Filipi 1:9 - La Bible en Otetela (Bible K'Ekila) 1991

⁹ Dimi lambunyolombela dia ngandji ka mamba kanyu katamanya mbula lu bewu la yimba tshe,

Filipi 1:9 Iomraidhean Croise

Jobo 17:9

Untu lʼololo ayokolamela lu mbuka kandi, La one leli la anya a wulu, ayutakolamelaka ndjala la wulu.

Esambu 119:66

Umbetsha sambu kʼololo ndu ewu, Ne dia dimi latetawoka elembe aye.

Tukedi 4:18

Keli mbuka kʼuntu ololo keli uku usasi wʼehutwelu kʼunya, Watufulanelaka edja ndu wʼunya lʼatei ote.

1 Koreto 14:20

Anyasu, tanyuyalaki uku akenda lu yimba. Nyuyali uku ana wʼashashi lu kolo, keli nyuyali uku dikumanyi lu yimba.

2 Koreto 8:7

Uku akanyakuki lu akambu tshe lu mbetawo, ndu lu wutelu, ndu lʼewu, ndu lʼukalanganu tshe, ndu lu ngandji kanyu le su, okone nyuyangi nkukanya ndu ngandji ka mamba kene.

Efeso 5:17

Okone tanyuyalaki uku dinginya, keli nyushihudia lulangu la Khumadiondjo.

Kolosai 1:9

Dia dikambu ne, ndu shu, uma lu unya wakatuki lukumu lone, hatuheko nyolombela lu dombelo diasu, dia nyu ndudiama lu nimbitela lulangu landi, dia nyu ndjala la yimba ya nshihudia akambu tshe wa Nyuma,

Kolosai 3:10

nyambolota untu uyuyu, lufanyi la utungi andi lu yewu yʼuyuyu.

1 Tesalonika 3:12

Khumadiondjo anyuhamia, ndu anyuludia la ngandji untu la unyandi untu la unyandi, ndu le antu tshe, uku anyulangasu.

1 Tesalonika 4:1

Anyasu, diui diasu dia ndjihelu ne shati: Tambunyosengasenga ndu tambunyokokomiya le Khumadiondjo Jesu shati: Uku akatanyetsha lama nkendakenda, ndu lama ngenyangenya Unyashungu, uku watunyokendakendaka, dia nyu ntetemala nkendakenda wuhu ako,

2 Tesalonika 1:3

Anyasu, dieli la su dia mbuka Unyashungu lusaka nshi tshe dikambu dianyu. Dikambu diako dieko ololo, ne dia mbetawo kanyu katulaka otekoya, la ngandji kukananyu kambuyala efula.

Filemona 1:6

mbalangami ekesanelu ka mbetawo kaye atombosha ewu kʼakambu wʼololo tshe weli lʼutema aye le Kristu.

Heberu 5:14

Keli mbu ya nde ya wulu ndjalaka ne dia etshundju wʼantu, wane wambekela, la wambuyala la tumba ta ntshikitanya ololo la kolo.

1 Petero 1:22

Ne dia nyu nyambedia etema anyu la ukitanyia anyu lu akambu wa mete, dia mbuka anyanyu ngandji mete, okone nyukani ngandji wulu lʼetema anyu.

2 Petero 3:18

Keli nyuli lu ngandji ka mamba la lu elimbitelu ka Khumesu, Ushimbedi Jesu Kristu. Lutumbu layali le ndi kakiane ndu pundju! Ayali osoku!