Embadi 6:10 - La Bible en Otetela (Bible K'Ekila) 1991

¹⁰ Dimi lakanyutela nti: Dimi leli Latuyalaka, Unyashungu anyu; tanyukaki ditemolatemola diʼasi Amora, akanga a kete yudjashinyu, woma. Keli nyu kumbuka diui diami.

Embadi 6:10 Iomraidhean Croise

2 Khumi ya Dikanga 17:13

Latuyalaka akatela Isariyele la Judalʼunyo wʼumvutshi tshe ndu lʼunyo wʼomenyi tshe wʼakambu wahatayi ati: Nyukadimo uma lu mbuka yanyu ya kolo, nyukitanyia elembe ami la adjangu ami, uku elembe tshe wakamadjela washenyu, ndu wakamanyutumela le ekambi ami amvutshi.

2 Khumi ya Dikanga 17:33

Vo wakuki Latuyalaka woma, keli wakatemolaka ndu ditemolatemola diawo, uku akatshaka wedja, lene akawosama.

2 Khumi ya Dikanga 17:7

Dikambu diakayala osoku, ne dia asi Isariyele wakatshela Latuyulaka, Unyashungu awo, kolo, one lakatundja uma lu kete ya Edjibitu, uma la tshina dia lunya la Farayo, khumʼekanga ka Edjibitu, ndu ne dia vo wakuki ditemolatemola woma.

Nehemiya 9:29

We akatshutshiya dia vo nkalula lu elembe aye, keli vo wakayakimo lʼutaku, kununga elembe aye. Vo wakahediaka adjangu aye, wako watulumbiaka wane watatshaka, wakanyonye aheka, wakayala la ete wulu, kunkitanyia.

Etumbelu 34:12

Ewo, ne dia utukutudja sheki la akanga a kete, lene ayuyutatshokaka, ne dia sheki yako yatukuyala djunga le ye.

Etumbelu 34:14

(totemolaki nduku etemolatemola, ne dia Latuyalaka, letawo vati: Kanga Kandjema, eli Unyashungu a kandjema),

Tukedi 5:13

Dimi kununga aui wʼembetsha ami, Kuyanga mpuke tui le wane wakambetshaka.

Jeremiya 10:2

Latuyalaka kata ati: Tanyukuyaki ditshelu dia wedja, Tanyukaki tulimbitelu ta lʼulungu woma, Ne dia wedja watutukaka woma;

Jeremiya 17:23

Keli vo kununga, kumpuke atui, wakayala la ete wulu diaha mbetshama.

Jeremiya 3:13

Dikambu otoi, nyetawo nyati: Nyu nyakampedia, dimi Latuyalaka, Unyashungu anyu, Nyakediya ekulu anyu utsha lene la lene, Utsha le ditemolatemola diʼasi wedja, la tshina diʼutamba wʼuyuyu. Ndu nyu kunkitanyia diui diami.

Jeremiya 3:25

Tetami lu sonyi kasu, ufutanu asu watukumbi, ne dia shu takatshela Latuyalaka, Unyashungu asu, kolo, ndu shu ndu washesu umaka nshi yasu yʼakenda edja ndu elo. Shu kunkitanyiaka diui dia Latuyalaka, Unyashungu asu.

Jeremiya 42:21

Dimi lambunyutelawo elo. Keli nyu hanyukitanyia diui dia Latuyalaka, Unyashungu anyu, kuyanga lu diui otoi lu dikambu diakandantumi.

Jeremiya 43:4

Okone Johanana, onʼa Karea, elombodi tshe wʼalimbi, la wudja tshe kunkitanyia diui dia Latuyalaka dia vo mbidjase lu kete ya Juda.

Jeremiya 43:7

Vo wakatshu utsha lu kete ya Edjibitu, ne dia vo kunkitanyia diui dia Latuyalaka. Vo wakakumi la Tapanehese.

Jeremiya 9:13

Latuyalaka kata ati: Vo wakaseke elembe ami, wakamakitsha la ntundu kawo. Vo kumbetawo aui ami kuyanga nkendakenda loko.

Zefaniya 3:2

Vo kunkitanyia diui, kumbetawo wetshelu, Kombekama le Latuyalaka, kunsukana le Unyashungu awo.

Romo 10:16

Keli vo tshe kumpukama lukumu lʼololo. Isaya akati ati: Khumadiondjo, akona ambetawo diui diakatawutela?

Heberu 5:9

Lamʼakandaluwanyema ololo tshe, ndi akayala atungi a panda ka pundju le wane tshe watukitanyiaka.

Jashua 24:15

Naka nyu hanyongenangena ntemola Latuyalaka elo, nyosonole kene kalanganyu ntemola, kana ditemolatemola diakatemolaka washenyu la wedi wa Efarate, kana ditemolatemola diʼasi Amora, akanga a kete yudjashinyu. Keli dimi la wa lu luudu lami tayotemolaka Latuyalaka ndame.

Embadi 2:2

Dimi lakanyutela nti: Tanyudjaki lʼasi kete nye sheki, nyuhandjuli diakelu diawo. Keli nyu kunkitanyia diui diami. Okoko wana wakanyatshi okone?

Embadi 6:9

Dimi lakanyutshungula uma lu anya wʼasi Edjibitu, ndu uma lu anya a wane tshe wakanyusuyaka. Lakatawatshanyaka uma la ntundu kanyu, lakanyusha kete yawo.