Jashua 1:1 - La Bible en Otetela (Bible K'Ekila) 1991

¹ Lʼokongo wa nyoi ka Mose, ukambi wa Latuyalaka, Latuyalaka akatela Jashua, onʼa Nuna, ukimanyidi wa Mose, ati:

Jashua 1:1 Iomraidhean Croise

1 Khumi ya Dikanga 19:16

Kutukiti ndu Jehu, onʼa Nimishi, iso dia ndi ndjala khumʼekanga ka Isariyele Kutukiti ndu Elisha, onʼa Shafata, usi Abele-Mehola, iso dia ndi ndjala umvutshi lu dihuli diaye.

2 Khumi ya Dikanga 3:11

Jehoshafata akawumbula ati: Undi umvutshi a Latuyalaka kema lindu dia shu mumbula diui uma le Latuyalaka? Ukambi omotshi wa khumʼekanga ka Isariyele akûkaluya diui ati: Elisha, onʼa Shafata, lakatelaka Elidja ashi lu anya eko lane.

Nehemiya 8:17

Ului tshe a wane wakakalula uma lu lohombo wakatshi tusamvusamvu wakadjase lu tusamvusamvu tako. Uma lu nshi ya Jeshua, onʼa Nuna, edja ndu lushi lʼelo asi Isariyele kuntsha nduku dikambu dia wuhu oso. Ku akayala ongenongeno a wuki.

Etumbelu 24:13

Osoku Mose akunela, ndi la Jashua lakatukimanyiaka. Ku Mose akambela lʼukungu a Unyashungu.

Walelu 11:28

Jashua, onʼa Nuna, ukimanyidi a Mose, otoi wʼapami andi wakasonwama, akawutela ati: Khumemi Mose, ashimbi!

Walelu 12:7

Keli le ukambi ami Mose, kema osoku; ndi ambushama okende kame la luudu lami tshe.

Walelu 13:16

Oso eli kumbu yʼapami wakatumi Mose la ntukemba kete. Mose akole Hoshea, onʼa Nuna, ati: Jashua.

Walelu 13:8

Hoshea, onʼa Nuna, uma lu diuhu dia Efarayima;

Luka 16:10

One leli la kolamelu lu diango diuleki tshitshe, eko la kolamelu ndu lu diango diuleki fula. One leli la lukesu lu diango diuleki tshitshe, eko la lukesu ndu lu diango diuleki efula.

Etsha wa Atumami 7:45

Lʼetena kawo, watshesu ndu Jashua wakakiela lamʼakawakumi lu kete yʼasi wedja, wane wakanya Unyashungu uma lu ashu a watshesu, edja ndu lu nshi ya Davidi,

Romo 1:1

Dimi Paulu, ukambi wa Jesu Kristu, laketama dia ndjala utumami, wukidiami dia mvuta lukumu lʼololo la Unyashungu.

Euhwelu kʼElembe 1:38

Jashua onʼa Nuna, ukambi aye, kayutukuma leko. Ukeketsha, ne dia ndi kayutukumia asi Isariyele lu sangu dia kete yako.

Euhwelu kʼElembe 31:23

Latuyalaka akasha Jashua, onʼa Nuna, okende, akati ati: Ukikitali, uyali la dihunga, ne dia we kayukumia asi Isariyele lu kete yakamatshibi dia mbasha; dimi layuyalaka la ye.

Euhwelu kʼElembe 31:3

Latuyalaka, Unyashungu anyu, ndame ayuteho la ntundu kanyu. Ndi ayutulanya wedja tshe weli la ntundu kanyu, ku nyu nyayekita. Jashua ayuteho la ntundu kanyu, uku akati Latuyalaka.

Euhwelu kʼElembe 33:1

Otshoko wakatshokola Mose, untu Unyashungu, asi Isariyele ntundu ka nyoi kandi one.

Euhwelu kʼElembe 34:12

ndu lu wulu tshe wa mamba la etsha a waki ndu a woma wakatshi Mose lu ashu wa Isariyele tshe.

Euhwelu kʼElembe 34:5

Okone Mose, ukambi wa Latuyalaka, akavu leko lu kete ya Moaba, uku diui dia Latuyalaka.

Euhwelu kʼElembe 34:9

Jashua, onʼa Nuna, akaludiama la nyuma ka yimba, ne dia Mose akatawahi anya andi. Asi Isariyele wakunitanyiaka, wakatshaka uku akatelaka Latuyalaka Mose.

Tito 1:1

Paulu, ukambi a Unyashungu, utumami a Jesu Kristu, uku mbetawo ka esonami wa Unyashungu, la dia eyelu kʼakambu wa mete wedimi la ololo tshe,

Jakoba 1:1

Jakoba, ukambi a Unyashungu la Khumadiondjo Jesu Kristu, Le wauhu dikumi la ahendi wakahandjo: Moyo.

Jashua 1:15

edja ndu Latuyalaka ambusha anengenyu mumuya uku nyu, dia ndu vo ndjala la sangu dia kete yambuwasha Latuyalaka, Unyashungu anyu. Okone nyu nyayukalula utsha lu kete ya sangu dianyu, ku nyu nyayutuyisangula, kete yakanyusha Mose, ukambi wa Latuyalaka, la wedi wa Jorodana, lu leke lʼehutwelu ka unya.

Jashua 1:2

Ukambi ami Mose ambuvo. Ka-kiane uneli, uteho Jorodana nye, we la wudja one tshe utsha lu kete yamumuwa-sha, vo asi Isariyele.

Jashua 12:6

Mose, ukambi a Latuyalaka, la asi Isariyele wakalembia. Ku Mose, ukambi a Latuyalaka, akasha asi Rubena, asi Ngada la etenyi ka hendi ka diuhu dia Manase, kete sho ukito.

Enyelo 1:18

ndu one leli lumu. Dimi lakavu, enda, leko la lumu pundju pundju. Dimi leko la sapi ya Nyoi ndu ya Udimu a Pengandu.