Jashua 1:7 - La Bible en Otetela (Bible K'Ekila) 1991

⁷ Dikambu otoi, ukikitali, uyali la dihunga efula, dia nama elembe tshe wakakutela ukambi ami Mose ololo. Tetolaki lu lunya la pami kana lu lunya la lomoso, mbayuyuhumo lukulu lʼolo lu akambu tshe lu ahuli tshe wayuyutatshokaka.

Jashua 1:7 Iomraidhean Croise

1 Khumi ya Dikanga 2:2

Dimi lutsha ntsho utsha lu mbuka kʼantu tshe. Okone ukikitali, uyali pami!

1 Khumi ya Dikanga 2:3

Embaki okende wakakusha Latuyalaka, Unyashungu aye, dia ndjela mbuka yandi la dia nama adjangu andi, aui andi, elembe andi, la alaka andi uku akawafundi lu elembe wa Mose, mbayuyuluwanaka lu akambu tshe wayuyutshaka lu ahuli tshe wayuyutshok ka.

2 Khumi ya Dikanga 22:2

Ndi akatshaka akambu wʼusimbwi lu ashu wa Latuyalaka, akakendakendaka lu mbuka tshe ka Davidi tshendi; kombetola lu lunya la pami kana la lomoso.

1 Ekondo 22:13

Ku we ayongona, naka we ayulamaka elembe la adjangu wakadjela Latuyalaka Mose dikambu dia Isariyele. Ukikitali, uyali la dihunga. Tukaki woma, kuyanga mbate asulu.

2 Ekondo 15:7

Keli nyu, nyuyali la dihunga! Anya tawuyalaki wodu, ne dia ulimu anyu ayuyala la difutu.

2 Ekondo 26:5

Ndi akadji utema dia nyanga Unyashungu lu nshi ya lumu ya Zekariya laki la ewu ka waenelo wa Unyashungu. Tena tshe diakandayangaka Latuyalaka, Unyashungu akongonyaka.

Jobo 1:8

Latuyalaka akambula Satana ati: We akalimbitela ukambi ami Jobo? Nduku untu la kete uku ndi, untu lʼololo ndu lʼusimbwi, latukaka Unyashungu woma, ndu lambukadimo uma lu kolo.

Esambu 80:19

We Latuyalaka, Unyashungu, Kanga lulimbilimbi, utukaluya. Elundji kaye atohetele, ku shu tayushimbamela.

Tukedi 4:27

Tetolaki lu lunya la lu pami kuyanga la lomoso: Unya lukulu laye uma lu kolo.

Tukedi 8:20

Dimi latokendakendaka lu mbuka ka sambu kʼololo, Lʼatei a mbuka yʼusimbwi,

Danyele 10:19

Ku ndi akamvutela ati: We untu lalangema efula, ki kayali la ye, tukaki woma; ukikitali, uyali la dihunga. Lamʼakandateketa la mi, dimi lakakikitala; lakati nti: Khumemi, otekete, ne dia we ambunkikitsha.

Walelu 27:23

Ku Eleazara akawahe anya, akawusha okende, uku akatela Latuyalaka Mose.

Euhwelu kʼElembe 11:8

Okone nyulamaki elembe tshe wamumunyudjangela elo, mbayunyuyala la wulu ndu mbayunyukuma lu kete yatanyatshu dia ntukita,

Euhwelu kʼElembe 12:32

Kanyulamaki la kanyutshaki akambu tshe wamumunyutela ololo. Tanyaheki nduku diui, ndu tanyahulaki.

Euhwelu kʼElembe 28:14

naka nyu hanyetola lu lunya la pami kana lu lunya la lomoso uma lʼelembe wamumunyudjela elo la ntsho latuyanga ditemolatemola dia dikambela ulimu.

Euhwelu kʼElembe 29:8

Shu takahotola kete yawo, takayisha asi Rubena, asi Ngada la etenyi ka hendi kʼasi Manase ukito.

Euhwelu kʼElembe 29:9

Okone nyukitanyia aui wa sheki nye la mbatsha, mbayunyuhumo lukulu lʼolo lu akambu tshe wayunyutshaka.

Euhwelu kʼElembe 31:7

Mose aketi Jashua, akawutela la ntundu ka Isariyele tshe ati: Ukikitali, uyali la dihunga! ne dia we kayutsho la wudja one utsha lu kete yakatshibela Latuyalaka washewo dia mbasha ukito, we kayuwakumia lu kete yʼukito.

Euhwelu kʼElembe 4:2

Tanyaheki nduku diui ladiku diʼaui wamumunyutela, ndu tanyunyaki nduku diui uma loko. Keli nyulamaki elembe wa Latuyalaka, Unyashungu anyu, uku amumunyutelawo.

Euhwelu kʼElembe 5:32

Kanyutshaki uku akanyudjangela Latuyalaka, Unyashungu anyu. Tanyetolaki lu lunya la pami kana lu lunya la lomoso.

Jashua 1:1

Lʼokongo wa nyoi ka Mose, ukambi wa Latuyalaka, Latuyalaka akatela Jashua, onʼa Nuna, ukimanyidi wa Mose, ati:

Jashua 1:8

Aui wʼuma lu buku ne diʼelembe, tawumoki uma lʼunyo aye. Ukanaki la wo yimba ndu la yanyi ndu lʼutshu, dia we nkitanyia aui tshe wufundami loko. Osoku mbayuyuluwanya elimu aye ndu mbayuyuhumo lukulu lʼolo lu akambu tshe wayuyutshaka.

Jashua 1:9

Dimi kunkutela? Ukikitali, uyali la dihunga. Tateki asulu, tukaki woma, ne dia Latuyalaka, Unyashungu aye, ayutayalaka la ye lu ahuli tshe wayuyutatshokaka.

Jashua 11:15

Uku akadjangela Latuyalaka ukambi andi Mose, mbakadjangela Mose Jashua. Ku Jashua akatshi akambu ako tshe. Ndi kuntshika nduku dikambu diakadjangela Latuyalaka Mose.

Jashua 23:6

Okone nyuyali la dihunga, dia nama la ntsha aui tshe wufundami lu buku dia elembe wa Mose. Tanyetolaki lu lunya la pami kana la lomoso.