Hosea 11:3 - La Bible en Otetela (Bible K'Ekila) 1991

³ Dimi laketshaka Efarayima lokendo, Latukimela lu anya. Vo kumbeya vati: Dimi Kakakonoya.

Hosea 11:3 Iomraidhean Croise

Esambu 107:20

Ndi akatumi diui diandi, akakonoya, Akahandja uma lu waumbu.

Etumbelu 15:26

Ndi akawatela ati: Naka nyu nyayulungaka diui dia Latuyalaka, Unyashungu anyu, naka nyayutshaka akambu wʼololo lu ashu andi, naka nyayuhukeka atui lu elembe andi, ndu naka nyayukitanyiaka adjangu andi, dimi halunyutumela asui wakamatumela asi Edjibitu; ne dia dimi keli Latuyalaka, latunyokonoyaka.

Etumbelu 19:4

Nyu nyakenyi okone akamatshela asi Edjibitu, ndu uku akamanyembe ladiku diʼahafu wa pungu dia nyela uya le mi.

Etumbelu 23:25

Kanyukambelaki Latuyalaka, Unyashungu anyu, ulimu, ku dimi layotshokolaka ma dianyu la ashi anyu. Dimi layunya elandu uma lʼatei anyu.

Isaya 1:2

Ulungu li, uki! we kete, uhuke tui! Ne dia Latuyalaka kata ati: Dimi lakalesbaka ana, ndu lakawaudiaka, Keli vo wakantombokwela.

Isaya 30:26

Usasi a ngondo wayuyala uku usasi a unya. Usasi a unya wayoheta wulu tena esambeli, uku yediko yʼusasi wa nshi esambeli lu lushi layomba Latuyalaka puta ya wudja andi, layundokonoya wimbo wa dikomoki diawo.

Isaya 46:3

Nyum lukeli, nyu wa lu luudu la Jakoba, Nyu atshikadi tshe wa lu luudu la Isariyele. Dimi dime kakanyulamaka lʼetema wʼanyengenyu, kakanyembaka umakʼeutwelu kanyu,

Isaya 63:9

Lʼatei asui awo tshe, ndi akasuwi kame la wo, Ana uma le olohe kana dikendji, Keli ndi ndame kakashinbela. Lu ngandji kandi la ketshi kandi mbakandashimbela; Ndi akasukelaka, akawaembaka tena tshe lu nshi yʼedjedja.

Jeremiya 30:17

Latuyalaka kata ati: Dimi layukokonoya, layomba puta yaye, Ne dia vo watuketaka engo ka mbikadja vati: Siona uku, nduku latuyikanelaka.

Jeremiya 8:22

Undi, diombo kema la Ngiliyade, wetshi kema leko uka? Ku ya ukundi aki konkono ona umuntu a wudja ami?

Hosea 14:4

Dimi, Latuyalaka, layadimanyia ehedia awo. Dimi layuwauka ngandji otekoya, Ne dia kele kami kambukadimo uma le wo.

Hosea 2:8

Ndi kumbeya ntu ati: Dimi kakawusha epunga, ashi wʼelua la iso. Dimi lakawusha fesa la paunyi efula, Yakawatshaka la yo ulimu wa Bala.

Hosea 7:1

Lamʼakamalangi nkaluya ongonyi wa wudja ami, Lamʼakamalangi nkonoya Isariyele, Uhedia wa Efarayima la ditshelu dia kolo dia Samariya diakene, Ne dia vo watutshaka la lukesu, Uvi atotoka leko, la opotodi watudingaka lʼandja.

Hosea 7:15

Kuyanga dimi lakawaetsha ndu lakakikitsha anya awo, Vo watukanaka dia ntshelami kolo.

Etsha wa Atumami 13:18

Uku deku akumi anei mbakandatawaembaka lʼusui uku wali.

Euhwelu kʼElembe 1:31

ndu lʼusui wa shenga lene akanyenyi nyati: Latuyalaka, Unyashungu anyu, lakanyembe uku atembaka untu onʼandi lu mbuka tshe kakanyayakendaka, edja ndu lamʼakanyakumi lu dihuli ne.

Euhwelu kʼElembe 33:27

Unyashungu Latuyalaka eli edjaselu kaye, Anya andi wa pundju weli lungeli laye, Ndi katutshanyaka atunyi la ntundu kaye, Ku ndi akati ati: Washili ushiki.

Euhwelu kʼElembe 8:2

Nyuho mbuka tshe kakanyolombola Latuyalaka, Unyashungu anyu, deku akumi anei ne lʼusui wa shenga, dia nyukitshakitsha la nyedika, dia mbeya uku aki lu etema anyu, kana nyu nyatulamaka elembe andi kana kema.