Hosea 1:7 - La Bible en Otetela (Bible K'Ekila) 1991

⁷ Keli dimi layuka khumbu ka Juda ketshi. Dimi layashimbela la wulu ami, dimi Latuyalaka, Unyashungu awo. Dimi ha-luwashimbela la uta, yombo, ata, falasa, kuyanga la ambahemi wa falasa.

Hosea 1:7 Iomraidhean Croise

2 Khumi ya Dikanga 19:29

Dikambu ne diayuyala djimbitelu le ye. Lʼeleku kene, nyu nyayolekaka diango diatutumbaka diame, ndu lʼeleku kʼuyuyu pupu, ku lʼeleku ka satu kanyune, kanyune; kanyune ekodi wa vinyo, kanyolekaki elua awo.

2 Khumi ya Dikanga 19:34

Dimi layulama usumba one, layushimbela lu dikambu diami ndu lu dikambu diʼukambi ami Davidi.

2 Khumi ya Dikanga 19:35

Ku lʼutshu, ondjelo a Latuyalaka akatumbi, akadiaki asi Asuriya nunu lukama la akumi enanei la tanu lu pangu. Lamʼaketo antu kʼolomo la pindju, wayendi ku antu ako tshe wakayadi edu etu.

2 Khumi ya Dikanga 6:18

Lamʼakahulo asi Suriya uya le Elisha, ndi akalombe Latuyalaka ati: Ete wudja one tutshungu. Ku ndi akawaete tutshungu uku dombelo dia Elisha.

Esambu 33:16

Khumʼekanga heyi nshimbamela ne dia ului andi a wuki wʼalimbi, Onembishi heyi ntshungwama ne dia wulu wʼotekoya.

Esambu 44:7

We kakatushimbela uma le atunyi asu, Kakafutanya wane watutuhetshaka.

Etumbelu 14:13

Mose akakaluya wudja diui ati: Tanyukaki woma. Nyutshikali ki lane, nyendi panda ka Latuyalaka kayangandi nyutshela elo. Ne dia asi Edjibitu aku wenanyu elo, hanyuwaena ntu pundju.

Etumbelu 14:30

Osoku mbakashimbela Latuyalaka Isariyele uma lʼanya wʼasi Edjibitu. Isariyele wakenyi edu wʼasi Edjibitu lʼumamu wʼuduwa.

Isaya 12:2

Enda, Unyashungu keli panda kami. Dimi layuwekama, handjuka woma, ne dia Latuyalaka, Ee, Latuyalaka keli wulu ami la usambu ami. Ndi kakayala panda kami.

Isaya 30:18

Okone Latuyalaka atulangaka nyuhumuya lukulu lʼolo, Ndu atukumbulaka nyuka ketshi, Ne dia Latuyalaka keli Unyashungu a sambu kʼololo. Waku tshe watulungamelaka le ndi weli la otshoko,

Isaya 49:6

Kakiane ndi ambuta ati: Eko dikambu dia tshitshe dia we ndjala ukambi ami, Dia mbulula wedja wa Jakoba, La dia nkaluya atshikadi wa Isariyele. Kakiane dimi lambukete usasi le asi wedja, Dia we nkumia panda kami lu kuma ya la kete.

Isaya 7:14

Okone Khumadiondjo ndame ayunyu-sha djimbitelu. Enda, usekaseka a umuntu ayutsho diemi, ayuta ona pami, ayuwole lukumbu ati: Emanuele (kitshimudi ati: Unyashungu eko la su.)

Jeremiya 25:5

Nyukaluli nyu tshe untu lʼuntu uma lu mbuka kandi ka kolo, ndu uma lu kolo kʼetsha anyu. Nyudjase lu kete yakanyusha Latuyalaka, nyu la washenyu, uma lu nshi yʼedjedja edja ndu pundju.

Jeremiya 25:6

Tanyuyelaki ditemolatemola dia ditemola la dikhusamela. Tanyumbukiaki yenyi la ditemolatemola diakanyatshi lʼanya anyu, ku dimi halunyutshela nduku kolo.

Jeremiya 33:26

keti dimi layukadja tukanula ta Jakoba, la tʼukambi ami Davidi, diaha dimi mbosa tukanula tandi dia vo ndjala embuledi wa tukanula tʼAbarahama, Isaka, la Jakoba. Dimi layuwakaluya ekundji awo, layauka ketshi, mbata Latuyalaka.

Hosea 1:8

Lamʼakandakidia Lahukama ketshi awele, ndi akatshu diemi ntu, akuti ona pami.

Hosea 11:12

Efarayima atunyingaka la kashi, Ku khumbu ka Isariyele la lukesu. Keli Juda ambeyama le Unyashungu; Ndi eko la kolamelu lʼEkila.

Zekariya 4:6

Ku ndi akamvutela ati: Uku eli diui dia Latuyalaka le Zerubabele ati Aha uma lu wulu wa ta, kana uma lu khudu, keli uma le Nyuma kami, mbata Latuyalaka Kanga lulimbilimbi.

1 Samuele 17:47

Ku ului one tshe wʼantu wayeya vati: Aha la yombo kana la dikonga, mbatushimbelaka Latuyalaka antu, ne dia ta ne dieli dia Latuyalaka. Ndi ayunyukimo lu anya asu.