Filipi 4:3 - La Bible en Otetela (Bible K'Ekila) 1991

³ Dimi lambukosengasenga ndu we, unyami ukambi a mete, dia we nkimanyia amantu ane, ne dia vo wakakambi la mi ulimu a lukumu lʼololo, ndu Kelemete, ndu akina anyami ekambi, weli la kumbu yawo lu buku dia lumu.

Filipi 4:3 Iomraidhean Croise

Esambu 69:28

Dimulawo kumbu uma lu buku dia wasena, Ndu tawufundamaki kame lʼantu wʼololo.

Etumbelu 32:32

Keli kakiane, naka we ayulanga nyimanyia kolo kawo; ndu naka kema, dimi lambukosengasenga nti: Unyimuli uma lu buku diaye diakayafundi.

Isaya 4:3

Okone atshikadi wa lu Siona, la wa lu Jerusalema, wayetama vati: Ekilami, untu lʼuntu lambufundama lʼatei a wasena wa lu Jerusalema,

Ezekiyele 13:9

Lunya lami layolo la amvutshi watenaka waenelo wa lukesu, ndu watusakaka awulu usakasaka. Vo hawuyala lʼatei wa wudja ami. Kumbu yawo hayufundama lu buku dia khumbu ka Isariyele, ndu vo hawoto lu kete ya Isariyele. Ku nyu nyayeya nyati: Dimi keli Khumadiondjo Latuyalaka.

Danyele 12:1

Lu Uena keso Mikaele, uwandji a wuki, ulami wʼasi wudja aye, ayunela. Pa kayuyala lʼetena kako, wuhu wahatayala lu wudja edja ndu etena kako. Keli lʼetena keso, asi wudja aye tshe, wufundami numbu lu buku, wayushimbamela.

Luka 10:20

Keli tanyongenangenaki ne dia edienge wambunyukela, nyongenengene ne dia kumbu yanyu yambufundama lʼulungu.

Romo 12:1

Anyasu, dimi lambunyosengasenga uma lʼakambu wa ketshi wa Unyashungu nti: Nyulambuli alimba anyu uku ulambu wa lumu, la wʼekila, la wa ngenyangenya Unyashungu. Wuhu oso mbukukinyu ntsha.

Romo 16:12

Nyumbishiya Turufina la Turufosa, watukambaka ulimu lu dikambu dia Khumadiondjo, moyo. Moyo ndu le Perisi, ulangimi lakakambi ulimu efula lu dikambu dia Khumadiondjo.

Romo 16:9

Nyumbishiya Urubano, unyasu ukambi lu Kristu, la ulangimi ami Staku, moyo.

Filipi 1:12

Anyasu, dimi nangaka nyu mbeya nyati: Akambu wakayala le mi, wakayala dia nfudia lukumu lʼololo.

Filipi 1:16

Amotshi watusambishaka la ngandji. Vo mbeyaka vati: Wakankitsha dia mangunela lukumu lʼololo.

Filipi 1:27

Dikambu otoi, wuhu anyu wa lumu wasungani la lukumu lʼololo la Kristu. Okone kuyanga dimi layuya dia ndjunyenda, kuyanga handji, dimi nangaka mbuka okone wenyu, ati: Nyu nyambushikikala lu Nyuma otoi, la utema otoi; nyambutetemala lu mbetawo ka lukumu lʼololo.

Filipi 1:5

ne dia ekimanyelu kanyu ka mbudia lukumu lʼololo uma lu lushi la ntundu edja ndu kakiane.

Filipi 1:7

Eko ololo le mi, dia dimi nyukanela nyu tshe osoku, ne dia nyu nyeko lʼutema ami. Okone, ndu lu kanu yami ndu lu angunelu la eshikikadielu ka lukumu lʼololo, nyu tshe nyeko elungudi wa ngandji ka mamba kame la mi.

Filipi 4:2

Dimi lambulaka Ewadiya la Sutuke, vo wayali la utema otoi le Khumadiondjo.

Kolosai 1:7

uku akanyeki uma le Epafara, unyasu ukambi wa ngandji, leli ukambi a Kristu a kolamelu dia dikambu diasu,

Enyelo 13:8

Ku wa la kete tshe waha la kumbu yawo yufundami lu buku dia lumu dia Ona-Okoko, lakadiakema lʼetatelu ka kete, wayotemola nyama kako.

Enyelo 17:8

Nyama kakayenyi kakiko, kemako. To kaya ka ntumba uma lu difuku diaha la ekumelu, dia to ntsho lʼelanyelu. Wa la kete waha la kumbu yawo yufundami lu buku dia lumu umaka etatelu ka kete, wayamba lamʼenawo nyama, uku akiko, la kemako, ndu kaya ka ndja.

Enyelo 20:12

Ku dimi lakenyi antu wakavu, wa waki ndu wa tshitshe, wemadi la ntundu ka kiti ka diulelu; wakafula abuku. Ku wakafula buku dikina, diaki buku dia lumu. Wakalumbuya antu wakavu uma lʼakambu wakafundama lu abuku, uku waki etsha awo.

Enyelo 20:15

Naka komena lukumbu lʼuntu lufundami lu buku dia lumu, keti wakawukadja lʼeduwa ka dja.

Enyelo 21:27

Engo kʼanyanya, kuyanga utshi wʼakambu wa kolo, kuyanga kanga kashi, hoto loko! Keli paka wane wufundami lu buku dia lumu dia Ona-Okoko!

Enyelo 3:5

Okone one laleka akambu wa kolo wulu, ayolotshama ahondo a wema. Dimi haludimula lukumbu landi uma lu mukanda a lumu, keli layushula lukumbu landi lu ashu wa Papa, ndu wa andjelo andi.