Filipi 3:19 - La Bible en Otetela (Bible K'Ekila) 1991

¹⁹ Ekumelu kawo eko elanyelu, etemolatemola kawo eli dikundju. Vo watuyatumbulaka lu akambu wa sonyi yawo, watukanaka akambu wa la kete.

Filipi 3:19 Iomraidhean Croise

Esambu 17:14

Latuyalaka li, untshunguli la lunya laye uma le antu wa kete nye. Vo weko la etenyi kawo lu lumu lone. Uludia akundju awo lʼekundji aye, Anʼawo waluti, Watshikeli ekanʼawo.

Esambu 52:1

We kanga khudu ukundi atuyuyasemaka lu munga kakayatshela untu ololo? Nshi tshe mbatuyusanguyaka elanyelu.

Jeremiya 44:17

Keli shu tayutshaka akambu tshe uku wutshisu dia ntshumbela khumʼekanga ka umuntu ka lʼulungu malashi, la dia mbulambulaka elambu wa lutela, uku akatatshaka, shu la washesu, khumi ya dikanga yasu la ewandji asu lu esumba wa Juda ndu lu tushinga ta Jerusalema, ne dia lu nshi sho, shu takayalaka la mbu ya nde efula, takenaka olo, kumpumoka nduku lukulu lʼengeno.

Ezekiyele 13:19

Nyu nyakamonyola lʼatei a wudja ami dia nkundja awambu wʼepunga la etenyi ka ma, dia ndjala antu wahahumbi mvo la nshimbamela antu wahahumbi numba, uma lu aui watunyutelaka wudja ami, watulungaka aui wa kashi.

Ezekiyele 34:3

Nyu nyatolekaka wata awo, nyatolotaka ahondo wa diosa diawo, nyatudiakaka ene weli la wata, keli nyu hanyutuweleshaka.

Hosea 4:7

Uku akawafulanela, mbakawantshaka kolo efula. Dimi layukadimula lutumbu lawo sonyi.

Mika 3:11

Nyu ete wa Jerusalema nyatulumbuyaka Dia nkundja mbu yʼutshu. Nyu elombedi weli loko, Nyu nyatetshaka ne dia nkundja difutu. Nyatulimbitshiyaka akambu wa Unyashungu dia nkundja falanga. Keli nyu nyatekamaka le Latuyalaka, Nyata nyati: Undi, Latuyalaka kema lʼatei asu? Nduku elanyelu kayuya le su.

Mika 3:5

Latuyalaka kata okone lu dikambu dianyu, Nyu amvutshi watunganyiaka wudja ami, Lamʼatunyolekaka ma, nyu nyatuhangohangoka nyati: Ki! Keli le waku wahatudjaka nduku engo lʼenyo awo, Nyu nyatuyalongosolaka dia ndo la wo ta.

Malaki 1:12

Keli nyu nyatululanyaka lamʼatunyutaka nyati: Mesa wa Latuyalaka wambusana: elua weli loko, ma diawo, diambonywama.

Mateu 16:23

Keli ndi akasikiso, akatela Petero ati: Satana, utshimbi lʼokongo ami! Utamba a ntakanyami mbeye, ne dia we kema lu leke la Unyashungu paka lu leke lʼantu.

Mateu 25:41

Ku ndi ayutela wane wa lu lunya landi la lomoso ati: Nyumanganeli, nyu ambidjami mananu! Nyutshu lu dja ya pundju, yakawahetshiya uhimbanyi la andjelo andi,

Luka 12:19

Ku layutela utema ami nti: Utema, we la diango efula diumbami dia deku efula. Ukaki olo, olekaki, onokaki, ongenangenaki.

Luka 16:19

Kanga ongonyi omotshi akalotaka ahondo wa linene wa tilili wʼamena. Ndi akangenangenaka la lushi la lushi la ufunu.

Luka 18:4

Nshi motshi, ndi kunanga. Keli lʼokongo diku, ndi akati lʼutema andi ati: Kuyanga dimi haluki Unyashungu woma, ndu halalemia untu,

Romo 16:18

Antu wa wuhu oso, hawutukambelaka Khumesu Kristu ulimu, keli vo watukambelaka saki yawo hita. Vo watukesaka etema a waku waha la tumba la aui wa mpe, la wa diandu.

Romo 6:21

Lʼetena keso, waho akona wakanyakundja uma lu akambu wa kolo wukanyu sonyi elo? Ne dia ekumelu kʼakambu aso eko nyoi.

1 Koreto 3:3

ne dia nyu nyeki lʼakambu wa dimba. Ne dia kandjema la tamu weki lʼatei myu, nyu kema wa lu alimba, hanyuyeli ditshelu diʼantu uka?

1 Koreto 5:2

Nyu nyambutakula! Nyu kuningalinga, kunanga minya untu lakatshi dikambu so lʼatei anyu.

1 Koreto 5:6

Ndjatumbula kanyu kema ololo. Nyu hanyeyi nyati: Edya ka tshitshe mvudiaka ukama a ma tshe?

