Hosea 5:1 - La Bible en Otetela (Bible K'Ekila) 1991

¹ Nvu elombodi, nyulungi dikambu ne! Nyu khumbu ka Isariyele, nyuhukami! Nyu wa lu luudu la khumʼekanga, nyuhuke tui! Elumbwelu kene kambuya le nyu, Ne dia nyu nyaki utamba a ntakanya la Mizipa, la otei wambemi la Tabora.

Hosea 5:1 Iomraidhean Croise

Jeremiya 11:7

Dimi lakewulaka washenyu lʼutema otoi, umaka lushi lukamatundja uma lu kete ya Edjibitu edja ndu elo. Dimi lakawaewulaka pindju tshe nti: Nyukitanyia aui ami:

Jeremiya 13:18

Uteli khumʼekanga la nyangu lakawuti wati: Nyudjase lu kete, Ne dia dembo diaye dia kusu dia dimena diamboko uma lʼote ave.

Jeremiya 46:18

Uku wemi la lumu! mbata Khumʼekanga, Lukanga lukumbu lone: Latuyalaka Kanga lulimbilimbi ati: Nyuki, Uku eli Tabora lʼatei wʼekungu, Ndu uku eli Karamele lʼumamu wʼashi a waki, mbayuya motshi.

Hosea 10:15

Osoku mbayuwunyutshela, nyu khumbu ka Isariyele, Ne dia kolo kanyu ka wuki. Ku khumʼekanga ka Isariyele ayudiakema la hyutshihutshi.

Hosea 13:8

Dimi layuwanda uku laundu lakawahotodi anʼalo. Dimi layata tulu yawo, Layuwale lu dihuli diako uku tambwe. Dimi layuwatshatsha uku nyama ka ngala ka lʼukunda.

Hosea 4:1

Nyulungi diui dia Latuyalaka, nyu asi Isariyele! Latuyalaka eko la wane wudjashi lu kete dikambu, Ne dia nduku kolamelu kuyanga ololo, Nduku ewu ka Unyashungu lu kete.

Hosea 6:9

Ului wʼelombedi weli uku ului wʼapotodi, Watuhulamaka kame dia ndjaka antu. Vo watudiakaka antu lu mbuka kʼutshu la Shekeme, Ee, vo watutshaka kolo ka wuki.

Hosea 9:8

Umvutshi eli ulami wa Efarayima kame la Unyashungu ami, Keli tulunga ta umambi teko lu mbuka yandi tshe, La luhetshu lu luudu la Unyashungu andi.

Joele 1:2

Nyu esumbi, nyulungi dikambu ne, Nyu antu wudjashi lu kete, nyuhuke atui! Undi, dikambu dia wuhu one diakatshama lu nshi yanyu kana lu nshi ya washenyu uka?

Amose 3:1

Nyu asi Isariyele, nyulungi diui ne, Mbakati Latuyalaka lu dikambu dianyu, Lu dikambu dia khumbu tshe kakandatundja Uma lʼEdjibitu ati:

Amose 7:9

Alunga wa Isaka wayulanyema, Temwelo dia Isariyele dia; uhandjwama vwa. Dimi layunela dia ndo la khumbu Ka Jeroboama la yombo.

Mika 3:1

Dimi lakati nti: Nyulungi, nyu ete wa Jakoba, La embuledi wa khumbu ka Isariyele! Undi, nyu hanyuhumbi mbeya dialelu diʼololo?

Mika 3:9

Nyulungi dikambu ne, nyu ete wa khumbu ka Jakoba, Ndu nyu embuledi wa khumbu ka Isariyele; Nyu wane watukaka dialelu diʼololo wononyi, Watukadimulaka akambu wʼusimbwi tshe kolo.

Mika 7:2

Untu ololo akanyema uma la kete, Nduku untu lʼusimbwi leko lʼatei wʼantu. Vo tshe watuhulamaka dia ntshulula dikila, Untu lʼuntu atambaka onangu otei.

Malaki 1:6

Ona atolemiaka shi, ukambi atolemiaka uwandji andi. Ku naka dimi leli shenyu, lenceli nemo diatunyonemiaka? Naka dimi leli uwandji, lendʼeli woma watunyumbukaka? mbanyumbula Latuyalaka Kanga lulimbilimbi, nyu elombedi watonyolaka lukumbu lami. Nyu nyatumbulaka nyati: Lu na atutonyolaka lukumbu laye?

Malaki 2:1

Nyulungi, nyu elombedi, olembe one ambuyala lu dikambu dianyu!

Embadi 4:12

Wakatutela Sisera vati: Baraka, onʼa Abimoama, ambelela utsha lʼukungu wa Tabora.

Embadi 4:6

Ndi akatumi dikendji dia nteta Baraka, onʼa Abinoama, uma la Kedeshe-Nafetali. Ndi akayuwumbula ati: Undi, Latuyalaka, Unyashungu wa Isariyele, kunkudjangela ati: Uneli, utshu lʼUkungu a Tabora, utshu la apami nunu dikumi wʼasi Nafetali la wʼasi Zebuluna?

1 Samuele 7:16

Ndi akatshimbaka lu eleku lʼeleku uma la Betele, Ngilingala, la Mizipa, atalumbuya akambu wʼasi Isariyele lu ahuli ako tshe.

1 Samuele 7:5

Samuele akawatela ati: Nyusanganya Isariyele tshe la Mizipa, ku layunyolombela Latuyalaka.

1 Samuele 7:6

Ku vo wakasangana la Mizipa, wakaduwula ashi, wakawatshula la ntundu ka Latuyalaka. Vo wakakile mbu ya nde lushi lako, wata vati: Shu takatshela Latuyalaka kolo! Ku Samuele akalaka akambu wʼasi Isariyele la Mizipa.