Hosea 2:3 - La Bible en Otetela (Bible K'Ekila) 1991

³ Naka aha osoku dimi layukulula ahondo, Layutshika utakataka uku akanduto; Layuwete uku usui wa shenga, Layukitsha uku kete ya wumuma, Ndu layudiaka la pusa kʼashi.

Hosea 2:3 Iomraidhean Croise

Etumbelu 17:3

Antu wakadienyi la pusa kʼashi leko. Ku vo wakangunangunela Mose vati: Okoko wana wakayatutundja uma lʼEdjibitu, dia ndjutudiaka, shu la anʼasu la dungalunga diasu la pusa kʼashi?

Isaya 33:9

Kete yaya lʼutanda, Lebanona ambukanana, ambolengela. Sharona ambuyala uku usui wa shenga. Bashana la Karamele watololoka akatshi.

Isaya 47:3

We ayuyala utakataka, ayutshama sonyi. Dimi layosomboya, haluhandja nduku untu,

Isaya 64:10

Esumba aye wʼekila waya shenga tshu. Siona aya shenga, la Jerusalema elanyelu.

Jeremiya 12:10

Alami efula wakalanya ekambo kami ka vinyo. Vo wakahotshahotsha ekambo kami, Wakete ekambo kami kʼololo usui wa shenga.

Jeremiya 13:22

Naka we ambuyambula lʼutema wati: Okoko wana wambuya akambu ane le mi? Eyi wati: Uma Iʼefula ka kolo vaye, Mbambuwukukulula dihondo diaye, mbambuwuhumuya tshindji diaye wulu.

Jeremiya 13:26

Okone dimi layunyukulula ahondo la ntundu kanyu, Dia sonyi yanyu menama.

Jeremiya 14:3

Ewandji watutumaka anʼawo lu ashi. Vo watukumaka lu eshima, keli hawututanaka ashi. Vo watukalulaka mbaka tshu. Vo watukaka sonyi, watukananaka, watukumbaka ete awo.

Jeremiya 17:6

Untu ako ayuyala uku ukumbu lʼusui wa shenga, Vo hawenyi ololo lama uyiwo. Keli vo watutanemaka lu ahuli wambuma lʼusui wa shenga, Lu kete ya leho, yahadjashi untu.

Jeremiya 2:31

Nyu wa lolonga lone, nyuki diui dia Latuyalaka ati: Undi, usui wa shenga mbakimi le Isariyele, Kana wudja wa udjima wa tshududu? Mbata wudja ami vati: Shu tambutshungo, shu hatuyukalula le ye?

Jeremiya 2:6

Vo kumumbula vati: Lendʼeli Latuyalaka, Lakatutundja uma lu kete yʼEdjibitu, Lakatolombola lʼusui wa shenga, Lu kete ya shenga yuludi too lʼafuku, Lu kete ya wumuma la udjima a tshududu, Lu kete yahatetaka antu, ndu yahatudjaseka antu?

Jeremiya 22:6

Latuyalaka kata okone lu dikambu dia khumbu ka khumʼekanga ka Juda ati: We eli uku Ngiliyade le mi, uku ote wa Lebanona. Keli mete, dimi layukete shenga, usumba waha la antu.

Jeremiya 4:26

Dimi lakendi, ku usui waki eteto, waya shenga. La esumba awo tshe wakalanyema la ntundu ka Latuyalaka, La ntundu ka kele kandi ka wulu.

Jeremiya 51:43

Esumba awo wambulanyema. Kete yambuyala wumu ndu shenga, kete yahadjashi untu. Nduki untu ayeta leko.

Jeremiya 51:5

Ne dia Isariyele la Juda konsekama le Unyashungu awo, Latuyalaka Kanga lulimbilimbi, Kuyanga kete yʼasi Kaladiya yambulula too La enungu le lʼEkila lʼlsariyele.

Ezekiyele 16:22

Lu akambu aye tshe wa wononyi la wa luseka laye, we kumbuho nshi yaye yʼusekaseka lamʼakiye utakataka, utakataka utu, ndu lamʼakayangitoka lu dikila diaye.

Ezekiyele 19:13

Kakiane okodi ako ambunema lʼusui wa shenga, Lu kete ya wumu, yaha la ashi.

Hosea 13:15

Kuyanga Efarayima ambuluwana latei wʼanangu, Lopepe lʼuma lʼehutwelu ka unya layuya, Lopepe la Latuyalaka layopepa uma lʼusui wa shenga. Eteko kawo kayuma, la ushima awo wayuma tu Lo layulanya waumbelu wa diango tshe, diʼushinga a wulu.

Hosea 2:10

Kakiane dimi lutsha nkenenadia sonyi kandi Lu ashu wʼeseka andi, Ku nduku layeya mbutshungula uma lʼanya ami.

Enyelo 17:16

Seki dikumi yakayenyi, ndu nyama, yayuhetsha umuntu a luseka. Yo yayuhandjula, yayutshika utakataka, yayole umunyi andi, yayutshumba ushiki.

Embadi 15:18

Ndi akuki pusa ashi, akalombe Latuyalaka ati: We kakatungi etshungwelu kene ka wuki la lunya lʼukambi aye; ku kakiane dimi mvo la pusa kʼashi, la mboto lu anya a wane wahatahemaka uhekeli?