Filipi 1:20 - La Bible en Otetela (Bible K'Ekila) 1991

²⁰ Dimi lambutetemala nungamela nti: Dimi halutshama sonyi lu nduku dikambu. Keli ne dia dihunga diami, dimi nangaka Kristu atumbwami lu dimba diami, kana la lumu, kana lu nyoi.

Filipi 1:20 Iomraidhean Croise

Esambu 119:116

Unsukeli uku diui diaye, dia dimi numba, Tunsambaki sonyi lʼelungamelu kami.

Esambu 119:80

Utema ami aluwani lu elembe aye, Dimi ntukutshama sonyi.

Esambu 25:2

We Unyashungu ami, dimi latekamaka le ye, tetawoki dimi mbutshama sonyi!

Esambu 62:5

Utema ami ulungameli paka Unyashungu la ki, Ne dia elungamelu kami keko le ndi.

Tukedi 10:28

Elungamelu kʼuntu uluwanyi keli ongenongeno. Keli ekungelu kʼuntu a kolo keko anyanya.

Tukedi 23:18

Mete mete, ekumelu keko, Ndu elungamelu kaye huyala anyanya.

Isaya 45:17

Keli nyu, asi Isariyele, nyayushimbamela Le Latuyalaka la panda ka pundju, pundju. Nyu hanyuhananaki, hanyutshamaki sonyi.

Isaya 50:7

Khumadiondjo, Latuyalaka atunkimanyiaka, Diako mbahamatukandakandaka, Mbatumukikitshaka elundji kami uku dive. Dimi mbeyaka nti: Halutshama sonyi.

Isaya 54:4

Tukaki woma, ne dia we huvo sonyi. Tukananaki, ne dia we hutshama sonyi. Keli we ayuhela sonyi ya lu nshi yaye yʼusekaseka. We huho lotengo lakawakotengaka lamʼakiye wadi aki udu.

Joani 21:19

(Diui so mbakati Jesu, ne dia nimbitshiya wuhu wa nyoi kayundutumbula Unyashungu.) Lamʼakandati osoku, ndi akawutela ati: Undjeli.

Etsha wa Atumami 20:24

Keli dimi halali lumu lami nti: Ushinga a wulu mbelo, dia nshidiya esakelu kami ka luwangu, la ulimu wakamalungula uma le Khumadiondjo Jesu, dia mvuta lukumu lʼololo la ngandji ka mamba ka Unyashungu.

Etsha wa Atumami 21:13

Paulu akâkaluya diui ati: Ukundi atshanyu okone, walelanyu, wambatanyu asulu? Dimi hayalongosola dia ntukelekama tshu, keli ndu dia dimi ntuvo la Jerusalema lu lukumbu la Khumadiondjo Jesu.

Etsha wa Atumami 4:31

Lamʼakawalombe, dihuli diakawasangana diakasutshasutshama. Vo tshe wakaludiama la Nyuma kʼOlolo, wakati diui dia Unyashungu la dihunga.

Romo 12:1

Anyasu, dimi lambunyosengasenga uma lʼakambu wa ketshi wa Unyashungu nti: Nyulambuli alimba anyu uku ulambu wa lumu, la wʼekila, la wa ngenyangenya Unyashungu. Wuhu oso mbukukinyu ntsha.

Romo 5:5

Elungamelu hatutsha sonyi ne dia Unyashungu ambutshulula ngandji kandi lʼetema asu uma le Nyuma kʼOlolo kakandatusha.

Romo 6:13

Tanyukimoki beke diʼalimba anyu lu kolo uku dihumo dia ta diʼakambu wa kolo. Keli nyuyakimo le Unyashungu uku antu wambulo uma lu nyoi. Nyukimo alimba anyu le Unyashungu uku dihumo dia ta diʼakambu wʼololo.

