Hosea 10:1 - La Bible en Otetela (Bible K'Ekila) 1991

¹ Isariyele eli uku okodi wa vinyo Watotokaka elua efula. Uku aki efuia kʼe lua awe, Mbakawafudia diakelu diawo. Uku aki efula kʼongonyi a kete, Mbakawete dimeta amena.

Hosea 10:1 Iomraidhean Croise

1 Khumi ya Dikanga 14:23

Ndu vo wakayahikela alunga kame la dimeta, la dikishi ladiku dia akuna tshe wʼetali, ndu latshina diʼutamba tshe wʼuyuyu.

Jeremiya 11:13

We Juda, uku eli efula kʼesumba anyu, mbeli efula ka ditemolatemola dianyu! Uku eli efula kʼesese wa la Jerusalema, mbakanyatshela engo kene ka sonyi diakelu, diakelu dia ntshumbela Bala malashi.

Jeremiya 11:17

Latuyalaka Kanga lulimbilimbi lakakune, ambuketele elanyelu, ne dia kolo ka khumbu ka Isariyele la khumbu ka Juda, kakawatshi dia mbutsha kele lamʼakawatshumbela Bala malashi.

Jeremiya 2:28

Lendʼeli ditemolatemola dianyu, diakanyayatshela? Diemali, naka dio mbeyaka nyushimbela lu etena ka pa! We Juda, uku eli efula kʼesumba anyu, Mbeli efula ka ditemolatemola dianyu.

Hosea 12:11

Naka kolo keko la Ngiliyade, mete, vo wayulanyema. Naka vo watulambulaka esongo wa ngombe la Ngilingala, Ndu diakelu diawo diayuyala Uku atuta wʼave lʼeshidi wʼemunda lu dikamto.

Hosea 12:8

Efarayima akati ati: Mete, dimi laya kanga ongonyi, Lambuhumo lukulu lʼolo. Keli ekundji andi tshe haweyi mbedima la nnungu wa kolo yandi.

Hosea 13:15

Kuyanga Efarayima ambuluwana latei wʼanangu, Lopepe lʼuma lʼehutwelu ka unya layuya, Lopepe la Latuyalaka layopepa uma lʼusui wa shenga. Eteko kawo kayuma, la ushima awo wayuma tu Lo layulanya waumbelu wa diango tshe, diʼushinga a wulu.

Hosea 13:2

Kakiane vo wambotekoya nisha kolo, Wambuyatshela difanelu dia lolelola la fesa yawo, Dikishi diʼuma lu tumba tawo. Dio tshe diaki ulimu wʼetshudi wa tokomba. Vo wakati vati: Nyudilambuli elambu. Antu watonanaka la ditanelu dia ngombe!

Hosea 13:6

Keli lamʼakawayutana mbu ya nde, vo wakaluti; Vo wakayala la utaku, wakanseke.

Hosea 2:10

Kakiane dimi lutsha nkenenadia sonyi kandi Lu ashu wʼeseka andi, Ku nduku layeya mbutshungula uma lʼanya ami.

Hosea 2:8

Ndi kumbeya ntu ati: Dimi kakawusha epunga, ashi wʼelua la iso. Dimi lakawusha fesa la paunyi efula, Yakawatshaka la yo ulimu wa Bala.

Hosea 3:4

Asi Isariyele wayutshikala edja aha la khumʼekanga, aha la uwandji, aha la ulambu, aha la kimeta, aha la ukutu wa nemo, kuyanga la loyembo lʼaloho “uluwanyi”.

Hosea 4:7

Uku akawafulanela, mbakawantshaka kolo efula. Dimi layukadimula lutumbu lawo sonyi.

Hosea 8:11

Efarayima akafudia diakelu dia ntsha kolo; Diakelu diako diatasukuyaka dia ntsha kolo.

Hosea 8:4

Vo wakayadjela khumi ya dikanga, keli aha uma lu diui diami Wakayasonwela ewandji, keli aha uma lu lulangu lami. Vo wakayatshela dikishi la fesa yawo la paunyi yawo, Diako mbayuwushila ushiki.

Akambu wʼAsi Lewi 26:1

Tanyuyatshelaki dikishi, tanyuyaemelaki efanelu ka losela kana luhingu, ndu tanyuyakitshiyaki nduku efanelu ka dive lu kete yanyu, dia nyu dikusela adui; ne dia dimi Latuyalaka, Unyashungu anyu.

Nahuma 2:2

(Ne dia Latuyalaka ambulula lutumbu la Jakoba, Uku lutumbu la Isariyele, Ne dia apotodi wakahotola, wakalanya tahi yawo.)

2 Koreto 5:16

Okone umaka kakiane, shu hateyi untu lu wuhu wa dimba, uku akateji Kristu lu wuhu wa dimba, shu hatuweyi osoku ntu.

Filipi 2:21

Ne dia vo tshe watuyangaka akambu awo, aha akambu wa Jesu Kristu.