Filipi 2:12 - La Bible en Otetela (Bible K'Ekila) 1991

¹² Okone, elangimi wa ngandji, uku akanyakitanyiaka diui tena tshe, aha paka lamʼatumuyalaka la nyu, keli kakiane nyu nyambuleka nkitanyia efula lamʼemi kema la nyu. Nyutshaki ulimu a panda kanyu la woma la lukumba,

Filipi 2:12 Iomraidhean Croise

Ezera 10:3

Nyeso, tudji la Unyashungu asu sheki kakiane, dia shu minya amantu ako la ana awo uku diui dia khumemi, la dia waku wadidima dikambu diʼolembe wa Unyashungu asu. Dikambu ne diatshami uku olembe.

Esambu 119:120

Dimba diami diatudidimaka, ne dia woma aye. Dimi latukaka dumbwelu diaye woma.

Esambu 2:11

Nyukambeli Latuyalaka ulimu la woma, Nyongenengene la lukumba.

Tukedi 10:16

Ulimu wʼuntu ololo watukundjiyaka lumu. Waho wʼuntu a kolo watotolaka lu kolo.

Tukedi 13:4

Utema wa kanga nende atokomiyaka diango diahandeyi nkundja. Keli utema wa kanga kolamelu ayulutshama.

Isaya 66:2

Lunya lami mbakatungi diango ne tshe. Osoku diami mbedio dio tshe, mbata Latuyalaka. Enda, dimi layediya ashu ami Utsha le one latusuwaka ndu leli lʼutema ambate, Utsha le one latukaka diui diami woma.

Isaya 66:5

Nyu wane watukaka Latuyalaka 3 woma, Nyulungi diui diandi. Nyulungi okone wati anengenyu, Wane watunyuhetshaka Ndu watunyusukulaka ne dia lukumbu lami, vati: Latuyalaka atumbwami, Ku shu tayena ongenongeno anyu! Keli vo wayutshama sonyi.

Mateu 11:12

Uma lu nshi ya Joani Ubatizanyi edja ndu kakiane, diulelu dia lʼulungu diatusuyamaka wulu. Akanga a wulu mbatudihotolaka la khudu.

Mateu 11:29

Nyembe lokoho lami, nyeki akambu uma le mi. Ne dia dimi la memakana la ndjakitshakitsha lʼutema, ku nyu nyayutana mumuya lʼetema anyu,

Etsha wa Atumami 16:29

Ndi akati ati: Nyela ewa. Ndi akoto lu luudu adidima la woma, akayakosha la ntundu ka Paulu la Silasi.

Etsha wa Atumami 9:6

Keli, unela, utshu utsha lʼusumba, wayutukutela dikambu diahumbaye ntsha.

Romo 2:7

lumu la pundju le wane watuyangaka lutumbu, kenemo la lumu lahalana uma lu eteti kawo ka ntsha ololo.

1 Koreto 15:58

Okone, anyasu wa ngandji, nyutetemali, nyushikikali, nyutamanya ntsha ulimu wa Khumadiondjo nshi tshe, ne dia nyu mbeyaka nyati: Pa kanyu le Khumadiondjo kema anyanya.

1 Koreto 2:3

Dimi laki la nyu la wodu, la woma, la lukumba efula.

1 Koreto 4:14

Dimi hafundi akambu ane dia nyutsha sonyi, keli dia nyewula uku anʼami wa ngandji.

2 Koreto 7:15

Ngandji kandi kambuleka efula le nyu lamʼuhondi ukitanyia anyu tshe, okone akanyulunguia la woma la lukumba.

Efeso 6:5

Ehombo, nyukitanyia aui wʼakhumenyu wa la kete la woma la lukumba, lʼutema otoi uku le Kristu,

Filipi 1:27

Dikambu otoi, wuhu anyu wa lumu wasungani la lukumu lʼololo la Kristu. Okone kuyanga dimi layuya dia ndjunyenda, kuyanga handji, dimi nangaka mbuka okone wenyu, ati: Nyu nyambushikikala lu Nyuma otoi, la utema otoi; nyambutetemala lu mbetawo ka lukumu lʼololo.

Filipi 1:29

Ne dia wakanyusha dikambu ne dia Kristu, aha dia nyu mbetawo tshu, keli dia nyu nsuwa dikambu diandi,

Filipi 1:5

ne dia ekimanyelu kanyu ka mbudia lukumu lʼololo uma lu lushi la ntundu edja ndu kakiane.

Filipi 1:6

Dimi latulungamelaka dikambu ne nti: One lakatatela ulimu wʼololo lʼetema anyu, ayuluwanyaka edja ndu lu lushi la Jesu Kristu.

Filipi 2:19

Dimi lambulungamela le Khumadiondjo Jesu, dia nyutumela Timote lʼetenyi ka tshitshe, ne dia ndu dimi nkikitshama lamʼayumeya uku wenyu mete.

Filipi 4:1

Okone, anyami wa ngandji wakumbulami, nyu nyeli ongenongeno ami la dembo diami dia kusu, nyu elangimi ami, nyushikikali le Khumadiondjo.

Filipi 4:15

Nyu asi Filipi, nyame mbeyaka nyati: Lʼetatelu ka lukumu lʼololo, lamʼakamunela uma la Makedoniya, nduku ekelizia wakankimanyia lu dikambu dia mbisha la nungula diango, paka nyu nyame.

1 Tesalonika 1:3

Tatuhoka ulimu anyu wa mbetawo, la ekambelu ka ngandji ndu eteti kʼelungamelu la ntundu ka Unyashungu le Khumesu Jesu Kristu.

2 Timote 2:10

Okone dimi lambetawo akambu tshe ne dia esonami, dia vo walunguli panda uma le Kristu Jesu, ndu lutumbu la pundju.

Heberu 12:1

Okone ne dia shu tambudingama la ului a wuki wʼemenyi, osoku ndu shu tunya wetshu tshe, la akambu wa kolo watutudingamaka lamʼesu weodu, tusaki esakelu kasu ka luwangu keli la ntundu lʼeteti.

Heberu 4:1

Okone, lamʼeki daka dia mboto lu mumuya kandi, tuki woma, ne dio omotshi anyu atukuheko mboto loko.

Heberu 4:11

Okone tutetemali dia shu mboto lu mumuya kako, untu takokaki uku djimbitelu ku yʼuhedia.

Heberu 5:9

Lamʼakandaluwanyema ololo tshe, ndi akayala atungi a panda ka pundju le wane tshe watukitanyiaka.

1 Petero 2:11

Elangimi, dimi lambunyosengasenga uku angendangenda la ambitshanyimi nti: Nyoseke saki ya dimba, yatoloshaka etema anyu ta.

2 Petero 3:18

Keli nyuli lu ngandji ka mamba la lu elimbitelu ka Khumesu, Ushimbedi Jesu Kristu. Lutumbu layali le ndi kakiane ndu pundju! Ayali osoku!