Romo 6:19

Dimi lamboteketa uku atoteketaka antu ne dia wodu wʼalimba anyu. Naka nyakakimo beke diʼalimba anyu uku fumbi yʼakambu wa mindu la kolo ladiku dia kolo, ku kakiane nyuleki nkimo beke diʼalimba anyu uku fumbi yʼakambu wʼololo dia nyu nkidiama.

Romo 8:19

Ne dia ditungatunga tshe diatulungamelaka la pusa ka wulu dia mena enelo kʼana wa Unyashungu.

Romo 9:33

uku akafundama ati: Enda, lambukitsha dive dia ntakanya lu Siona, Dive dia wuki dia djewoki. Ku one lawetawo, hutshama sonyi.

1 Koreto 15:31

Anyasu, dimi lambushikisha diui dia ndjatumbula kami le nyu, keli le mi uma le Kristu Jesu Khumesu nti: Dimi latuvokaka nshi tshe!

1 Koreto 6:20

ne dia nyu nyakasumbama la ushinga a wulu. Okone nyutumbuli Unyashungu lu alimba anyu.

1 Koreto 7:34

ku ndi ambatana. Osoku ndu umuntu laha la umi, ndu usekaseka wʼemuma, vo watulamaka akambu wa Khumadiondjo, dia vo ndjala ekilami lʼalimba ndu lʼetema. Keli utshukami atulamaka akambu wa la kete, uku weyandi ngenyangenya umendi.

2 Koreto 10:8

Kuyanga dimi lambuyatumbula kambi ne dia wulu asu, wakatusha Khumadiondjo ne dia nyudia, aha dia nyuhandjula, dimi halutshama sonyi.

2 Koreto 3:12

Ne dia elungamelu keku, mbesu la dihunga efula lamʼatelasu antu diui,

2 Koreto 4:10

Nshi tshe, shu tatembaka djimbitelu va nyoi ka Jesu lu dimba, ne dia lumu la Jesu lenami lu alimba asu.

2 Koreto 5:15

Ndi akavwela tshe, ne dia waku weli la lumu, tawuyalaki la lumu dia dikambu diawo vame, keli dia one lakavwela, lakulwama dikambu diawo.

2 Koreto 7:14

Ne dia dimi kumbutshama sonyi lamʼakamanyutumbula le ndi. Keli uku akatanyutela akambu tshe mete, okone ndu aui ami wa nyutumbula wakamati la ntundu ka Tito, wakenama ati: Mete.

2 Koreto 7:4

Dimi leko la elungamelu ka wulu le nyu! Dimi leko la ufunu a wulu lu dikambu dianyu! Dimi lambuludiama lʼekikitshelu; lambulula lʼongenongeno otekoya lu asui asu tshe.

Filipi 1:14

Anyasu vuleki efula le Khumadiondjo, wambukikitshama ne dia kanu yami, wambuleka mvuta diui dia Unyashungu la dihunga, aha la woma.

Filipi 2:17

Ee, naka dimi layutshulwama uku ulambu wa lutela ladiku dia nyama kʼulambu wa mbetawo kanyu, dimi leko la ongenongeno, lambongenangena kame la nyu tshe.

Kolosai 1:24

Kakiane, dimi lambongenangena lu asui ami wamumusuwa dikambu dianyu. Dimi lambukutsha asui wa Kristu wutshikadi lu dimba diami, ne dia dimba diandi dieko ekelizia,

1 Tesalonika 5:23

Unyashungu wa ki ndameanyukidia tshe! Nyumu yanyu, la etema anyu ndu alimba anyu walamami ololo ndu aha la unungu lʼeyelu ka Khumesu Jesu Kristu!

1 Petero 4:16

Keli naka untu omotshi ambusuyama uku usika Kristu, ndi tukaki sonyi, keli ndi atumbuli Unyashungu lu lukumbu lone,

1 Joani 2:28

Anʼami wa tshitshe, nyuyalaki lu utema andi, ne dia naka ndi ayene, shu katuyali la dihunga. Tatuyalaki la sonyi la ntundu kandi lamʼayunduya.