Filipi 2:6 - La Bible en Otetela (Bible K'Ekila) 1991

⁶ Kuyanga ndi aki lu efanelu ka Unyashungu, ndi kunkana ati: Mbedima pupu la Unyashungu eko engo ka dimi munda.

Filipi 2:6 Iomraidhean Croise

Isaya 7:14

Okone Khumadiondjo ndame ayunyu-sha djimbitelu. Enda, usekaseka a umuntu ayutsho diemi, ayuta ona pami, ayuwole lukumbu ati: Emanuele (kitshimudi ati: Unyashungu eko la su.)

Isaya 8:8

Vo wayoto lu kete ya Juda, wayufulanela, wayuyala efula, wayukuma pulu ndu lu kingu. Edianganelu kʼashi ako kayukukanela lu kete yaye tshe, we Emanuele!

Isaya 9:6

Ne dia wambututela ona, wambutusha ona pami. Diulelu diayuyala lu aheka andi. Wayuwole vati: Undaki a Mamba, Unyashungu a Wulu, Shesu ka Pundju, Uwandji wa Ki.

Jeremiya 23:6

Juda ayushimbamela lu nshi yandi, ndu Isariyele ayuyala la lutui tshitshi. Ku vo wayuwetaka lukumbu lone vati: Latuyalaka ololo asu.

Mika 5:2

Keli we Betelehema, Efarata, Leli tshitshe lʼatei a wauhu wa Juda, Uma le ye kayutumba one layuyala Umbuledi lu Isariyelea dikambu diami, Ndi akatongo umaka nshi yʼediedja, umaka mombokombola.

Zekariya 13:7

Yombo, emo dia ndo lʼulami ami wʼekoko, Dia ndo lʼuntu lemadi lasuki la mi! Mbata Latuyalaka Kanga lulimbilimbi. Udiaki ulami wʼekoko, dia ekoko mpandjwama. Dimi layusimbula lunya lami, Dia ndo la wane wuleki tshitshe.

Mateu 1:23

Ulungi, usekaseka wʼemuma ayutsho diemi. Ndi ayuta ona pami. Kawuwole vati: Emanuwele, (Kitshimudi ati: Unyashungu la su).

Joani 1:18

Nduku untu lakenyi Unyashungu; tshikima Ona etoi, leli lu tulu ka Shi, kambuweyanya.

Joani 10:30

Dimi la Papa teko otoi.

Joani 10:33

Asi Juda wakûkaluya diui vati: Shu hatukuki ave ne dia etsha aye wʼololo, keli ne dia lotengo laye; ndu ne dia we untu, ambuyafanya la Unyashungu.

Joani 10:38

Keli naka dimi latuwa-tshaka, kuyanga nyu hanyumbetawo, nyetawo etsha eku. Dia nyu mbeya la nimbitela nyati: Papa eko lʼutema ami, la dimi leko lʼutema a Papa.

Joani 14:28

Nyu nyakuki diui diakamanyutela nti: Dimi layutsho, ku layukalula le nyu. Utunduyala nyu nyakanangi, tshiki nyutongenangena, ne dia dimi layutsho le Papa, ne dia Papa ambundeka.

Joani 14:9

Jesu akawutela ati: Dimi laki la nyu edja, ku we atambeyi, Filipo? One lakamenyi, akenyi Papa. Ukundi wataye wati: Utenya Shesu?

Joani 17:5

Kakiane, Papa, untumbuli la ntundu kaye la lutumbu laki la mi kame la ye ntundu andja watatungama.

Joani 20:28

Tomasi akûkaluya diui ati: Khumemi, la Unyashungu ami!

Joani 5:18

Dia dikambu so, asi Juda wakaleki nyanga mbudiaka, ne dia ndi akalanya lushi lʼekila, ndu aketi Unyashungu ati: Papa, akayaedimia la Unyashungu.

Joani 5:23

ne dia antu tshe walemia Ona, uku alemiawo Shi. One lahalemia Ona, halemia Shi lakutumi.

Romo 9:5

Tshetshe yawo la wauhu awo wakatongo lu wudja awo. Kristu eko kanula yawo lu dimba. Unyashungu leli ladiku dia tshe, atumbwami pundju! Ayali osoku!

2 Koreto 4:4

Etemolatemola ka la kete nye ambete waku wahetawo uku tutshungu lu tukanyi tawo, ne dia usasi a lukumu lʼololo la lutumbu la Kristu, leli efanelu ka Unyashungu tawahetelaki.

2 Koreto 8:9

Ne dia nyu mbeyaka ngandji ka mamba ka Khumesu Jesu Kristu, nyati: Kuyanga ndi aki ongonyi, ndi akayala la wula dia dikambu dianyu, dia nyu najala engonyi uma lu wula andi

1 Timote 1:17

Kakiane khumʼekanga ka pundju, kaha-vu, kahenama lu ashu, Unyashungu wame, kenemo la lutumbu wayali le ndi pundju pundju! Ayali osoku!

1 Timote 3:16

Aha tamu, ne dia dikambu diushami dia otemwelo asu dieko wuki, ati: Unyashungu akenama lu cunha, Akayindjama le Nyuma, Akenama le andjelo, Akasambishama lʼatei a wedja, Aketawoma le wa la kete, Akalungwama utsha lʼulungu lu lutumbu.

Tito 2:13

Tulungameli elungamelu kasu kʼotshoko la enelo ka lutumbu la Unyashungu asu a wuki ndu la Ushimbedi Jesu Kristu,

Heberu 1:3

Ndi eko ngaingai ka lutumbu landi, ndu efanelu kʼutundu andi. Ndi atukimelaka diango tshe ala diui diandi dia wulu. Lemʼakandashidiya mbedia akambu wa kolo, ndi akadjase lu lunya la pami la Khumadiondjo ka lʼulungu;

Heberu 1:6

Ntu, lamʼakandayanngi ntuma onʼandi lʼenundu la kete, ndi akati ati: Andjelo tshe wa Unyashungu wotemole.

Heberu 1:8

Keli ndi mvutaka dia Ona ati: We Unyashungu, kiti kaye ka diulelu keko pundju pundju. Danga dia diulelu diaye dieko danga diʼakambu wʼololo.

Heberu 13:8

Jesu Kristu eko pupu lui ndu elo, ndu pundju.

Enyelo 21:6

Ku ndi akamvutela ati: Akambu ako wambutshama! Alafa la Omenga mbemi, etatelu la ekumelu. One leli la pusa, dimi layetawo dia ndi no lʼushima wʼashi a lumu onono.