Hosea 10:2 - La Bible en Otetela (Bible K'Ekila) 1991

² Etema awo wambuyala lu Keke pendi. Kakiane, vo watsha memba wutshu wʼunungu awo. Latuyalaka utsha mpandjula diakelu diawo, La nanya dimeta diawo.

Hosea 10:2 Iomraidhean Croise

1 Khumi ya Dikanga 18:21

Elidja akasukana le antu tshe, akawambula ati: Edja ndu kaandi ayunyukimo mpakahaka lʼatei a beke pendi ne? Naka Latuyalaka keli Unyashungu, nyuyeli! Keli naka Bala keli Unyashungu, nyuyeli! Ku wudja kumbukaluya nduku diui.

Etumbelu 23:24

Tukhuselaki ditemolatemola diawo adui, tuditemolaki. Tukuyaki wedja ene lu ditshelu diawo. Keli kulanya, ndu katshatsha pingu yawo.

Tukedi 11:18

Untu a kolo atulungulaka waho wa lukesu. Keli one latuneke akambu wʼololo, keli la difutu dia mete.

Isaya 44:18

Vo haweyi, hawukani yimba. Ashu awo wambudihama, hawosene. Etema awo wambudihama, haweyi nimbitela akambu wa yimba.

Jeremiya 43:13

Ndi ayudiudia dimeta dia lu luudu la unya, lu kete ya Edjibitu. Ndi ayutshumba mvudu ya ditemolatemola dia lʼEdjibitu.

Ezekiyele 14:5

dia dimi munda etema wa khumbu ka Isariyele, ne dia vo tshe wakamo uma le mi ne dia dikishi diawo.

Hosea 12:11

Naka kolo keko la Ngiliyade, mete, vo wayulanyema. Naka vo watulambulaka esongo wa ngombe la Ngilingala, Ndu diakelu diawo diayuyala Uku atuta wʼave lʼeshidi wʼemunda lu dikamto.

Hosea 13:16

Samariya wayemba wutahu wa kolo yawo, Ne dia vo wakauombokwela Unyashunpu awo, Wayadiaka la tombo. Wayohotshahotsha anʼawo wʼashashi. Wayatshatsha akundju a wadiewo weli la waemi.

Hosea 3:4

Asi Isariyele wayutshikala edja aha la khumʼekanga, aha la uwandji, aha la ulambu, aha la kimeta, aha la ukutu wa nemo, kuyanga la loyembo lʼaloho “uluwanyi”.

Hosea 7:8

Efarayima ambuyasohanya la wedja. Efarayi na eli uku ukati wakiwo kunkadimula.

Akambu wʼAsi Lewi 26:30

Dimi layulanya alunga anyu, layuhandjula diakelu dianyu dia tsho. Layukadja edu anyu ladiku dia edu wa dikishi dianyu. Ku utema ami wayunyuka wononyi.

Mika 5:13

Dimi layulanya difanelu diaye dia losela, La dimeta dieli lʼatei aye. We hayotemola elimu wʼanya aye ntu.

Zefaniya 1:5

Ee, layushila waku watotemolaka Ului wa diango dia lʼulungu lʼete wa mvudu, Waku watotemolaka, watutshibaka le Latuyalaka, Ndu watutshibaka Milikome,

Zekariya 13:2

Latuyalaka Kanga lulimbilimbi kata ati: Lushi lako, dimi layunya kumbu ya dikishi uma lu kete, diaha yo mbuhwama ntu. Dimi layunya ndu amvutshi la odienge uma lu kete.

Mateu 6:24

Nduku undi leya nkamuela ewandiji ehendi ulimu. Ne dia ndi ayuhetsha omotshi, avulanga ukina, kana ayekela omotshi, ayonyola ukina. Nyu hanyeyi nkambela Unyashungu la ukundiji ulimu.

Luka 16:13

Nduku untu leya nkambela ewandji ehendi ulimu: ne dia ndi ayuhetsha omatshi, ayulanga ukina. Kuku kana ndi ayekama omotshi, ayonyola ukina. Nyu hanyeyi nkambela Unyashungu la ukundii ulimu.

Jakoba 1:8

untu uku eko la etema ehendi, atahahoka lu akambu andi tshe.

Jakoba 4:4

Nyu akanga a munanyi, nyu hanyeyi nyati: Ongenyi wʼakambu wa la kete eko utunyi a Unyashungu? Okone untu tshe lalanga ndjala ongenyi wʼakambu wa la kete, ambuyaete utunyi a Unyashungu.

1 Joani 2:15

Tanyulangaki akambu wa la kete kuyanga diango dia la kete. Naka untu alanga akambu wa la kete, ku ngandji ka Shesu kema lʼutema andi.

1 Samuele 5:4

La wedi a pindju ukina, lamʼakaweto la kesekese, watani ku Dangona akakwe ekhukhumadi lu kete, la ntundu kʼoshete wa Latuyalaka. Watani ku ote wa Dangona lʼanya wakahimbwi, wukalemi lu kete. Paka utundu wa Dangona utu mbakatshikala.