Embadi 4:14 - La Bible en Otetela (Bible K'Ekila) 1991

¹⁴ Debora akatela Baraka ati: Uneli ne dia Latuyalaka ambukimo Sisera lu anya aye elo. Undi, Latuyalaka hatatshu la ntundu kaye uka? Okone Baraka akahulo uma lʼUkungu a Tabora la apami nunu dikumi.

Embadi 4:14 Iomraidhean Croise

Etatelu 19:14

Lota akatumbi, akatusawula la akilu andi wʼapami wakambela anʼandi. Ndi akawatela ati: Nyuneli, nyumo uma lu dihuli ne, ne dia Latuyalaka utsha nanya usumba one. Keli vo wakonyola aui andi vati: Aui wa sawusawu mbatandi.

Etatelu 44:4

Lamʼakawatumbi uma lʼusumba, watakumi etali, Josefu akatela ulami a luudu landi ati: Unela, uyeli apami aku. Lamʼayuyutuwanda, kuwambuli wati: Okoko wana wambunyukaluya kolo lu ololo?

2 Samuele 5:24

Lamʼayuyutuka lohokoso ladiku diʼetamba wʼelombi, kuyalongosole, ne dia laso ku Latuyalaka ambeta la ntundu kaye, dia ntolembia asi Filistiya.

Isaya 52:12

Tanyunelaki shashimuya kuyanga ndawo lulawo, Ne dia Latuyalaka ayutsho la ntundu kanyu, Ee, Unyashungu wa Isariyele ayudihela lʼokongo anyu.

Mika 2:13

Uhandjudi aketi la ntundu kawo. Vo wakahandjula lukuki, Waketi la suku, ku wakatumbi loko. Khumʼekanga kawo aketi la ntundu kawo, Ku Latuyalaka lolombo lawo.

Euhwelu kʼElembe 9:3

Okone nyeyi elo nyati: Latuyalaka, Unyashungu anyu, ayokendakenda la ntundu kanyu uku dja ya dikita. Ndi kayalanya, kayakitshakitsha la ntundu kanyu. Ku nyu nyayuwatshanya, nyayadiaka esadi, uku akanyulaki Latuyalaka.

Jashua 10:8

Latuyalaka akatela Jashua ati: Tuwaukaki woma, dimi lambakimo la anya aye, nduku otoi ayeya memala la ntundu kaye.

Jashua 7:13

Emali, ukidia antu; uwateli wati: Nyuyakidia dikambu dia lui, ne dia Latuyalaka, Unyashungu wa Isariyele, kata ati: Isariyele li, diango diakakimwama tadiuyalaki lʼatei anyu. Nyu hanyeyi memala la ntundu kʼatunyi anyu, tshikima nyu nyambutanyisha diango diku diakakimwama uma lʼatei anyu.

Embadi 19:28

Ndi akawutela ati: Uneli, tutshu. Keli ndi kumbukaluya nduku diui. Ku khumendi akawembe, akawahe ladiku dia punda. Ku ndi akatshu utsha lakandi.

Embadi 4:10

Baraka akasanganya asi Zebuluna la asi Nafetali la Kedeshe. Ku apami nunu dikumi wakatshu la ndi, ndu Debora akatshu kame la ndi.

Embadi 7:9

Lʼutshu ako Latuyalaka akatela Ngidiyona ati: Uneli, uhulo utsha lu pangu kawo, ne dia dimi lambakimo lu anya aye.

1 Samuele 9:26

Vo waketo koko ka ntundu, ku la hyutshihutshi Samuele aketi Saulu ati: Yaka ndjukokendja. Saulu aketo, ku vo ahendi wakatumbi lʼosese, ndi la Samuele.