Embadi 7:12 - La Bible en Otetela (Bible K'Ekila) 1991

¹² Asi Midiyana, asi Amaleka, la antu tshe wʼuma lu leke lʼehutwelu wakadjase lʼukidi. Vo waki efula uku lukengi lʼendjo. Kamelo yawo kumbeyama mbala. Yo yaki efula uku seke ya losenga la lʼumamu wʼashi a wuki.

Embadi 7:12 Iomraidhean Croise

1 Khumi ya Dikanga 20:27

Ndu asi Isariyele wakayasanganya, wakalungula mbu ya nde, wakatshu dia ntuhumana la wo. Asi Isariyele wakatuhanga welanedi la wo uku nyimba hyendi ya tshitshe ya tana ta mbudi. Keli asi Suriya wakaluli too too lu kete.

1 Khumi ya Dikanga 4:30

Yimba ya Solomona yakaleki tumba tʼantu tshe wa lu leke lʼehutwelu la tumba tshe tʼasi Edjibitu.

Esambu 3:1

Latuyalaka li, atunyi ami wambuyala efula; Antu efula wambunela dia ndjolo la mi ta!

Esambu 33:16

Khumʼekanga heyi nshimbamela ne dia ului andi a wuki wʼalimbi, Onembishi heyi ntshungwama ne dia wulu wʼotekoya.

Jeremiya 46:23

Vo wayunyukula ukunda awo kuyanga vo weko pika. Vo wambuleka endjo efula, Efula kaheyama mbala, mbata Latuyalaka.

Jashua 11:4

Vo wakatumbi, vo la elui awo wʼalimbi tshe. Vo waki antu efula uku tongo ya losenga la lʼumamu wʼashi a waki. Vo waki la falasa la pusupusu efula.

Embadi 6:3

Lamʼakuneka asi Isariyele mbu ya nde, asi Midiyana, asi Amaleka la antu uma lu leke lʼehutwelu, wakayakaka dia ndjolo la wo.

Embadi 6:33

Midiyana tshe, Amaleka, la antu lu leke lʼehutwelu wakamote kame, wakateho Jorodana, wakatuhanga lʼukidi wa Jezerele.

Embadi 6:5

Vo wakayakaka la ngombe yawo la mvudu yawo yʼapema. Vo wakayakaka efula uku lukengi lʼendjo. Vo waki efula kaheyama mbala, vo la tushamo tawo. Wakayakaka dia ndjulanya kete.

Embadi 7:13

Lamʼakasukana Ngidiyona, uke ku pami kemotshi asakwela unyandi do ati: Enda, lakenyi ukama wa ma wako lʼatei a pangu kʼasi Midiyana. Vo wakakomwama lu luudu la dipema, ku luudu lako lakanyukwi, lakakadimwi etshulitshuli, ndu lakayadi mataa lu kete.

Embadi 8:10

Zeba la Zalamuna waki la Karakoro, vo la alimbi awo lasuki la nunu dikumi la tanu. Alimbi asu tshe weli wane wakatshikala uma lʼatei wʼalimbi tshe wʼuma lu leke lʼehutwelu. Apami nunu lukama la akumi ahendi waku wakasomola tombo, wakadiakema.

1 Samuele 13:5

Asi Filistiya wakamote kame dia ndosha Isariyele. Vo waki la pusupusu ya ta nunu akumi asatu, ambahemi wa falasa nunu samalu. Alimbi wakakendakendaka lʼekulu waki efula kaheyama mbala, uku seke ya losenga la lʼumamu wʼashi a waki. Ku vo wakayi, wakayuhanga la Mikimashi lu leke lʼehutwelu ka unya la Bete-Avena.

1 Samuele 30:17

Davidi akalo la wo umaka hyutshihutshi edja ndu la dikolo dia wedi a pindju. Vo tshe nduku untu akahandi, tshikima elongo wʼapami kama nyei, wane wakahema lu kamelo, mbakalawo.