Jashua 1:5 - La Bible en Otetela (Bible K'Ekila) 1991

⁵ Nduku untu ayuyala la wulu wa memala la ntundu kaye lu nshi tshe ya lumu laye. Dimi layuyalaka la ye, uku akimi la Mose; dimi halukutshika, halukoseka.

Jashua 1:5 Iomraidhean Croise

Etatelu 39:2

Latuyalaka aki la Josefu, ku diese diakatuyelaka. Ndi akakambaka ulimu lu luudu la khumendi, usi Edjibitu.

1 Khumi ya Dikanga 1:37

Latuyalaka kayali la Solomona uku akindi kame la ye, we khumemi, khumʼekanga. Ndi kete diulelu diandi wuki uleki diaye, we khumemi, khumʼekanga Davidi.

1 Khumi ya Dikanga 11:38

Naka we ayukitanyiaka kene tshe kayumukutelaka, naka we ayokendakendaka lu mbuka yami ndu ayutshaka kene kusimbwi lu ashu ami dia nama elembe ami la adjangu ami, uku akatshaka ukambi ami Davidi, dimi layuyala la ye. Dimi layukuhikela luudu lushikikadi, uku akamahikela Davidi, ndu layukusha Isariyele.

1 Khumi ya Dikanga 6:13

Dimi layudjaseka lʼatei wʼasi Isariyele, haloseka wedja ami Isariyele.

1 Khumi ya Dikanga 8:57

Latuyalaka, Unyashungu asu, ayalaki lasu uku akindi la washesu, ndi tatutshikaki, tatosekaki.

1 Ekondo 28:20

Davidi akatela onʼandi Solomona ati: Ukikitali, uyali la dihunga, kutshi, tukaki woma kuyanga mbate asulu. Ne dia Unyashungu, Latuyalaka, Unyashungu ami, ayuyalaka la ye. Ndi hukukale, hukoseka, edja ndu lamʼayushila tumu tshe yʼulimu wa luudu la Latuyalaka.

Esambu 46:11

Latuyalaka, Kanga lulimbilimbi, eko la su, Unyashungu a Jakoba, eli lungeli lasu la wuki.

Etumbelu 3:12

Unyashungu akakaluya diui ati: Mete, dimi layuyala la ye. One ayuyala djimbitelu le ye ati: Dimi nkukutumi. Lamʼayuyutundja wudja uma lʼEdjibitu, nyu nyayuyontemola Unyashungu lʼukungu one.

Isaya 42:16

Dimi layolombola akanga a tutshungu lu mbuka kahaweyi, Ee, lu mbuka yahaweyi, mbayumalombola. Dimi layukadimnla udjima yanyi la ntundu kawo. Ndu layusimbula ahuli wʼakote. Osoku mbayumutsha. Dimi haluwaseka.

Jeremiya 1:8

Tuwaukaki woma, Ne dia dimi leko kame la ye dia nkutshungula, mbata Latuyalaka.

Danyele 11:16

Keli one layuya dia njdolosha, ayutshaka uku ayundulanga, nduku layushikikaʼa la ntundu kandi. Ndi ayemala lu kete ya lutumbu, la wulu wa nanya wayuyala lʼanya andi.

Mateu 28:20

Nyuwaetshaki dia ntsha akambu tshe wamumunyutela. Nyulungi, dimi leko la nyu nshi tshe, edja ndu ekumelu kʼandja.

Romo 8:31

Kayututa lu akambu ane? Naka Unyashungu eko la su wedi ayeya ntahamela na?

Romo 8:37

Kema, lu akambu aso tshe, kesu andeki wʼutamanya ne dia one lakatulangi.

Euhwelu kʼElembe 20:1

Lamʼayunyutshokaka dia ntolo lʼatunyi anyu ta, nyu nkenaka falasa, pusupusu la antu wunyuleki efula, tanyaukaki woma ne dia Latuyalaka, Unyashungu anyu, lakanyutundja uma lu kete ya Edjibitu, eko kame la nyu.

Euhwelu kʼElembe 20:4

Latuyalaka, Unyashungu anyu, atutshokaka kame la nyu dia nyolwela la atunyi anyu, dia nyusha elembielo.

Euhwelu kʼElembe 31:23

Latuyalaka akasha Jashua, onʼa Nuna, okende, akati ati: Ukikitali, uyali la dihunga, ne dia we kayukumia asi Isariyele lu kete yakamatshibi dia mbasha; dimi layuyalaka la ye.

Euhwelu kʼElembe 4:31

Ne dia Latuyalaka, Unyashungu anyu, eli Unyashungu a ketshi, ndi hunyoseka, hunyudiaka, kuyanga mbuhela daka diakandalaki washenyu, diakandatshibela.

Euhwelu kʼElembe 7:24

Ndi ayukimo khumi ya dikanga yawo lu anya anyu. Ku nyu nyayushisha kumbu yawo lʼesi a ulungu. Nduku pami kayuyala la wulu wa memala dia ndo la nyu, edja ndu lamʼayunyalanya.

2 Timote 4:17

Keli Khumadiondjo akemala la mi, akankikitsha, dia dimi mvutelaka antu diui ololo, la dia asi wedja tshe mbuka. Dimi lakahandi uma lʼunyo a tambwe.

Heberu 13:5

Tanyuyalaki la saki ya diango. Nyuyali la ongenongeno lu diango dieli la nyu, ne dia Unyashungu ndame kakati ati: Dimi hakoseke, halakutshiki.

Jashua 1:17

Shu tayukukitanyia lu akambu tshe, uku akatakitanyiaka Mose. Dikambu otoi, Latuyalaka, Unyashungu aye, ayalaki la ye, uku akindi la Mose.

Jashua 1:9

Dimi kunkutela? Ukikitali, uyali la dihunga. Tateki asulu, tukaki woma, ne dia Latuyalaka, Unyashungu aye, ayutayalaka la ye lu ahuli tshe wayuyutatshokaka.

Jashua 10:8

Latuyalaka akatela Jashua ati: Tuwaukaki woma, dimi lambakimo la anya aye, nduku otoi ayeya memala la ntundu kaye.

Jashua 21:44

Latuyalaka akawasha mumuya lʼutshimba tshe, uku akandatshibela washewo. Nduku utunyi awo otoi akeyi memala la ntundu kawo, ne dia Latuyalaka akakimo, vo tshe lʼanya awo.

Jashua 3:7

Latuyalaka akatela Jashua ati: Dimi layutatela nkedia elo, dia vo mbeya vati: Dimi layuyalaka la ye, uku akimi la Mose.

Jashua 6:27

Okone Latuyalaka aki la Jashua, lukumu landi lakadiangana lu kete tshe.

Embadi 2:18

Lamʼakatundjiya Latuyalaka embadi, Latuyalaka akayalaka kame lʼumbadi, akashimbela uma lʼanya wʼatunyi awo lu nshi tshe ya lumu lʼumbadi ako. Ne dia Latuyalaka akalembe utema lamʼakawakhumaka akhumu ne dia asui wakawasuyaka.

Embadi 6:16

Latuyalaka akawutela nti: Mete, dimi layuyala la ye, we ayudiaka asi Midiyana uku ladiku untu otoi.

1 Samuele 10:7

Lamʼayenama tulimbitelu tone le ye, kutshi akambu tshe wayuyutana dia ntsha, ne dia Unyashungu eko kame la ye.