2 Koreto 11:12

Keli akambu watumutshaka, layuwatshaka, ne dia minya dikambu dia ndjatumbula uma le wane walanga dikambu dia ndjatumbula. Ne dia lu akambu wa ndjatumbula, vo wayali uku shu.

2 Koreto 11:15

Okone kema dikambu dia wuki dia ndu ekambi andi nkadimo uku ekambi wʼakambu wʼololo. Ekumelu kawo kayuyala uku etsha awo.

Ngalatiya 6:13

Ne dia ndu ambahemi wʼehekeli vame hawukitanyia elembe, keli vo nangaka nyahemia ehekeli, dia vo ndjatumbula lu alimba anyu.

Filipi 2:21

Ne dia vo tshe watuyangaka akambu awo, aha akambu wa Jesu Kristu.

Kolosai 3:2

Nyukani yimba ya diango dia lʼulungu, aha dia la kete.

2 Tesalonika 1:9

Vo wayusuwa, wayunyema pundju uma lʼelundji ka Khumadiondjo la uma lu lutumbu la wulu andi

2 Tesalonika 2:12

dia vo tshe waki kumbetawo akambu wa mete, keli wakangenangena lu akambu wa kolo, walumbuyami.

2 Tesalonika 2:8

Ku kanga uhedia ayenyama, ayudiakemi le Khumadiondjo Jesu la luwi lʼuma lʼunyo anai. Ndi ayuwete uku anyanya lʼeyelu kandi.

1 Timote 6:5

ndu ditsha-nelu diʼantu wambulanyema lu yimba, waha la akambu wa mete, watukaraxa vati: Olemielo a Unyashungu eko eku-ndjelu ka waho.

2 Timote 3:4

Vo wayuyala afungi, akanga a puki, akanga a ndjambiya, anangi wa engenongeno, wuleki wa Unyashungu.

Jakoba 4:16

Keli kakiane, nyu nyambutakula lu ndjatumbula kanyu. Utaku one tshe, eko kolo.

2 Petero 2:1

Keli amvutshi wa kashi wakatumbi lʼatei wʼantu, uku embetsha wa kashi wukuyala lʼatei anyu, wayuya la akambu wa tamu wʼelanyelu lu usheshe. Vo wayanguna ndu Khumadiondjo lakatshungula, wayulanyema esadi.

2 Petero 2:13

wayusuwa uku difutu diʼakambu wa kolo awo. Antu ako watalaka engenongeno awo, dia vo ntsha akambu awo wa kolo lu yanyi, weli uku awadi la fu. Vo watolaka la kesu yawo lamʼalewo la nyu alambu.

2 Petero 2:3

Ne dia okomiya mbayuwengonya la nyu ushinga la aui wa nyimbiya. Dianyelu diawo diakawanyema edjedja, hatshimbatshimba; elanyelu kawo hetama djo.

Jude 1:10

Keli wane watotengaka akambu wahaweyi, vo wambulanyema lu akambu weyawo vame, uku nyama yaha la tumba.

Jude 1:16

Antu ane watungunangunaka, watukiyanaka, watuyelaka saki yawo, watoteketaka aui wa wulu lʼenyo awo, watandulaka antu dia nkundja waho.

Jude 1:4

Ne dia eko antu amotshi wamboto le nyu lu usheshe, antu ako waki la akambu awo, wakatatela nfundama edjedja dia manyema la dianyelu ne. Vo weko akanga a dionyo; wambuhilula ngandji ka mamba ka Unyashungu asu uku akambu wa kolo, wambanguna Uwandji asu wame, Khumadiondjo Jesu Kristu.

Enyelo 18:7

Uku akandayatumbula, ndu uku akandayaenya olo, Wawusha wuki wa asui la delu wuhu ako, Ne dia to kakati lʼutema ato ati: Dimi lambudjase uku wadi a khumʼekanga. Dimi kema wadi aki udu; Dimi halena utanda edja ndu pundju.

Enyelo 19:20

Wakandi nyama kako, ndu umvutshi ato a kashi watutshaka tulimbitelu lu ashu ato, takandakesaka antu wakose djimbitelu ya nyama kako la wakatemolaka efanelu kato, wakawadji vo ahendi esenyu lʼeduwa ka dja yaheta la mboko ya dja.

Enyelo 21:8

Keli akanga a woma, ndu waha la mbetawo, ndu wa kolo, ndu andjakanyi, ndu akanga a munanyi, ndu akanga wʼaloka, ndu atemodi wa dikishi, ndu akanga a kashi tshe, sangu diawo diayuyala lʼeduwa ka dja la mboko ya dja. Nyoi ka hendi keso.

Enyelo 22:15

Lʼandja wʼusumba keli fo, la akanga wʼaloka, la amunanyi, la andjakanyi, la atemodi wa dikishi, la One tshe latulangaka ndu latutaka kashi.

1 Samuele 2:29

Okoko wana watunyulanyaka elambu ami la eshasha ami, wakamadjanga dia vo nambulaka lu luudu lami? Uma lendi ambuya etshelu kene ka we nemiaka anʼaye uleki dimi, dia nyu nuna la elambu tshe wa wudja ami wa Isariyele?