Filipi 3:1 - La Bible en Otetela (Bible K'Ekila) 1991

¹ Anyasu, diui diami dia ndjihelu ne nti: Nyongenengene le Khumadiondjo. Dikambu dia nyufundela akambu pupu, hadiumpekuya, keli dio diambunyukimanyia.

Filipi 3:1 Iomraidhean Croise

1 Ekondo 15:28

Okone Isariyele tshe wakela oshete wa sheki wa Latuyalaka, wayadji aelu wʼongenongeno, wayadi pungi la amama, wayahumi ekokoloko, wayahelenganya akembi la sese.

1 Ekondo 16:10

Nyuyatumbuli lu lukumbu landi lʼekila! Etema a wane watuyangaka Latuyalaka wangenengene!

1 Ekondo 29:22

Vo wakali, wakano lushi lako la ntundu ka Latuyalaka lʼongenongeno a wuki. Vo wakadji Solomona, onʼa Davidi, khumʼekanga etena ka hendi, wakukiti iso dia ndjala uwandji wa Latuyalaka, ndu Zadoka, dia ndi ndjala olombedi.

Nehemiya 8:10

Ndi akawatela ati: Nyutshu, nyutuli unatshi weli la wata, nyutono dinono dia pe. Nyutumeli wane waki konongosola nduku engo etenyi, ne dia lushi lʼelo leli ekila le Khumesu. Tanyunyangaki ne dia ongenongeno wa Latuyalaka eli wulu anyu.

Jobo 22:26

Ku we ayongenangena le Kanga-Wulu-Tshe, Ayedia elundji kaye utsha le Unyashungu,

Esambu 149:2

Isariyele angenengenele one lakutungi! Ana wa Siona watamanya ngenangena ne dia khumʼekanga kawo!

Esambu 32:11

Nyongenangenaki le Latuyalaka, nyuyali la ongenongeno utamanya nyu antu wʼololo. Nyuhangohango lʼongenongeno nyu tshe akanga wʼetema wʼusimbwi.

Esambu 33:1

Nyongenangenaki le Latuyalaka, nyu antu wʼusimbwi! Diandu nsunganaka uma le untu lʼuluwanyi.

Esambu 37:4

Ndu ongenangenaki le Latuyalaka, Ku ndi ayukusha kene kalanga utema aye.

Esambu 42:4

Lamʼakenenemi utema, dimi lambuho akambu ane: Uku akamatatshokaka kame la ului a wuki wʼantu, Uku akamatalombolaka utsha lu luudu la Unyashungu La waelu wʼongenongeno ndu la esambu wa eukelu ka lusaka, Ului a wuki wʼantu wale dambu dia lushi la wuki.

Esambu 5:11

Keli wane tshe watukekamaka, wangenegene, Walimbolimbo lʼongenongeno pundju, ne dia we atalamaka; Wane watukaka lukumbu laye ngandji, wanenengene.

Esambu 97:1

Latuyalaka kuledi; kete yangenengene, Elui wʼantu watudjaseka lu asenga wayali la ongenongeno!

Isaya 41:16

We ayafufula, ku lopepe layuwaemba; La punganendji kayadianganya. Ku we ayongenangenela Latuyalaka! Ayuyatumbula lu dikambu dia lʼEkila lʼlsariyele.

Isaya 61:10

Dimi layongenangena le Latuyalaka. Utema ami ayutamanya ngenangena le Unyashungu ami, Ne dia ndi akandotsha ahondo wa panda kandi. Ndi akankumbi koti dia sambu kʼololo, Uku ataheka utshuki a wadi dembo, Ndu uku atuyalengaka utshukami dengalenga diandi.

Isaya 65:14

Ekambi ami wayimba esambu la etema wʼongenongeno, Keli nyu nyayulela la etema wa lunyangu, Nyayukhuma akhumu la ukiyanu wa lʼetema anyu.

Joele 2:23

Ndu nyu asi Siona, nyongenengene, Nyongenengene utamanya le Latuyalaka, Unyashungu anyu, Ne dia ndi ayunyoloshiya mvula lʼetena kato. Ndi ayunyutumela mvula kʼalohoki, Ndu ka ndjihela uku nshi ya ntundu.

Zefaniya 3:14

We ona umuntu a Siona, imbi esambu! Isariyele, uhangohango! We onʼa umuntu a Jerusalema, uyali la ongenongeno! Utamanya ngenangena lʼutema aye tshe.

