Filipi 3:18 - La Bible en Otetela (Bible K'Ekila) 1991

¹⁸ ne dia efula watokendakendaka uku akamanyutela tena efula. Ku kakiane dimi lambunyutela la asoi lu ashu nti: Vo weko atunyi wa utamba a mpeketanya wa Kristu.

Filipi 3:18 Iomraidhean Croise

Esambu 119:136

Asoi watokelaka uku akeledu wʼashi uma lʼashu ami, Ne dia antu ako hawukitanyia elembe aye.

Isaya 8:11

Okone Latuyalaka akamvutela la diui dia wulu, akambetsha diaha dimi nkendakenda lu mbuka ka wudja one.

Jeremiya 13:17

Keli na ka nyu hanyulanga mbuka, Utema ami ayulela lʼusheshe dikambu diʼutaku anyu. Dimi layulela wulu, layokedia asoi, Ne dia ekoko wa Latuyalaka wambotolama lu fumbi.

Jeremiya 9:1

Utunduyala ote ami waluli too lʼashi, La ashu ami wayali teko diʼasoi, Tshiki dimi lutulelaka andjakemi wʼona umuntu a wudja ami Ndu la yanyi ndu lʼutshu.

Danyele 4:37

Kakiane dimi, Nebukadineza, lambandula, lambutumbula ndu lambolemia khumʼekanga ka lʼulungu, ne dia elimu andi tshe weko ololo, la mbuka yandi yeko esimboki. Ndi mbeyaka nkitshakitsha waku watokendakendaka la utaku.

Akambu wʼAsi Lewi 11:16

teki, esukula, diwata diʼashi la djela la wehu ayo tshe;

Akambu wʼAsi Lewi 13:8

Olombedi ayûshishima, ku naka diwadi diambulalo lu dimba ku olombedi ayuta ati: Ndi aya mindu, kandji ka sudi keto.

Luka 19:41

Lamʼakasukana Jesu, ndi akenyi usumba, akulelela.

Etsha wa Atumami 20:19

Dimi lakatshelaka Khumadiondjo ulimu la ndjakitshakitsha, la asoi lu ashu, ndu lʼehimba wakayi le mi, ne dia tuseki tʼasi Juda.

Romo 9:2

Dimi la lokonyo la wuki, ndu lunyangu lahashili lʼutema ami,

1 Koreto 1:18

Ne dia diui dia utamba a mpeketanya dieli dikambu diʼenginya le wane wakashisho, keli le su, shu wane wakashimbamela, dio dieko wulu a Unyashungu.

1 Koreto 6:9

Nyu hanyeyi nyati: Antu wa kolo hawukiti diulelu dia Unyashungu? Tanyuyadimbiyaki: atshi wʼakambu wa sonyi, kuyanga atemodi wa dikishi, kuyanga amunanyi, kuyanga akanga a nende, kuyanga atshi wʼakambu wa sonyi la apami,

2 Koreto 11:13

Ne dia antu aku weli atumami wa kashi, ekambi wa lukesu, wambuyakadimula uku atumami wa Kristu.

2 Koreto 11:29

Akona eli wodu, ku dimi hayala la ndi wodu? Akona ambutakanyema, ku dimi halutshama sonyi?

2 Koreto 2:4

Ne dia uma lʼokei efula la ulingulingu lʼutema, mbakamanyufundela mukanda la asoi efula lu ashu. Aha ne dia nyunyangia, keli dia nyu mbeya ngandji kami kʼutamanya le nyu.

Ngalatiya 1:7

laha lukumu lʼololo lukina. Keli antu amotshi weko, wanyohenyahenya, walanga mingisula lukumu lʼololo la Kristu.

Ngalatiya 2:14

Keli lamʼakamenyi nti: Vo hawusimbo lu mbuka ka mete ka lukumu lʼololo, dimi lakatela Kefasi la ntundu kawo vo tshe nti: Naka we leli usi Juda, ndjalaka uku asi wedja, aha uku usi Juda, ukundi atshutshiyaye asi wedja dia vo ndjala uku asi Juda?

Ngalatiya 2:21

Dimi halonyola ngandji ka mamba ka Unyashungu; ne dia naka akambu wʼololo wambuya uma lʼelembe, keti Kristu akavu uvovo.

Ngalatiya 5:21

okomiya, edjwelu ka wanu, engenongeno wa kolo, la akambu wa wuhu uku. Akambu aso mbanyewulami, uku akamanyewula ntundu nti: Wane watutshaka akambu aso, hawukiti diulelu dia Unyashungu.

Ngalatiya 6:12

Waku walanga menama ololo lu dimba, wambunyutshutshiya dia nyu mbahema ehekeli, ne dia vo watukusuyama lu dimba dikambu dia utamba a mpeketanya a Kristu.

Ngalatiya 6:14

Keli dikambu dia ndjatumbula, dieko etali uma le mi, paka lu utamba a mpeketanya wa Khumesu Jesu Kristu, wakandjakela akambu wa la kete, la dimi lakadiakema uma lu akambu wa la kete,

Efeso 4:17

Dimi lambuta diui ne okone, ndu lambunyenya le Khumadiondjo nti: lanyutshaki ntu uku atutshaka asi wedja, lu tunginyanginya ta tumba tawo.

Filipi 1:4

Lu alombelo ami tshe watumunyolombelaka tena tshe, dimi latolombaka la ongenongeno,

1 Tesalonika 4:6

dia untu tanganelaki, la tatshelaki unyandi kolo lu dikambu ne: ne dia Khumadiondjo eko osomboyishi lu akambu ane tshe, uku akatanyewula, ndu akatanyutela ntundu.

2 Tesalonika 3:11

Ne dia shu tambuka lukumu ati: Akanga a nende weko lʼatei anyu, wahakambi nduku djimulimu, keli weko la saku lu akambu wa kana.

2 Petero 2:10

Keli ndi ambuleka ntshela antu watokendakendaka lu saki yʼakambu wa kolo wa dimba, la watonyolaka waulelu osoku. Vo weko la etema wa wulu, weko la lunyu, hawudidima lamʼatengawo akambu wa lutumbu.

Jude 1:13

Vo weko uku asukhu wʼashi a wuki, watutumbaka lufulu la sonyi yawo. Vo weko uku toto teteta lʼulungu, takawakitshiya udjima a tshududu pundju.