Hosea 3:4 - La Bible en Otetela (Bible K'Ekila) 1991

⁴ Asi Isariyele wayutshikala edja aha la khumʼekanga, aha la uwandji, aha la ulambu, aha la kimeta, aha la ukutu wa nemo, kuyanga la loyembo lʼaloho “uluwanyi”.

Hosea 3:4 Iomraidhean Croise

Etatelu 31:19

Etena kako Labana aki lʼusui lu mpimbula ekoko andi diosa. Ratshele akavi dikishi dia shi.

Etatelu 31:34

Keli Ratshele akose dikishi diako, akadishe la tshina diʼedie kakandadjaseka lu kamelo, akadjase ladiku diato. Ku Labana akayangiayangia lu luudu landi tshe, keli kudishula.

Etatelu 49:10

Danga dia diulelu hadiumoki uma le Juda. Kuyanga ukalimba a khumʼekanga uma lʼatei ekulu andi, Edja ndu lamʼayuya Shilo. Wedja tshe wayukitanyiaka aui andi.

2 Samuele 6:14

Davidi akayanokaka la ntundu ka Latuyalaka la wulu andi tshe, olotshi ukutu wa nemo wa linene.

2 Khumi ya Dikanga 23:24

Josiya akanya ndu waku tshe wakateketshaka djimu, akanga wʼaloka, pingu, dikishi, la diango tshe dia wononyi diakatanema la Jerusalema. Dia ndi ntshaka aui wʼuma lʼelembe wakafundama lu buku diakashula olombedi Hilikiya lu luudu la Latuyalaka.

2 Ekondo 15:2

Ku ndi akatshu dia ntuhumana la Asa, akawutela ati: Asa, we la asi Juda tshe, la asi Bendjamina nyumbukeli. Latuyalaka atuyalaka la nyu lamʼayunyuyalaka kame la ndi. Naka nyu nyayuyanga, nyu nyayutana; keli naka nyu nyavoseka, ndi ayunyoseka.

Etumbelu 28:4

Kawotelele ahondo ane: opema, ukutu wa nemo, ukutu, sumishi kʼasangu, lufule lʼolombedi, la uya. Kawotelele onanyo Arona la anʼandi wʼapami ahondo wʼekila dia vo nkambelakami ulimu wʼolombedi.

Etumbelu 28:6

Kawutshi ukutu wa nemo la eshinga wa paunyi, wʼedima, wʼengingi, wa tilili ndu wa linene wʼololo. Ulimu oso kawuyali ulimu wa lononga.

Delu dia Jeremiya 2:9

Kuki yawo yakakhundema lu kete. Ndi akokola ndu akalanya tukingiti tawo. Khumʼekanga kawo la ewandji awo waya lʼatei a wedja; Elembe kema ntu; ndu amvutshi awo hawuyena Nduku enelo uma le Latuyalaka.

Ezekiyele 19:14

Dja yakalalo uma lu lotonga la wuki utsha lu tonga kina. Yo yakatshumbi elua ayo, Edja ndu nduku lotonga lukuki ndjala danga dia diulelu. Oso keli limbu la djuwa, Lo lambuyala limbu la djuwa.

Ezekiyele 20:32

Nyu nkanaka nyati: Shu tayuyala uku wedja ekina, uku khumbu ya waulelu, dia ntemola etamba la ave. Keli kanyi yako hayushidiyama.

Ezekiyele 21:21

Khumʼekanga ka Babilona akemala lu sanga dia mbuka hyendi dia mendja diwulu. Akasutshasutsha pitu, akendja lu nyembo, akendi uvo.

Ezekiyele 21:31

Dimi layunyutshulwela ududu ami, layunyufufa dja ya kele kami. Dimi layunyukimo lʼanya wʼakanga a ngala, weya nshila antu ushiki.

Danyele 11:31

Alimbi wayuya uma lu diui diandi, wayusanya etemwelo la lungeli lato, wayotola ulambu wa lutshumba wa la lushi la lushi. Vo wayei engo ka wononyi, katutungaka elanyelu.

Danyele 12:11

Umaka etena kayuwotola ulambu wa lutshumba wa la lushi la lushi, ndu kayuweme engo ka wononyi ka unanyishi, ayuyala nshi kinunu kama hyendi la akumi divwa.

Danyele 9:27

Ndi ayudja la antu efula sheki ya wulu yediko ya lubingu otoi. Ku lʼatei wʼetenyi otoi ka hendi ka lubingu, ndi ayukumiya ulambu la ulambu wa lutshumba. Unanyishi ako ayutsha akambu wuleki wononyi edja ndu akambu wakasanguyama ntshama lu ekumelu wayuyala la diku diandi.

Hosea 13:10

Kakiane lenʼeli khumʼekanga kanyu, dia ndi nyushimbela? Lendʼeli ewandji anyu dia nyulama. Wakanyataka nyati: Nyutusha khumʼekanga, la ewandji?