Zefaniya 3:17

Latuyalaka, Unyashungu aye, eko lʼatei aye, Ondoshi wʼata, latushanaka elembielo. Ndi ayongenangena utamanya lu dikambu dianye. Ndi ayukulula la ngandji kandi, Ayukongenangena utamanya imba esambu la diui dia wulu,

Zekariya 10:7

Ku wane wʼuma lʼEfarayima wayuyala uku ahuka a wulu. Etema awo wayuyala la ongenongeno Uku wane wudjwi wanu. Anʼawo wayena dikambu diako, ku vo wayongenangena. Etema awo wayongenangena otekoya le Latuyalaka.

Mateu 5:12

Nyongenengene nyutamanya ngenangena, ne dia difutu dianyu dieko efula lʼulungu, ne dia wakasuya amvutshi waki la ntundu kanyu wuhu ako.

Luka 1:47

Lumu lami lambongenangena le Unyashungu, Ushimbedi ami.

Romo 5:11

Aha dikambu so tu, keli shu tatongenangenaka le Unyashungu uma le Khumesu Jesu Kristu. Shu tambekesanela la Unyashungu uma le ndi.

2 Koreto 13:11

Lu ndjihelu, anyasu, moyo. Nyuyali ololo tshe; nyukikitshami; nyuyali la kanyi otoi; nyudjase ki. Ku Unyashungu a ngandji la ki ayuyala la nyu.

Efeso 6:10

Diui diʼekumelu ne nti: Nyukikitali le Khumadiondjo, ndu lu wulu wa wulu andi tshe.

Euhwelu kʼElembe 12:18

Keli kanyuyilekaki, nyu la anʼanyu wʼapami la anʼanyu wʼamantu, ekambi anyu wʼapami la ekambi anyu wʼamantu, ndu asi Lewi lʼatei wʼesumba anyu, la ntundu ka Latuyalaka, Unyashungu anyu, lu dihuli diayundosonola. Ku kanyongenengene la ntundu ka Latuyalaka, Unyashungu anyu, lu elimu tshe watunyutshaka lʼanya anyu.

Euhwelu kʼElembe 16:11

Nyu nyayongenangena, nyu la anʼanvu wʼapami la anʼanyu wʼamantu, ekambi anyu wʼapami la wʼamantu, asi Lewi weli lu esumba anyu, la angendangenda, ana a ditshiki la wadi waki edu weli lʼatei anyu, la ntundu ka Latuyalaka, Unyashungu anyu, lu dihuli diayundosonola dia nkitsha lukumbu landi leko.

Filipi 3:3

Shu teli ambahemi wʼehekeli, shu wane watotemolaka Unyashungu la Nyuma ka Unyashungu, la watuyatumbulaka lu dikambu dia Kristu Jesu, waha la elungamelu lʼalimba.

Filipi 4:4

Nyongenangenaki le Khumadiondjo tena tshe. Dimi lambunyutela ntu nti: Nyongenangenaki!

Filipi 4:8

Anyasu, diui diami dia ndjihelu ne nti: Akambu weli mete, akambu weli la kenemo, akambu wʼusimbwi, akambu weli pudipudi, akambu weli amena, akambu weli la lukumu lʼololo; naka dikambu diʼololo dieko, naka dikambu dia mandula dieko, nyukani dia akambu aso.

1 Tesalonika 4:1

Anyasu, diui diasu dia ndjihelu ne shati: Tambunyosengasenga ndu tambunyokokomiya le Khumadiondjo Jesu shati: Uku akatanyetsha lama nkendakenda, ndu lama ngenyangenya Unyashungu, uku watunyokendakendaka, dia nyu ntetemala nkendakenda wuhu ako,

1 Tesalonika 5:16

Nyongenangenaki nshi tshe;

Jakoba 1:2

Anyami, nyali ongenongeno tshe lamʼayunyutana wehu efula wʼehimba;

1 Petero 3:8

Diui dia ndjihelu ne, nti: Nyu tshe, nyuyali la utema otoi. Nyukani ketshi, nyukani ngandji uku untu lʼonangu. Nyuyali la etema wa memakana, nyuyakitshakitsha.

1 Petero 4:13

Keli nyongenengene, ne dia nyu nyambusuwa la Kristu, ne dia nyu mbeya ngenangena lʼongenongeno utamanya lʼenyelo ka lutumbu landi.

2 Petero 3:1

Elangimi ami, mukanda a hendi one wamumunyufundela kakiane. La lu ehendi kawo, dimi lambangasanya etema anyu wʼololo ne dia nyuhula.

1 Samuele 2:1

Hana akalombe ati: Utema ami ambongenangena le ye we Latuyalaka. We ambumeme lunya. Unyo ami ambudiho utsha la atunyi ami, Ne dia dimi lambongenangena lu ekimanyelu kaye.