Embadi 9:4 - La Bible en Otetela (Bible K'Ekila) 1991

⁴ Vo wakawusha tenyi dia fesa akumi esambeli uma lʼetemwelo ka Bala-Berite. Ku Abimeleke akafuti akanga a dinginya la diyokayoka diakatuyelaka fesa yako.

Embadi 9:4 Iomraidhean Croise

2 Samuele 6:20

Davidi akakalula dia ntotshokola wa lu luudu landi. Ku Mikale, onʼa Saulu, akatumbi dia ntulungula. Ndi akati ati: Ndi nemo diakayadi la khumʼekanga ka Isariyele dia nkulula ahondo lu ashu a wadi wʼekambi andi, uku atukululaka fumbo sonyi li!

2 Ekondo 13:7

Antu wʼanyanya, antu wa kolo, wakamote la le ndi, wakayakikitsha dia ndosha Rehoboama, onʼa Solomona. Rehoboama aki dikenda, aki la woma, la wulu andi kunkuka memala la ntundu kawo.

Jobo 30:8

Ana wa dinginya, ndu amonywami mbewo, Wakatasukuyaka uma lu wudja.

Tukedi 12:11

One latukambaka ekambo kandi katuyalaka la mbu ya nde. Keli one latuyelaka akambu wʼanyanya, kema la yimba.

Zefaniya 3:4

Amvutshi awo weli antu watusadisadi ndu antu wa lukesu. Elombedi awo wakasuwula etemwelo, wakalanya elembe.

Etsha wa Atumami 17:5

Keli asi Juda wakuki kandjema, wakose antu wa kolo amotshi uma lʼatei wʼantu kʼantu, wakasanganya ului, wakatombosha usumba. Vo wakoto lu luudu la Jasona la wulu, wakayangi mbatundja le antu.

Embadi 11:3

Jefeta akalawo anangu etali, akatudjase lu kete ya Toba. Antu wa kolo wakamotaka la le Jefeta, wakatengolaka la ndi.

Embadi 8:33

Lamʼakavu Ngidiyona, asi Isariyele wakaseke Latuyalaka, wakatendela Wa-Bala, wakete Bala-Berite, etemolatemola kawo.

Embadi 9:27

Vo wakatshu lu dikambo diawo dia vinyo, wakatumba elua, wakayuwamula. Ku vo wakayala la dambu. Wakoto lu luudu lʼetemolatemola kawo, wakali, wakano, wakadji Abimeleke mananu.

1 Samuele 22:2

Untu tshe laki la pa, untu tshe laki la abasa, la untu tshe laki la lunyangu, wakamote la le ndi. Ndi akayala olombodi awo. Antu waki la le ndi, waki uku apami kama nyei.