Filipi 2:9 - La Bible en Otetela (Bible K'Ekila) 1991

⁹ Ndu uma lu dikambu so, Unyashungu akawumbiya otekoya, akawole lukumbu leli ladiku dia kumbu tshe;

Filipi 2:9 Iomraidhean Croise

Etatelu 3:15

Dimi layudja luhetshu lʼasaye la umuntu, ndu lʼasa tukanula taye la tukanula tandi. Ndi ayukokomolaka lʼote, ku we ayûlumataka lu etshindji.

Esambu 110:1

Latuyalaka akatela Khumemi Udjase lu lunya lami la pami, Edja ndu lamʼayumukitsha atunyi aye la tshina diʼakaka aye.

Esambu 110:5

Khumadiondjo ludjashi lu lunya laye la pami, Ayowediawedia khumi ya dikanga lu lushi la kele kandi.

Esambu 89:27

Dimi layuwete onʼenundu, Luleki khumi ya dikanga tshe ya la kete.

Esambu 91:14

Dimi layushimbela, ne dia ndi atumbukaka ngandji; Layuwumbiya, ne dia ndi ateyaka lukumbu lami.

Isaya 52:13

Enda, ukambi ami ayongona. Ndi ayumbuela, ayediama, ayumbiyama otekoya,

Isaya 53:12

Okone dimi layuwusha etenyi kandi pupu la antu a waki. Ku ndi ayukahana la antu a wulu diango dia dimbu, Ne dia ndi akakimo lumu landi lu nyoi, Akalema kame wʼantu wa kolo. Ndi akembela antu efula kolo yawo, Akateketela akanga wʼenungu.

Isaya 9:7

Diulelu diandi diayutahamanelaka, La ki kandi huyala lʼekumelu lu kiti ka Davidi, ndu lu diulelu diandi, Dia dishikike la dikikitsha uma lu akambu wʼusimbwi, Ndu uma lu sambu kʼololo, umaka kakiane edja ndu pundju Saki ka Latuyalaka Kanga lulimbilimbi kayutsha osoku.

Danyele 7:14

Wakawusha luwandji, lutumbu, La diulelu dia antu tshe, wedja, La antu wʼeteketa tshe ndjala lʼokongo andi. Luwandji landi, leli luwandji la pundju, lahashilaki. La diulelu diandi, hadiulanyemaki pundju.

Mateu 11:27

Papa ambunkimwela diango tshe. Nduku untu leya Ona, tshikima Shi; ndu nduku untu leya Shi, tshikima Ona. Ku Ona ayuwenya untu tshe lalangandi.

Mateu 28:18

Jesu akayi le wo, akawatela ati: Wakambisha wulu tshe ndu lʼulungu ndu la kete.

Luka 10:22

Papa ambukimwela diango tshe. Nduku untu leya Ona, tshikima Papa. Ndu nduku untu leya Papa, tshikima Ona, ku Ona ayuwenya untu tshe lalangandi.

Joani 13:3

Jesu akeyi ati: Papa ambukimo akambu tshe lʼanya ami, la dimi lambuya uma le Unyashungu, ndu layutsho le Unyashungu.

Joani 17:11

Dimi kema la la kete ntu, vo weko wa la kete, ku dimi luyayi le ye. Papa kʼEkila, ulami wane wakayambisha lu lukumbu laye, dia vo ndjala otoi uku wesu.

Joani 17:12

Lamʼakimi la wo, dimi lakalamaka lu lukumbu laye, lakayambisha. Dimi lakalamaka wane wakayambisha. Nduku otoi awo akashisho, tshikima ona eshishwelu, dia afundelu nshidiyama.

Joani 17:5

Kakiane, Papa, untumbuli la ntundu kaye la lutumbu laki la mi kame la ye ntundu andja watatungama.

Etsha wa Atumami 5:31

Unyashungu akawedia la lunya landi la pami, dia ndi ndjala Olombodi la Ushimbedi, dia mbisha asi Isariyele ekadimwelu kʼetema la edimanyelu ka kolo.

Efeso 1:10

dia ntukutshiya dikukelu diʼenonyi, ne dia nsanganya diango tshe le Kristu, ndu dia lʼulungu, ndu diango dia la kete.

Kolosai 1:18

Ote a dimba mbendi, dieli ekelizia. Ndi keli etatelu, keli enundu a wane wulo uma lu nyoi, dia ndi ndjala ladiku diʼakambu tshe.

2 Tesalonika 1:12

dia lukumbu la Khumesu Jesu ntumbwama lʼetema anyu; la dia nyu ntumbwama lʼutema andi, uku eli ngandji ka mamba ka Unyashungu asu la ka Khumadiondjo Jesu Kristu.

Heberu 1:4

akayala uku leli ladiku dia andjelo, ndu lukumbu lakandakundja ndeka kumbu yuwo ololo.

Heberu 1:9

We akalangi ololo, akahetsha kolo. Okone Unyashungu, Unyashungu aye, Akakukiti iso kʼongenongeno wuleki anyaye.

Heberu 12:2

Tendaki Jesu, utatedi la unduwanyi wa mbetawo kasu, one lakashikikala lʼasui wa utamba a mpeketanya ne dia ongenongeno wakakitshama la ntundu kandi. Ndi akonyola sonyi kawo, akatudjase lu lunya la pami la kiti ka diulelu ka Unyashungu.

Heberu 2:9

Keli shu menaka Jesu, one lakawaete lʼokongo wa andjelo yema, ulimbi dembo dia kusu la lutumbu ndu la kenemo ne dia asui wa nyoi, ne dia ndi mvwela antu tshe, dia ngandji ka mamba ka Unyashungu.

1 Petero 3:22

Ndi akatshu lʼulungu, eko la lunya la pami la Unyashungu; andjelo, akanga a waulelu la akanga a wulu wakayala lʼokongo andi.

2 Petero 1:17

Ne dia ndi akalungula kenemo la lutumbu uma le Unyashungu, Shesu, lamʼakayi diui ne le ndi uma le Lutumbu la Khumadiondjo ati: Onʼami la ngandji one, ndi atongenyangenyaka.

3 Joani 1:7

Ne dia vo wakadiangana dia Lukumbu, vo kunungula diango uma le asi wedja.

Enyelo 1:5

ndu uma le Jesu Kristu, omenyi a kolamelu, ona enundu lakulwama uma lu nyoi, umbuledi a khumi ya dikanga ya la kete. Le one latutukaka ngandji, ndu lakatutshungula uma lu kolo yasu la dikila diandi;

Enyelo 11:15

Ondjelo wʼesambeli akadi; ku aui wa wulu wakukema lʼulungu, wakati vati: Diulelu dia la kete nye diambuyala dia Khumesu, la dia Kristu kandi. Ndi ayulela pundju pundju.

Enyelo 19:16

Ndi aki la lukumbu lufundami lu dihondo diandi la lu ehelohelo kandi ati: “Khumʼekanga ka Khumi ya Dikanga ndu Khumi ka Wakhumi.”

Enyelo 3:21

One laleka akambu wa kolo wulu, dimi layuwusha wulu wa ndi mbidjase la mi lu kiti ka diulelu, uku akamaleki akambu wa kolo wulu, akamadjase la Papa lu kiti kandi ka diulelu.

Enyelo 5:12

wahangohango vati: Ona-Okoko lakadiakema kukuki dia nungula wulu, ndu ongonyi, ndu yimba, ndu diulelu, ndu kenemo, ndu lutumbu, ndu otshoko.