Filipi 2:19 - La Bible en Otetela (Bible K'Ekila) 1991

¹⁹ Dimi lambulungamela le Khumadiondjo Jesu, dia nyutumela Timote lʼetenyi ka tshitshe, ne dia ndu dimi nkikitshama lamʼayumeya uku wenyu mete.

Filipi 2:19 Iomraidhean Croise

Jeremiya 17:5

Latuyalaka kata ati: Mananu kayali le untu latekamaka untu, Lateteka umunyi usuko andi, Latetoyaka utema andi uma le Latuyalaka.

Mateu 12:21

Ku asi wedja wayuyala la elungamelu lu lukumbu landi.

Etsha wa Atumami 16:1

Paulu akakumi ndu la Derebe, ndu la Lustera. Nyulungi, umbeki omotshi aki leko, lukumbu landi Timote, onʼa usi Juda a umuntu, laketawo, keli shi aki usi Ngirika.

Romo 15:12

Ndu Isaya akati ati: Dimonga diayutumba uma le Jese. Ndi ayunela dia mbulela asi wedja. Asi wedja wayulungamela.

Romo 16:21

Timote, unyami ukambi, ambunyutumela moyo, ndu Lukiyo, Jasona, la Sosipate wane wuto la mi.

1 Koreto 4:17

Dia dikambu so, mbakamanyutumela Timote, onʼami la ngandji la kolamelu le Khumadiondjo, dia ndi nyuhula ditshelu diami dieli la mi le Kristu, uku alakanyami antu lʼekelizia lu ahuli tshe.

Efeso 1:13

Nyu nyakuki diui dia mete le ndi, lukumu lʼololo la panda kanyu. Nyu nyakawetawo, nyakadjama tulimbitelu ta Nyuma kʼololo ka daka,

Filipi 1:1

Paulu la Timote, ekambi wa Kristu Jesu. Le ekilami tshe wa lu Kristu Jesu weli la Filipi, kame la amendji wa lʼekelizia la esambisha:

Filipi 2:18

Okone ndu nyu nyongenengene, nyongenengene kame la mi.

Filipi 2:28

Okone dimi lakaleki ndjala la saki ka mbutuma le nyu, ne dia nyu ndjala la ongenongeno lamʼayunyuwena ntu, la dia lunyangu lami lakitikiti.

1 Tesalonika 3:2

Ku takatumi Timote, unyasu ukambi a Unyashungu lu lukumu lʼololo la Kristu, dia nyushikike, la dia nyukikitsha lu mbetawo kanyu.

1 Tesalonika 3:5

Dia dikambu ne, ndu dimi, lamʼakimi kumbeya mbikike, lakatumi Timote dia mbeya mbetawo kanyu. Dimi lakuki woma nti: Kana uhimbanyi akanyuhimbi, ku ulimu asu akayala anyanya.

2 Tesalonika 1:3

Anyasu, dieli la su dia mbuka Unyashungu lusaka nshi tshe dikambu dianyu. Dikambu diako dieko ololo, ne dia mbetawo kanyu katulaka otekoya, la ngandji kukananyu kambuyala efula.

2 Timote 1:12

Dia dikambu ne, mbemi la asui ane. Keli haluki sonyi, ne dia dimi mbeyaka lakametawo. Dimi lambetawo nti: Ndi la wulu a nama kakamakimo le ndi, edja ndu lamʼayukuka lushi lako.

Jakoba 4:15

Dieli la nyu dia mvuta nyati: Naka Khumediandjo alanga, tayuyala la lumu, ku tayutsha okone kana osoku.

1 Petero 1:21

Nyu nyambuyala embetawudi wa Unyashungu uma le Jesu lakandulula uma lu nyoi ndu lakandasha lutumbu, dia mbetawo la elungamelu kanyu ndjala le Unyashungu.