Isaya 1:3 - La Bible en Otetela (Bible K'Ekila) 1991

³ Ngombe atulimbitelaka khumeto, Ndu punda elelu ka khumeto. Keli Isariyele haweyi nduku yema, Wudja ami hawukani yimba.

Isaya 1:3 Iomraidhean Croise

Jeremiya 8:7

Yemema ya lʼulungu mbeyaka tena diayo; Yembi, djedi, la omboko mbeyaka tena diawo dia ndja. Keli wudja ami haweyi elembe ami, dimi Latuyalaka.

Jeremiya 4:22

Wudja ami weli dinginya, vo hawumbeyi. Vo weli ana waha la tumba, vo kema la ewu. Vo weko la yimba ya ntsha kolo, Keli ewu ka ntsha ololo kema le wo.

Isaya 44:18

Vo haweyi, hawukani yimba. Ashu awo wambudihama, hawosene. Etema awo wambudihama, haweyi nimbitela akambu wa yimba.

Isaya 5:12

Losese, dikimbi, ngomo, pungi la wanu, Watuyalaka lu alambu awo. Keli vo hawutudjaka yimba lʼulimu wa Latuyalaka. Ndu hawutukanaka yimba lʼulimu wʼanya andi.

Romo 1:28

Uku akawaseke nimbitela Unyashungu, mbakandakimo lu yimba yʼufutanu dia vo ntsha akambu wahasungana.

Esambu 94:8

Nyu akanga a ngala weli lʼatei wʼantu, nyukani yimba. Nyu dinginya, etena kako kayunyuyala la yimba?

Isaya 27:11

Lamʼayolengela avundja, vo wayuhimbwama, Ku amantu wayuya, wayatshumba. Wudja one kema la yimba, Okone one lakatungi huwauka ketshi, Ee, one lakatungi huwahumuya lukulu lʼolo.

2 Petero 3:5

Vo nyangaka mbuhela dia ulungu a ntundu, ndu kete yakatungama lʼashi, yeki lʼashi, uma lu diui dia Unyashungu.

Tukedi 6:6

We kanga nende, utshu le tonona, Kutendi ditshelu diato, ku we ayuyala la yimba.

Jeremiya 10:14

Untu tshe atuyalaka enginya lu yimba yandi. Utshudi a paunyi tshe atutshamake sonyi Uma lʼekishi kandi ka losela, Ne dia dikishi diandi dia lolelola dieli kashi, dio kema la lumu.

Jeremiya 10:8

Ditemolatemola tshe dieli anyanya, diaha la yimba. Wetshelu awo weli paka anyanya. Dio dieli paka etamba.

Mateu 13:19

Lamʼuka untu diui dia diulelu, ku ndi hadishihudia, ku kanga kolo atuyakaka, atunyaka kene kakawune lʼutema andi. Oso eli wuhu wakawuki lʼumamu a mbuka.

Isaya 5:13

Uma lu dikambu ne, wudja ami wayundama utsha lu fumbi, Ne dia vo kema la ewu. Antu awo wa lukumu wayuvo la ndjala, Ndu ului awo a wuki wayuma tu la pusa kʼashi.

Isaya 56:11

Elami ako weli fo ya lukaki, yahatulutaka. Elami ako hawutulimbitelaka. Vo tshe wambudiangana lu mbuka yawo hita, Dia untu lʼuntu ndjayangela waho walangandi;

Ezekiyele 16:30

Khumadiondjo Latuyalaka kata ati: Ndi wuhu wa wodu weli lʼutema aye, dia ntsha akambu ane tshe uku umuntu kanga luseka, lahuki sonyi li!

Danyele 9:11

Mete, shu Isariyele tshe takahedia elembe aye, taketola diaha shu nkitanyia elembe aye. Okone mananu la dokoloko wakafundama lu elembe wa Mose, ukambi aye, we Unyashungu, wakayala le su, ne dia shu takakutshela kolo.

Hosea 2:8

Ndi kumbeya ntu ati: Dimi kakawusha epunga, ashi wʼelua la iso. Dimi lakawusha fesa la paunyi efula, Yakawatshaka la yo ulimu wa Bala.

Tukedi 28:5

Antu wa kolo hawutulimbitelaka elumbwelu kʼololo. Keli waku watuyangaka Latuyalaka, mbatumanaka akambu tshe fundu.

Isaya 42:20

We menaka akambu efula, keli we hewo. Atui aye weko hwe, keli we huki.

Jeremiya 35:16

Ana wa Jonadaba, onʼa Rekabe, watulamaka olembe wakawadjela shewo, keli wudja one hawumbukela!

Jeremiya 50:6

Wudja ami wakayala uku limba lʼekoko lakashisho. Alami awo wakawanganyia, wakawaekekuya lu ekungu. Vo wakatatshokaka uma lʼekungu utsha lʼakuna. Vo wakuhela ukutu awo.