Filipi 1:4 - La Bible en Otetela (Bible K'Ekila) 1991

⁴ Lu alombelo ami tshe watumunyolombelaka tena tshe, dimi latolombaka la ongenongeno,

Filipi 1:4 Iomraidhean Croise

Mako 5:5

Ndi akahangohangoka nshi tshe, ndu lʼutshu ndu la yanyi, la waumbu ndu lʼekungu. Ndi akayakotaka ave.

Luka 15:10

Okone dimi lambunyutela nti: Ongenongeno ndjalaka lu ashu wʼandjelo wa Unyashungu lu dikambu dia untu a kolo otoi lambukadimula utema.

Luka 15:7

Dimi lambunyutela nti: Wuhu ako mbayuyala ongenongeno utamanya lʼulungu lu dikambu dia untu a kolo otoi lukadimudi utema, uleki dia antu akumi divwa la divwa wahahumbi nkadimula etema.

Romo 1:9

Unyashungu lakambelami ulimu la lumu lami lu lukumu lʼololo la Onʼandi eli omenyi ami ati: Dimi latunyudimulaka lu dombelo diami nshi tshe.

Filipi 2:2

nyufudia ongenongeno ami, dia nyu ndjala la yimba otoi, la ngandji otoi, lu ekesanelu kame, la utema otoi.

Filipi 3:18

ne dia efula watokendakendaka uku akamanyutela tena efula. Ku kakiane dimi lambunyutela la asoi lu ashu nti: Vo weko atunyi wa utamba a mpeketanya wa Kristu.

Filipi 4:1

Okone, anyami wa ngandji wakumbulami, nyu nyeli ongenongeno ami la dembo diami dia kusu, nyu elangimi ami, nyushikikali le Khumadiondjo.

Kolosai 2:5

Kuyanga dimi kema lʼatei anyu, ku utema ami eko le nyu. Dimi la ongenongeno lamʼenami ndjalongosola kanyu, ndu ushikikalu a mbetawo kanyu le Kristu.

1 Tesalonika 1:2

Shu tatukaka Unyashungu lusaka nshi tshe dikambu dianyu tshe, tatunyudimulaka lu alombelo asu.

Filemona 1:7

Unyasu, dimi lakangenangena efula, lakakikitshama dia ngandji kaye, ne dia etema wʼekilami wambusangana dia dikambu diaye.

2 Joani 1:4

Dimi lambongenangena efula ne dia lakatani anʼaye amotshi wakendakenda lu mete, uku akatalungula olembe uma le Shesu.