Filipi 2:15 - La Bible en Otetela (Bible K'Ekila) 1991

¹⁵ dia nyu ndjala nyaha la unungu, nyaha la lukesu, ana a Unyashungu wana la ekomo lʼatei alolonga la kolo ndu lahasimbwi, nyambenama lʼatei awo uku esasi wa kete.

Filipi 2:15 Iomraidhean Croise

Esambu 122:5

Leko katuyalaka kiti ya elumbwelu, Ee, kiti ya diulelu ya luudu la Davidi.

Etumbelu 34:35

Lamʼakendaka asi Isariyele Mose, vo wakenaka elundji kandi kaheta ngaingai. Diako mbakayukumbaka Mose dihondo lʼelundji kandi, edja ndu lamʼakandakalulaka dia ntusawula la Latuyalaka.

Tukedi 4:18

Keli mbuka kʼuntu ololo keli uku usasi wʼehutwelu kʼunya, Watufulanelaka edja ndu wʼunya lʼatei ote.

Tukedi 8:8

Aui tshe watumba uma lʼunyo ami weli ololo, Nduku dikambu dia kashi kana dia wengenge diatuyalaka loko.

Isaya 60:1

We Jerusalema, uneli, osenyami, Ne dia lutumbu la Latuyalaka lambukuhutwela, Ee, usasi aye wambukuma.

Danyele 6:4

Ewandji la elohe wakatayangaka Danyele la dikambu dia mbufunda lu akambu wa diulelu. Keli vo kumbutana nduku la dikambu kana munga ka mbufunda, ne dia ndi aki la kolamelu. Vo kumbena la munga kuyanga la kiambukambu.

Mateu 10:16

Nyulungi, dimi lambunyutuma uku ekoko lʼatei wa ndjaundu. Okone nyuyali la yewu uku elui, ndu memakana uku fudu ya binga.

Mateu 17:17

Jesu akâkaluya diui ati: Nyu wa lolonga lone, akanga a wendijudi ndu waha la mbetawo, edja ndu etena kakona kayumuyala la memakana le nyu? Nyuyi la ndi le mi.

Mateu 5:45

Okone nyu nyayuyala ana wa Shenyu le lʼulungu, ne dia ndi atuhutuyaka unya le antu wa kolo ndu le antu wʼololo, ndu atutumaka mvula le antu wʼololo ndu le antu wa kolo.

Mateu 5:48

Okone nyuyali ololo tshe, uku weli Shenyu le lʼulungu ololo tshe.

Luka 1:6

Vo ahendi waki ololo lu ashu wa Unyashungu. Vo wakakendakendaka lu elembe la lu adjangu tshe wa Khumadiondjo aha la unungu.

Luka 6:35

Nyuki atunyi anyu ngandji, nyatsheli ololo, nyasondja diango, aha la elungamelu ka vo nyukaluya, okone difutu dianyu diayuyala efula, ndu nyayuyala ana wa KhumʼUlungu; ne dia ndi eko la memakana le wane wahuki lusaka ndu le antu wa kolo.

Joani 5:35

Joani aki tala, diakalungulaka, diakahetaka. Nyu nyakalangi ngenangena la usasi adio etenyi.

Etsha wa Atumami 2:40

Ndi akawatela aui akina efula, akalaki ati: Nyuyashimbeli uma lu lolonga la kolo lone!

Etsha wa Atumami 20:30

Antu wayunela uma lʼatei anyu nyame, wayutela antu akambu waha mete, dia nkutula ambeki lʼokongo awo.

Romo 16:19

Lukumu lʼukitanyia anyu lambudiangana le antu tshe. Okone dimi ndjalaka la ongenongeno too lu dikambu dianyu. Keli dimi nangaka nyu ndjala akanga a yimba lu akambu wʼololo, la akanga a dinginya lu akambu wa kolo.

1 Koreto 1:8

Ndi ayunyushikike edja ndu lʼekumelu, dia nyu ndjala aha la unungu lu lushi la Khumesu Jesu Kristu.

