Hosea 7:1 - La Bible en Otetela (Bible K'Ekila) 1991

¹ Lamʼakamalangi nkaluya ongonyi wa wudja ami, Lamʼakamalangi nkonoya Isariyele, Uhedia wa Efarayima la ditshelu dia kolo dia Samariya diakene, Ne dia vo watutshaka la lukesu, Uvi atotoka leko, la opotodi watudingaka lʼandja.

Hosea 7:1 Iomraidhean Croise

Isaya 28:1

Mananu kayali le dembo dia kusu diʼutaku diʼambidjoki wa la Efarayima. Ndu le dembo diambolengela, diateteka elengalenga kandi ngaingai. Lʼote wʼukidi wʼeteto wa wane watudjoka wanu!

Isaya 59:12

Ne dia ehedia asu waya efula la ntundu kaye, La kolo yasu yeko emenyi asu. Mete, ehedia asu weko kame la su, Shu mbeyaka kolo yasu.

Isaya 59:13

Takanguna ndu takahedia Latuyalaka, takaseke Unyashungu asu. Takasanguya akambu wa ngala la wʼetombokwelo. Takakani aui wa kashi lʼetema, takawati.

Isaya 59:14

Etshungwelu kakakalula ekongokongo, La panda kambemala etali. Mete kambunyema lʼesese, Ku akambu wʼusimbwi haweyi mboto leko.

Jeremiya 51:9

Shu takalangi nkonoya Babilona, keli vo konkono. Nyeso, tutshiki, tutshu shu tshe untu lʼuntu utsha lakawo, Ne dia elumbwelu kawo kambukuma pulu lʼulungu, Kambediama utsha lu wangi.

Ezekiyele 16:46

Samariya keli enundu aye a umuntu, ludjashi lu lunya laye la lomoso, ndi la anʼandi wʼamantu. Sodoma keli kusheye a umuntu, ludjashi lu lunya laye la pami, ndi la anʼandi wʼamantu.

Ezekiyele 23:4

Kumbu yʼesekaseka ako nye: lʼenundu, Ohola; la kushi, Oholiba. Vo wakayala wadiemi; wakuti ana apami la ana amantu. Kumbu yawo yaki okone: Ohola, eli Samariya; la Oholiba, eli Jerusalema.

Ezekiyele 24:13

Matadi ako mbeli mindu ka kolo kaye. Dimi lakalangi nkiedia, keli we kombediama uma lu mindu ka kolo yaye. We hediama ntu uma lu mindu kaye edja ndu lamʼayumunduya ududu ami le ye.

Hosea 10:5

Asi Samariya wambusaka lukumba Lu dikambu dia etanelu ka yana ya Bete-Avena, Ku wudja ayo wayuyala la okei lu dikambu diayo. Elombedi ayo wayusaka lukumba lu dikambu diayo, Ne dia lutumbu layo lambumo.

Hosea 11:12

Efarayima atunyingaka la kashi, Ku khumbu ka Isariyele la lukesu. Keli Juda ambeyama le Unyashungu; Ndi eko la kolamelu lʼEkila.

Hosea 11:8

Ukundi eyami nkukadja, we Efarayima? Ukundi eyami nkukimo, we Isariyele? Ukundi eyami nkete uku Adem? Ukundi eyami nkutshela uku Zeboyima? Utema ami ambulungula; Ketshi kami kambuyala otekoya.

Hosea 12:1

Efarayima watolekaka lopepe, Watuyelaka lopepe lʼuma lʼehutwelu ka unya. Vo watufudiaka kashi lu akambu wa ngala la lushi la lushi; Wambudja lʼasi Asuriya sheki; Wambotola iso utsha lʼEdjibitu.

Hosea 12:2

Latuyalaka ambandula Juda. Ndi ayusuya Jakoba uku eli etsha andi, Ayufuta uku ditshelu diandi.

Hosea 4:17

Efarayima ambumamema dikishi diawo, nyukimo ndame.

Hosea 4:2

Paka atshibelu la kashi, diakanelu, Uvi la munanyi atu mbatutumbaka, La dikila ladiku dia dikila.

Hosea 5:1

Nvu elombodi, nyulungi dikambu ne! Nyu khumbu ka Isariyele, nyuhukami! Nyu wa lu luudu la khumʼekanga, nyuhuke tui! Elumbwelu kene kambuya le nyu, Ne dia nyu nyaki utamba a ntakanya la Mizipa, la otei wambemi la Tabora.

Hosea 6:4

Kayumukutshela we Efarayima? Juda li, kayumukutshela na? Ololo anyu weli uku dingi dia pindju, Uku lopopo latumoka esadi.

Hosea 7:13

Mananu kayali le wo ne dia vo wakandawo. Elanyelu kayali le wo, ne dia vo wakampendwela. Dimi lutshimbela, Keli vo watutaka aui wa kashi lu dikambu diami.

Hosea 8:5

Dimi Latuyalaka lakatuni efanelu kanyu ka ngombe, nyu asi Samariya. Kele kami kakafulanela le nyu. Edja ndu etena kakona kayunyediama lu Isariyele?

Hosea 8:9

Ne dia vo wakatshu utsha la Asuriya, Uku atetolaka mangana amakina. Efarayima akakimo eshasha dia nkundja engenyi.

Amose 3:10

Vo haweyi ntsha akambu wʼusimbwi, Mbata Latuyalaka. Vo watuyaumbelaka diango diʼuma lu akambu wa ngala La uvi lu mvudu yawo.

Amose 3:9

Nyudianganya lukumu lu mvudu ya khumʼekanga ya la Asuriya, Ndu lu mvudu ya khumʼekanga ya lu kete ya Edjibitu, Nyuti nyati: Nyusangani ladiku diʼekungu wa Samariya; Nyendi ufutanu a wulu weli lʼatei awo, La akambu wa ngala weli loko.

Amose 8:14

Wane watutshibaka Ashima wa la Samariya, Ndu watutaka vati: Uku eli etemolatemola kaye la lumu! we Dane, Ndu uku eli mbuka kʼasi Bere-Sheba la lumu! Vo wayoko, hawunela ntu pundju.

Mika 6:16

Nyu nyatulamaka elembe wa Omiri, La ditshelu tshe dia khumbu ka Ahaba. Nyatuyelaka aui awo, dia dimi nyete tongo tu, La antu aye engo ka mpongwela soi. Nyu nyayembela wudja ami diango diawo.

Mateu 23:37

Yee, Jerusalema, Jerusalema, latudiakaka amvutshi, latukaka wane watuwukutumelaka ave! Ndi tena efula diakamalangi nsanganya anʼaye, uku atusanganyaka wali a koko ana ato la tshina dia ahafu ato, keli nyu kunanga li!

Luka 13:34

Yee! Jerusalema, Jerusalema, latudiakaka amvutshi, latukaka wane watuwukutumelaka ave li! Ndi tena efula diakamalangi nsanganya anʼaye, uku atusanganyaka wali a koko anʼato la tshina diʼahafu ato, ku nyu kunanga li!

Luka 19:42

Ndi akati ati: Utuyeya weme lu lushi lʼelo, akambu watutungaka ki li! Keli kakiane, akambu ako wambushama uma lu ashu aye,