Hosea 13:3 - La Bible en Otetela (Bible K'Ekila) 1991

³ Diako mbayuwuyala uku dingi dia pindju, Uku lopopo latumoka esadi Uku fufudi yatembaka lopepe uma lu dihuli diʼesuswelu, Uku dinga diatutumbaka uma lu kumbi ka luudu.

Hosea 13:3 Iomraidhean Croise

Jobo 21:18

Tena dingana diambuwuyala uku nengese yatembaka lopepe, Kana uku puhudi yatembaka punganendji?

Jobo 30:15

Woma wa mamba wambunyinga; Lutumbu lami lambembama uku lu lopepe, Diese diami diambeta uku dingi.

Esambu 1:4

Keli antu wa kolo hawuyala osoku. Vo weli uku fufudi yatembaka lopepe.

Esambu 68:2

Uwatshanya uku atufumbulaka lopepe dinga, Ee, uku atoleloka ulangi lu dja. Okone antu wa kolo washili ushiki la ntundu ka Unyashungu.

Isaya 17:13

Wedja wambudikita uku atudikitaka ashi a waki, Keli ndi ayahangwela ku vo wayulawo etali, Uku puhudi yatembamaka la lopepe lʼekungu, Uku ditshu diatembamaka la lopepe la wulu.

Danyele 2:35

Ku luwulu, diwumba, ohotela, fesa, la paunyi wakuli kame, wakayala efushi etu uku fufudi ya lu dihuli diʼesuswelu lu nshi ya dinela. Ku lopepe lakawaembe, edja ndu nduku yema yakatanema ntu. Keli dive diakakomola efanelu kako, diakayala ukungu a wuki, diakaluli kete tshe.

Hosea 6:4

Kayumukutshela we Efarayima? Juda li, kayumukutshela na? Ololo anyu weli uku dingi dia pindju, Uku lopopo latumoka esadi.

Zefaniya 2:2

Ntundu nyu nyatatshanyema Uku fufudi yatufumbofumboka; Ntundu ududu wa Latuyalaka watayi le nyu; Ntundu ka lushi la Latuyalaka latayi le nyu.

Zekariya 8:12

Eunelu ka weuhu ka ki kayuyala; ekodi wa vinyo wayoto elua awo. Kete yayutundja diango diayo; ulungu wayutuma dihohe diawo. Ku dimi layusha atshikadi wa wudja one diango ne tshe, dia vo ndjala akanga adio.