Filipi 4:12 - La Bible en Otetela (Bible K'Ekila) 1991

¹² Dimi mbeyaka wuhu wa nkitshakitshama, ndu wuhu wa ndjala la efula. Lu wehu tshe ndu lu akambu tshe, dimi lakeki wuhu wa nduta ndu wuhu wa mbuka ndjala: wuhu wa ndjala la efula, ndu ndjala la uhumba.

Filipi 4:12 Iomraidhean Croise

Nehemiya 9:20

We akatumela Nyuma kaye kʼOlolo dia ndjuwaetshaka; we kumbadima mana yaye dia vo nde akawa shaka ashi wa munduya pusa.

Isaya 8:11

Okone Latuyalaka akamvutela la diui dia wulu, akambetsha diaha dimi nkendakenda lu mbuka ka wudja one.

Jeremiya 31:19

Mete, lamʼakamakadimo, dimi lakaleli kolo yami. Lamʼakamalimbitela munga yami, Dimi lakayakomola lu ehelohelo kami. Dimi lakuki sonyi, lakalombo, Ne dia lakembe wutshu wa dionyo wa nshi yʼolongo a pami.

Mateu 11:29

Nyembe lokoho lami, nyeki akambu uma le mi. Ne dia dimi la memakana la ndjakitshakitsha lʼutema, ku nyu nyayutana mumuya lʼetema anyu,

Mateu 13:52

Ku ndi akawatela ati: Okone ufundiji tshe lakawetsha dia ndjala umbeki a diulelu dia lʼulungu, eko uku kanga luudu, latutundjaka diango diʼeyuyu la diango diʼedjedja uma lu eumbelu kandi.

2 Koreto 10:1

Dimi Paulu lambunyosengasenga dia memakana la kenemo ka Kristu — dimʼako lukitshikitshi la ntundu kanyu lamʼemi la nyu, keli amakina dimi ndjalaka la di anga lu dikambu dianyu! —

2 Koreto 10:10

Ne dia vo mvutaka vati: Mikanda andi weko wutshu la wulu, keli eyelu kandi lʼutundu, eko wodu; la diui diandi dieko anyanya.

2 Koreto 11:27

Lu asui la akambu wa pa, lu esenaki tena efula, la ndjala la pusa, lu dikilelu dia mbu ya nde tena efula, lu tshitshi la utakataka.

2 Koreto 11:7

Undi, dimi lakatshi kolo lamʼakama-yakitshakitsha dia nyu mbediama, ne dia lakanyusambisha lukumu lʼololo la Unyashungu usambishasambisha?

2 Koreto 11:9

Lamʼakimi la nyu, lamʼakamahumbi, dimi taki la wutshu le untu. Ne dia lamʼakayi anyasu uma la Makedoniya, vo wakakutsha yediko yʼuhumba ami. Dimi lakayashikike nti: Dimi latukuyala wutshu le nyu lu akambu tshe, ku dimi layuyashikike wuhu ako ntu.

Euhwelu kʼElembe 32:10

Ndi akutani lʼusui wa shenga, Ndu lʼusui wa shenga weli la adikitu a woma. Ndi akudingi, akawumbi ololo, Akulami uku onʼa su.