Hosea 4:3 - La Bible en Otetela (Bible K'Ekila) 1991

³ Diako mbayuyala kete la utanda, Mbayukiyana wane tshe wudjashi loko. Nyama ya la kete la fudu ya lʼulungu Ndu nsi ya la ashi a waki wayunyema.

Hosea 4:3 Iomraidhean Croise

Isaya 33:9

Kete yaya lʼutanda, Lebanona ambukanana, ambolengela. Sharona ambuyala uku usui wa shenga. Bashana la Karamele watololoka akatshi.

Jeremiya 12:4

Etena kakona kayukimo wudja ndela, Kayukimo tumbatumba nengela lu kete tshe? Uma lu kolo kʼasi kete, mbambushila nyama la fudu ushiki, Ne dia vo wakataka vati: Unyashungu hendi ekumelu kasu.

Jeremiya 23:10

Kete yambulula too lʼakanga a lukesu. Yo yaya lʼutanda ne dia mananu. Adiyu wa lʼusui wambulungula. Vo watulawoka utsha lu kolo. Wulu awo weko paka dia ntsha kolo,

Jeremiya 4:25

Dimi lakendi, ku nduku untu. Ndu fudu tshe ya lʼulungu yambushila ndawo.

Jeremiya 9:10

Dimi layulela, layuda tukuku dikambu diʼekungu, Layuyandjayandja la delu lu dikambu diʼusui wa shenga, Ne dia vo wambulungula; nduku untu leta leko. Nduku lawi la ngombe lukema; Fudu ya lʼulungu la nyama yakalawo, yakamo leko.

Jeremiya 9:9

Undi, dimi haluwalumbuya lu akambu aso? Dimi halosombweya utema ami wuhu one wa wudja? Mbata Latuyalaka.

Ezekiyele 38:20

Okone nsi ya lu ashi a waki, fudu ya lʼulungu, nyama ya lʼukunda, diango tshe diayakutula lu kete, ndu antu tshe weli la kete, wayudidima la ntundu kami. Ekungu wayukungokungo, peli diʼave wa lʼekungu diayunyukwama; la peli tshe dia lukumbu diayunyuko.

Joele 1:18

Ndi ndjawi ya nyama li! Nyimba ya ngombe yambukanana, Ne dia adiyu wa nde kema; Nyimba yʼekoko yambena pa.

Amose 1:2

Ndi akati ati: Latuyalaka ambudikita uma la Siona, Ambukia diui diandi uma la Jerusalema. Adiyu wʼalami wʼekoko weko lʼutanda; Ote wʼukungu wa Karamele wambuma.

Amose 5:16

Diako mbata Latuyalaka, Unyashungu Kanga lulimbilimbi, Khumadiondjo ati: Alelu wayuyala lu ahuli tshe. Wayuta lu esese tshe vati: Yee! yee! Vo wayeta ukambi wʼekambo lʼutanda, La Wane watutshimaka djuwa dia ndjulela.

Amose 8:8

Undi, kete hayudidima lu dikambu ne, Ndu wane tshe wudjashi loko hawuyala lʼutanda? Yo hayunela yo tshe uku Nile, Yo hayohenyahenyama, ndu hayukitakita Uku Nile ka lu Edjibitu?

Nahuma 1:4

Ndi atuhangwelaka ashi a waki, atuwaumiaka. Ndi atumiaka ndjali tshe. Bashana la Karamele wambolengela, Ndu alembo wa Lebanona wambolengela.

Zefaniya 1:3

Dimi layudiaka antu la nyama, Fudu ya lʼulungu la nsi ya lʼashi a waki. Dimi layulanya antu wa kolo. Dimi layushila antu tshe Weli ladiku dia kete ushiki, mbata Latuyalaka.

Zekariya 5:4

Latuyalaka Kanga lulimbilimbi kata ati: Dimi layutuma wombo ako. Ku vo wayoto lu luudu la kanga uvi, ndu lu luudu la one latutshi baka lukumbu lami utshibatshiba. Vo wayudjase lʼatei a luudu landi, wayulu-tshumba kame lʼetamba alo la ave alo.