheki nye la mbatsha, mbayunyuhumo lukulu lʼolo lu akambu tshe wayunyutshaka.

Euhwelu kʼElembe 30:14

Keli olembe ako weko lasuki la nyu. Vo weko lʼenyo anyu ndu lʼetema anyu, dia nyu mbeya mbutsha.

Euhwelu kʼElembe 31:11

lamʼayuyaka asi isariyele tshe dia ndjenama la ntundu ka Latuyalaka, Unyashungu anyu, lu dihuli diayundosonola, kanyalaki elembe ene la ntundu kʼasi Isariyele tshe dia vo mbuka.

Euhwelu kʼElembe 31:24

Lamʼakashndiya Mose nfunda aui wʼolembe one lu buku,

Euhwelu kʼElembe 5:1

Mose akakonge Isariyele tshe; akawatela ati: Isariyele lii! Nyulungi elembe la adjangu wanyutelami elo dia nyu mbaeka, mbalama ndu mbatsha.

Euhwelu kʼElembe 5:29

Utunduyala vo wayalaki la etema ene etu, wa vo mbukakami woma la nkutanyiaka elembe ami tshe, dia vo ndjala la ongenongeno pundju ndu vo ndu anʼawo li!

Euhwelu kʼElembe 5:32

Kanyutshaki uku akanyudjangela Latuyalaka, Unyashungu anyu. Tanyetolaki lu lunya la pami kana lu lunya la lomoso.

Kolosai 3:16

Diui dia Kristu diadjase, diangone lʼetema anyu. Nyetshanya lu yimba tshe, nyewani la kimbu la esambu wʼololo la wa Nyuma. Nyimbeli Unyashungu esambu la ngandji ka mamba lʼetema anyu.

Jashua 1:7

Dikambu otoi, ukikitali, uyali la dihunga efula, dia nama elembe tshe wakakutela ukambi ami Mose ololo. Tetolaki lu lunya la pami kana lu lunya la lomoso, mbayuyuhumo lukulu lʼolo lu akambu tshe lu ahuli tshe wayuyutatshokaka.

Jashua 8:34

Lʼokongo diku, Jashua akali aui tshe wʼuma lʼelembe, etshoko ndu mananu, uku akawafundama lu buku diʼelembe.

Enyelo 22:14

Wane wakotsha ekutu awo, dia vo ndjala la wulu wa ndja lʼutamba a lumu, la dia mboto lu asuku wʼusumba weko la otshoko.