Filipi 1:11 - La Bible en Otetela (Bible K'Ekila) 1991

¹¹ la dia nyu ndudiama la elua wʼakambu wʼololo weli uma le Jesu Kristu, ne dia lutumbu la diandu dia Unyashungu.

Filipi 1:11 Iomraidhean Croise

Esambu 1:3

Ndi eli uku utamba wakawune lasuki lʼekedi wʼashi, Watotokaka elua awo lu deku diawo. Nduku dikatshi diawo diatolengelaka, Lu akambu tshe watshandi, ndi atongonaka.

Isaya 5:2

Ndi akafusi kete, akanya ave uma loko. Ndi akune kuno yʼololo leko; Ndi akahiki etangelu lʼatei ato. Ndi akakengi mbaka ka mbidjaka ashi wʼelua. Ndi akalungamela dia to nto elua wʼololo, Keli to kakato elua wʼululu.

Isaya 60:21

Antu aye wayuyala antu wʼololo atu. Vo wayukita kete pundju. Vo weli lukuno lakamune, Ndu ulimu wʼanya ami, dia dimi ntumbwama.

Isaya 61:11

Ne dia uku atudihulaka kete etumbatumba, Ndu uku atomenyaka ekambo wehu, Osoku mbayomenya Khumadiondjo, Latuyalaka panda La lutumbu la ntundu ka wedja tshe.

Isaya 61:3

Dia nembohaya wane walela lu Siona, Dia mbasha alembo lu dihuli diʼutuku, La iso kʼongenongeno lu dihuli diʼutanda, Diandu lu dihuli diʼukananu, Dia vo mbetama vati: Etamba wa sambu kʼololo, Ekambo ka Latuyalaka, dia vo mbutumbula.

Mateu 5:16

Okone usasi anyu ahete la ntundu ka antu, dia vo kaweyi etsha anyu wʼololo, kawutumbuli Shenyu le lʼulungu.

Joani 15:16

Nyu konsonolami, keli dimi kambunyosonola, lambunyutuma dia nyu nto elua, la elua anyu wayali pundju. Okone Papa ayunyusha kene tshe kayunyolomba lu lukumbu lami.

Joani 15:2

Lutahi lami tshe lahato elua, ndi ayulunya. Lutahi tshe latotokaka elua, ndi ayulolongosola dia lo ndeka nto elua efula.

Joani 15:8

Uma lu dikambu so, Papa ayutumbwama, dia nyu nto elua efula. Okone nyu nyayuyala ambeki ami.

Romo 15:28

Lamʼayumushidiya ulimu wa mbasha eshasha eso, dimi layutakumi le nyu lamʼayumeta utsha lʼEspanye.

Romo 6:22

Keli kakiane nyambutshungwama uma lu akambu wa kolo, nyambuyala fumbi ya Unyashungu. Waho walungulanyu lu dikambu ne eli ekidiamelu, ku lʼekumelu lumu la pundju.

1 Koreto 10:31

Okone kana nyayole, kana nyayono, kana dikambu tshe diayunyutsha, nyutshi dia lutumbu la Unyashungu.

2 Koreto 9:10

One latushaka umbuki wuhu la ma dia nde, ndi ayunyusha wuhu anyu wa mune, ayuwufudia, ayuhamia elua wʼakambu anyu wʼololo.

Efeso 1:12

ne dia shu ndjala la diandu dia lutumbu landi, shu wane wakalungamela Kristu ntundu.

Efeso 1:14

keli uku okole wʼukito asu, lu etshungwelu ka kene tshe keli ka Unyashungu, ne dia lutumbu landi.

Efeso 2:10

Ne dia shu teko ulimu andi, takatungama le Kristu Jesu dia ntsha elimu wʼololo, wakatolongoswela Unyashungu ntundu dia shu nkendakenda loko.

Efeso 5:9

(ne dia elua wa yanyi weli tshe ololo la uluwanyi la mete),

Filipi 4:17

Dimi hayangi ushasha anyu, keli elua watunyotokaka, mbayangami.

Kolosai 1:10

dia nyu nkendakenda ololo uku alanga Khumadiondjo, dia nyu nto elua lu elimu wʼololo tshe, la dia mbula lu nimbitela Unyashungu.

Kolosai 1:6

lakayi le nyu. Lo leko ndu lu kete tshe — latotokaka elua, latufulaka — uku atshalo ndu lʼetema anyu uma lu lushi lakanyuki ndu lakanyeyi ngandji ka mamba ka Unyashungu lu mete;

2 Tesalonika 1:12

dia lukumbu la Khumesu Jesu ntumbwama lʼetema anyu; la dia nyu ntumbwama lʼutema andi, uku eli ngandji ka mamba ka Unyashungu asu la ka Khumadiondjo Jesu Kristu.

Tito 3:14

Ndu asikasu weki lama ntsha elimu wʼololo dia nungula diango diahumbawo, diaha vo ndjala waha la elua.

Heberu 12:11

Ekiyamelu tshe hafani lʼongenongeno lamʼekito, keli to keko la fono. Ku lʼokongo diku, to katotwelaka wane wambekiyama la to elua wa ki, weli elua wʼakambu wʼololo.

1 Petero 2:12

Nyuyali la ditshelu diʼololo lʼatei wʼasi wedja. Okone, naka wambunyosongwela vati: Nyu nyeko atshi wa kolo, naka vo wayena etsha anyu wʼololo, ku vo wayutumbula Unyashungu, lu lushi layundakendela.

1 Petero 2:5

Okone ndu nyu nyeko uku ave wa lumu, wambunyete uku luudu la Nyuma, dia nyu ndjala elombedi wʼekila, ne dia nambula elambu wa Nyuma, wangenyangenya Unyashungu le Jesu Kristu.

1 Petero 2:9

Keli nyu nyeko wudja wakawasonola, nyeko elombedi wa lu diuhu dia khumʼekanga, la wudja wʼekila, antu wa Unyashungu ndame, dia nyu menya akina ololo wa one lakanyeti uma lu udjima utsha lu yanyi yandi ya mamba.

1 Petero 4:14

Naka nyu nyambotengama dia lukumbu la Kristu, nyu nyeko la otshoko, ne dia nyuma ka lutumbu ndu ka Unyashungu, keko la nyu.