Hosea 13:11

Dimi iakanyushaka khumi ya dikanga lu kele kami; Lakawanyaka lʼududu ami.

Hosea 2:11

Dimi layukumiya ongenongeno andi tshe, Nshi yandi ya waki, talelu tandi ta ngondo, nshi yandi ya mumuya La nshi yandi ya waki yakawashikike.

Akambu wʼAsi Lewi 8:7

Ndi akalotsha Arona sumishi kʼasanga, uya, la ukutu. Ndi akawudji ukutu wa nemo, akolotsha uya wakatshama la lononga wa lʼukutu wa nemo wakandolotsha.

Zekariya 10:2

Dikishi diatutaka aui wʼanyanya; Asaki wʼawulu watenaka akambu wa kashi. Amenyi wʼalo watusakulaka alo wa lukesu. Vo watusambaka antu anyanya. Okone wudja vatekekoka uku ekoko, Watuyalaka la asui, ne dia vo kema la ulami.

Zekariya 13:2

Latuyalaka Kanga lulimbilimbi kata ati: Lushi lako, dimi layunya kumbu ya dikishi uma lu kete, diaha yo mbuhwama ntu. Dimi layunya ndu amvutshi la odienge uma lu kete.

Luka 21:24

Ku vo wayudiakema la tombo, wayotolama fumbi lu wedja tshe. Asi wedja wayohotshahotsha Jerusalema, edja ndu etena kʼasi wedja ambukuka.

Joani 19:15

Ku vo wakahangohango vati: Uwunya! Uwunya! Udiaki lʼutamba a mpeketanya! Pilata akawambula ati: Dimi layudiaka Khumʼekanga kanyu lʼutamba a mpeketanya? Elombedi a waki wakâkaluya diui vati: Shu kema la khumʼekanga, paka Kayisa.

Heberu 10:26

Naka shu tayutetemala ntsha kolo lamʼeyasu mete, kema ulambu ukina weya nyimanya kolo yako,

Embadi 17:5

Mika aki la luudu lakandakitshaka dikishi, ndi akatshi etemolatemola ndu tukishikishi. Ku ndi akakitsha onʼandi a pami omotshi oteketshi.

Embadi 18:14

Ku apami ako atanu wakatshu dia ntotopa kete ya Laishi, wakambula anengewo vati: Nyu hanyeyi nyati: etemolatemola kemotshi, tukishikishi tomotshi, ekishi ka losela la ka lolelola, dieko lu mvudu nye? Nyukani yimba wuhu wukukinyu ntsha.

Embadi 8:27

Ngidiyona akatshi etemolatemola lʼashingu ako, akakekitsha lʼusumba andi wa Ofara. Asi Isariyele tshe wakaseke Latuyalaka, wakakitemola. To kakayala djunga le Ngidiyona la wa lu luudu landi.

1 Samuele 14:3

Ahidja, onʼa Ahitube, onangu Ikaboda, onʼa Finehasi, onʼa Eli, olombedi wa Latuyalaka wa la Shilo, akalote ukutu wa nemo. Antu kumbeya vati: Jonatana akunedi.

1 Samuele 15:23

Uhedia eli uku kolo ka endjelu ka diwulu. Ote wulu eli uku etendelo ka dikishi la pingu. We akatuni diui dia Latuyalaka, Diako mbambundukutuna ndu we lu khumʼekanga.

1 Samuele 2:18

Keli Samuele akatshaka ulimu la ntundu ka Latuyalaka eki dikenda. Ndi akalotaka ukutu wa nemo wa linene.

1 Samuele 21:9

Olombedi akûkaluya diui ati: Yombo yaki Ngoliyate, usi Filistiya, lakayadiaki lʼukidi wa Ela tshu mbeko. Yo ku yombami dihondo ledia ukutu wa nemo. Naka we nangaka, uyiose, ne dia nduku kina yeko lane. Ku Davidi akawutela ati: Nduku kina yeli uku yo, umbishayo.

1 Samuele 22:18

Khumʼekanga akatela Doenge ati: Ukadimi, udiaki elombedi. Doenge, usi Edome, akakadimo, akadiaki elombedi. Ndi akadiaki antu akumi enanei la atanu wakalotaka ekutu wa nemo wa linene.

1 Samuele 23:6

Lamʼakalawo Abiyatara, onʼa Ahimeleke, utsha la Keila le Davidi, ndi akayayakaka ayakimedi ukutu wa nemo lu lunya landi.

1 Samuele 23:9

Davidi akeyi dikambu dia kolo diakasanguya Saulu mbutshela. Ndi akatela olombed. Abiyatara ati: Ela ukutu wa nemo.

1 Samuele 30:7

Ndi akatela olombedi Abiyatara, onʼa Ahimeleke, ati: Umbela ukutu wa nemo. Ku Abiyatara akawela ukutu ako.