2 Koreto 6:17

Okone nyumo uma lʼatei awo, Nyuyatuli uma le wo, mbata Khumadiondjo, Tanyunandaki engo ka kolo; Ku dimi layunyulungula,

Efeso 5:27

dia ndi ndjakenenadiya ekelizia ka lutumbu kaha la diwadi kana unyanga kuyanga engo ka wuhu ako, keli dia to ndjala ekila ndu aha la ekomo.

Euhwelu kʼElembe 32:5

Vo wakayalanya le ndi, Vo kema anʼandi ntu, ne dia vo wakayala la awadi. Vo weli lolonga la kolo ndu lahasimbwi.

Filipi 1:10

ne dia nyu mbedika akambu wʼololo; la dia nyu ndjala la etema wa pudipudi, aha la akambu wa ntakanya antu, edja ndu lushi la Kristu;

Filipi 3:6

lu dikambu dia wangasanu, dimi lakasuyaka ekelizia; lu akambu wʼololo weli lʼelembe, dimi kundjala la unungu.

1 Tesalonika 5:23

Unyashungu wa ki ndameanyukidia tshe! Nyumu yanyu, la etema anyu ndu alimba anyu walamami ololo ndu aha la unungu lʼeyelu ka Khumesu Jesu Kristu!

1 Timote 3:10

Vo wahimbami ntundu, ku lʼokongo diku kanyuwaetawo dia vo ntsha ulimu uku esambisha, naka vo kema la unungu.

1 Timote 3:2

Okone umendji tayalaki la unungu. Ndi ayali kanga wadi otoi utu; ayakimeli, ayali la wolamu, la okomi. Ndi atshelaki angendangenda ololo; ayali la yimba ya mbetsha.

1 Timote 5:14

Okont dimi nangaka esekaseka weli wadi waki edu watshukami, wuti ana, waluwanya mvudu yawo, tawenyaki utunyi dihuli dia mba-songwela,

1 Timote 5:20

Uhunweli atshi wa kolo iu ashu wʼantu tshe, ne dia antu akina wuki woma.

1 Timote 5:7

Uwateli akambu ane, dia vo ndjala aha la unungu.

Tito 1:6

naka untu aha la unungu, leli la wadi otoi utu, ndu leli la anʼandi embetawudi, waha asongwamedi wa lundju la uhedia.

Tito 2:10

tawuvaki, keli wenyaki kolamelu yʼololo tshe. Okone wayuluwanya dietshelu dia Unyashungu, Ushimbedi asu lu akambu awo tshe.

Tito 2:15

Utelaki antu akambu ane: akokomiyaki, ahunwelaki la wulu tshe. Untu takonyolaki.

Heberu 7:26

Diambutusunganela dia shu ndjala la olomoedi a ladiku wʼekila, waha la lukesu, waha la akambu wa kolo, wutshikitanyi la antu wa kolo, wediami ladiku diʼulungu tshe.

1 Petero 2:12

Nyuyali la ditshelu diʼololo lʼatei wʼasi wedja. Okone, naka wambunyosongwela vati: Nyu nyeko atshi wa kolo, naka vo wayena etsha anyu wʼololo, ku vo wayutumbula Unyashungu, lu lushi layundakendela.

1 Petero 2:9

Keli nyu nyeko wudja wakawasonola, nyeko elombedi wa lu diuhu dia khumʼekanga, la wudja wʼekila, antu wa Unyashungu ndame, dia nyu menya akina ololo wa one lakanyeti uma lu udjima utsha lu yanyi yandi ya mamba.

2 Petero 3:14

Okone, elangimi ami, ne dia nyu nyambulungamela akambu ane, nyutetemali dia nyu ntanema la ki, aha la vadi, aha la unungu lu ashu andi.

Enyelo 2:5

Okone uho lene akayako, ukadimuli utema, utshi uku etsha aye wa ntundu. Naka aha osoku, dimi layuya le ye esadi, layunya ekitshelu kaye ka tala uma lu dihuli diato, naka we hakadimula utema.

Enyelo 3:9

Enda, dimi lambukusha wa lʼetemwelo ka Satana, wane watutaka vati: Asi Juda mbesu, keli vo kema asi Juda, kashi katawo. Ulungi, dimi layuwaela dia vo ntemola lʼekulu aye, la dia vo mbeya vati: Dimi lambukulanga.