Embadi 8:10 - La Bible en Otetela (Bible K'Ekila) 1991

¹⁰ Zeba la Zalamuna waki la Karakoro, vo la alimbi awo lasuki la nunu dikumi la tanu. Alimbi asu tshe weli wane wakatshikala uma lʼatei wʼalimbi tshe wʼuma lu leke lʼehutwelu. Apami nunu lukama la akumi ahendi waku wakasomola tombo, wakadiakema.

Embadi 8:10 Iomraidhean Croise

2 Khumi ya Dikanga 3:26

Lamʼakenyi khumʼekanga ka Moaba ati: Ta diambutuleka wulu, ndi akose alimbi kama esambeli, akahimbi mbata mbuka utsha le khumʼekanga ka Edome, keli wulu awo kunkuka.

2 Ekondo 13:17

Abidja la antu andi wakadiaki efula efula, wakadiaki alimbi a wulu wʼIsariyele antu nunu kama tshanu.

2 Ekondo 28:6

Peka, onʼa Remaliya, akadiaki andoshi wa ta wa wulu nunu lukama la akumi ahendi lushi otoi lu Juda, ne dia vo wakaseke Latuyalaka, Unyashungu a washewo.

2 Ekondo 28:8

Asi Isariyele wakandi anengewo asi Juda nunu kama hyendi lu fumbi, amantu, ana apami la ana wʼamantu. Vo wakambi ndu diango efula, wakatshu la wo la Samariya.

Isaya 37:36

Ku ondjelo wa Latuyalaka akatumbi, akadiaki asi Asuriya nunu lukama la akumi enanei la tanu lu pangu. Ku lamʼaketo antu la pindju, wayendaki, ku vo wakayadi edu etu.

Isaya 9:4

We ambulanya lokoho laki wutshu le ndi, Ukalimba wakokomolaka lʼokongo, la ohehela wa one lakusuyaka, Uku lu lushi la Midiyana.

Embadi 20:15

Lushi lako vo wakasangana, andoshi wa ta wʼasi Bendjamina, apami nunu akumi ahendi la samalu uma lʼesumba awo. Aso waki ladiku diʼalimbi kama esambeli wa la Ngibeya.

Embadi 20:17

Apami wa Isariyele wakeyaka ndo la tombo, aha mbala asi Bendjamina waki antu nunu kama nyei. Vo tshe waki andoshi wa ta.

Embadi 20:2

Ewandji wʼantu tshe wa wauhu tshe wa Isariyele wakasangana kame la ului wʼantu a Unyashungu, andoshi wa ta watokendakendaka lʼekulu wukimedi tombo. Vo waki antu nunu kama nyei.

Embadi 20:25

Ku lushi lako, asi Bendjamina wakatumbi uma la Ngibeya dia ntuhumana la wo. Vo wakakitsha asi Isariyele nunu dikumi la enanei kedikedi, vo tshe wakeyaka ndo ta la tombo.

Embadi 20:35

Latuyalaka akalembia Bendjamina la ntundu ka Isariyele. Lushi lako asi Isariyele wakadiaki asi Bendjamina antu nunu akumi ahendi la tanu la lukama, waku tshe wakeyaka ndo ta la tombo.

Embadi 20:46

Okone lushi lako, wadiaki asi Bendjamina nunu akumi ahendi la tanu wakeyaka ndo ta la yombo. Aso tshe waki apami a wulu.

Embadi 6:5

Vo wakayakaka la ngombe yawo la mvudu yawo yʼapema. Vo wakayakaka efula uku lukengi lʼendjo. Vo waki efula kaheyama mbala, vo la tushamo tawo. Wakayakaka dia ndjulanya kete.

Embadi 7:12

Asi Midiyana, asi Amaleka, la antu tshe wʼuma lu leke lʼehutwelu wakadjase lʼukidi. Vo waki efula uku lukengi lʼendjo. Kamelo yawo kumbeyama mbala. Yo yaki efula uku seke ya losenga la lʼumamu wʼashi a wuki.

Embadi 7:13

Lamʼakasukana Ngidiyona, uke ku pami kemotshi asakwela unyandi do ati: Enda, lakenyi ukama wa ma wako lʼatei a pangu kʼasi Midiyana. Vo wakakomwama lu luudu la dipema, ku luudu lako lakanyukwi, lakakadimwi etshulitshuli, ndu lakayadi mataa lu kete.

Embadi 7:22

Apami ako kama shatu wakadi amama ntu, ku Latuyalaka akalosha wane tshe waki lu pangu vame, untu la unyandi, untu la unyandi. Wane waki lu pangu wakalawo pulu ndu la Bete-Shita kʼutsha la Zerera, pulu ndu lʼumamu wa Abele-Mehola, lasuki la Tabata.

Embadi 8:11

Ngidiyona aketi lu mbuka ka waku wudjashi lu mvudu yʼapema lu leke lʼehutwelu ka Noba la ka Jongebeha, akatolembia alimbi ako, ne dia vo kumbulungamela.