Hosea 2:5 - La Bible en Otetela (Bible K'Ekila) 1991

⁵ Nyengewo akunanaka, one lakawauti akayasuwula. Ndi akati ati: Dimi layuyela eseka ami, Watumbishaka ma diami la ashi ami, Ahondo ami wa diosa diʼekoko, ndu wa linene, iso la dinono.

Hosea 2:5 Iomraidhean Croise

Isaya 1:21

Ndi usumba wa kolamelu, Wambuyala umuntu kanga luseka li! Vo waki too la sambu kʼololo, Akambu wʼololo mbakayalaka loko. Keli kakiane aya adjakanyi atu loko.

Isaya 50:1

Latuyalaka kambula okone ati: Lendʼeli mukanda wa ndjaka diwala, wakamaseke nyengenyu? Kuyanga lʼatei a wane wunkuli abasa, Le akona akamanyusundja le ndi? Enda, nyu nyakatshanyema ne dia ehedia anyu, Ndu nyengenyu akasekama ne dia kolo yanyu.

Jeremiya 11:13

We Juda, uku eli efula kʼesumba anyu, mbeli efula ka ditemolatemola dianyu! Uku eli efula kʼesese wa la Jerusalema, mbakanyatshela engo kene ka sonyi diakelu, diakelu dia ntshumbela Bala malashi.

Jeremiya 13:22

Naka we ambuyambula lʼutema wati: Okoko wana wambuya akambu ane le mi? Eyi wati: Uma Iʼefula ka kolo vaye, Mbambuwukukulula dihondo diaye, mbambuwuhumuya tshindji diaye wulu.

Jeremiya 2:20

Nshi yʼedjedja, nyu nyakatshatsha lokoho lanyu, Nyakahimbula ekodi anyu; Nyakati nyati: Shu hatuyulanga ndjala fumbi ntu. Ee, nyakanseke, nyakatemola Ladiku dia dikuna tshe diʼutali, Ndu la tshina diʼutamba tshe wʼuyuyu.

Jeremiya 6:8

Jerusalema li, ulungi wetshelu; Utema ami atukumamitwana la ye! Dimi ntukukete tongo tu, aha lʼuntu.

Ezekiyele 16:35

Okone we kanga luseka, uki diui dia Latuyalaka.

Ezekiyele 16:39

Dimi layukukimo lu anya awo. Vo wayunyukula luudu laye lʼetemolatemola, wayulanya ahuli aye wa ladiku. Vo wayukukulula ahondo aye, wayukohotola dengalenga diaye, wayukutshika utakataka.

Ezekiyele 16:4

Lushi lakayuto, vo kunkuhimbula ututu, kunkotsha ashi, kunkukita leho, kuyanga nkolotsha dihondo.

Hosea 1:2

Etena ka ntundu kakateketa Latuyalaka le Hosea, Latuyalaka akatela Hosea ati: Tshoka, ututshuki umuntu kanga luseka, kuti la kanga luseka ana, ne dia wudja one watekamaka ditemolatemola, wambumo uma le mi, dimi Latuyalaka.

Hosea 2:2

Nyamia nyengenyu, nyuwamia. Ne dia ndi kema wademi, ndu dimi kema umendi. Ndi anya tulimbitelu ta munanyi uma lʼelundji kandi, La ta luseka uma lu tulu kandi.

Hosea 2:8

Ndi kumbeya ntu ati: Dimi kakawusha epunga, ashi wʼelua la iso. Dimi lakawusha fesa la paunyi efula, Yakawatshaka la yo ulimu wa Bala.

Hosea 3:1

Latuyalaka akamvutela ati: Tshoka ntu, utulangi umuntu kanga munanyi, lalangema le eseka, uku atulangaka Latuyalaka asi Isariyele, kuyanga mbatuwekamaka ditemolatemola ndu mbatuwulangaka ekati wʼelua wa vinyo wa weumu.

Hosea 4:5

We ayoko la vanyi, umvutshi ayutakana kame la ye lʼutshu. Dimi layudiaka nyo.

Hosea 8:9

Ne dia vo wakatshu utsha la Asuriya, Uku atetolaka mangana amakina. Efarayima akakimo eshasha dia nkundja engenyi.

Hosea 9:10

Dimi lakatani Isariyele Uku sandji oiʼelua wa vinyo lʼusui wa shenga. Dimi lakenyi washenyu Uku elua wa ntundu wʼutamba wa fingu, Keli vo wakatshu utsha le Bala-Peore. Vo wakatuyakidia le ekishi ka sonyi, Ku wakayala wononyi uku engo kakawalangaka.

Amose 8:13

Lushi lako, esekaseka wa dimuma wʼamena La elongo anyu wʼapami wayuvo pusa kʼashi.

Embadi 16:23

Ewandji wʼasi Filistiya wakamote kame dia nambula etemolatemola kawo Dangona ulambu, la dia ngenangena. Vo wakati vati: Etemolatemola kasu kambukimo utunyi asu Samisona lu anya asu.